完整藏文原文 · 德格版页 当前仅加载第 80 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
ཚིག་སྦྱིན། །ནོར་བུ་མགྲིན་པར་བྱང་ཆུབ་སེམས། །བླ་མ་ཉིད་ཀྱིས་རང་རིག་བྱེད། །ཤེས་རབ་ལྷན་ཅིག་གནས་ལས་ལངས། །སློབ་མའི་ཁ་ཡི་པདྨ་རུ། །ཉིད་ཀྱི་རྡོ་རྗེ་རབ་ཏུ་སྦྱིན། །དེ་ནས་བདེ་བའི་བདུད་རྩིས་དཀྲོལ། །མགྲིན་པའི་དབུས་སུ་རྩ་གཉིས་ནི། །
D422.080.0131a01.01གཡས་དང་གཡོན་ན་ཡོད་པའོ། །སྦོམ་མ་ཡངས་མར་འདི་རུ་གྲགས། །སྲོག་དང་ཉེ་བའི་རང་ངོ་བོ། །གཡོན་ནི་སྲོག་ཏུ་ཤེས་པར་བྱ། །ཉེ་བའི་སྲོག་ནི་གཡས་ནའོ། །དེ་རུ་བདེ་བར་འཇུག་པར་བྱ། །མཐེ་བོང་སྲིན་ལག་གཉིས་ཀྱིས་མནན། །དེ་ནས་ཡེ་ཤེས་འབྱུང་བར་འགྱུར། །
D422.080.0131a02.01བུ་མོས་རྙེད་པའི་བདེ་ཇི་བཞིན། །རེག་བྱ་ཆེན་པོས་དགའ་བ་ཆེ། །དགའ་བ་ཆེན་པོས་བདེ་བ་ཆེ། །བདེ་བ་ཆེན་པོས་བྱང་ཆུབ་སེམས། །ཤེས་རབ་བྱ་གདོང་མ་ཡི་ཁར། །ནོར་བུའི་ཁ་ལས་ཐིགས་པ་གཅིག །ཤེས་རབ་ཡེ་ཤེས་ཞལ་བཟང་མོ། །ཤེས་རབ་བྱ་གདོང་
D422.080.0131a03.01ལས་བདེ་བ། །རྡོ་རྗེ་རིན་ཆེན་ཁ་རུ་འགྲོ། །དེ་ནི་དབང་གི་མཆོག་རབ་ཡིན། །སངས་རྒྱས་གྲུབ་པའི་འབྲས་སྦྱིན་བདག །ཤེས་རབ་གཟུགས་བཟང་བྷ་ག་རབ། །ཤིན་ཏུ་ལང་ཚོ་དབང་བསྐུར་ལྡན། །དགའ་སོགས་བྱེ་བྲག་མགུ་བར་བྱས། །དེ་ནས་སློབ་མ་ལ་སྦྱིན་བྱ། །
D422.080.0131a04.01སེམས་དཔའ་ཆེན་པོ་ཤེས་རབ་འདི། །ཡང་དག་ཡེ་ཤེས་རབ་ཏུ་སྟེར། །གང་ཞིག་བཀའ་ལུང་སྐྱབས་སྦྱིན་ཏེ། །དེ་ནི་བུ་ཁྱོད་དད་པར་བྱ། །དེ་ཡི་མངལ་གྱི་གཡོན་ལོགས་ན། །ཨི་ཌཱ་བྱ་གདོང་མ་ནི་བཞུགས། །དེ་རྙེད་ཙམ་གྱིས་རང་བཞིན་ནི། །ཤེས་རབ་བསྙེན་པས་
D422.080.0131a05.01རྙེད་པར་འགྱུར། །དེ་ནི་གཞན་མིན་ཡོངས་སུ་ཤེས། །བཞི་པའི་འབྲས་བུའི་ངོ་བོ་ཡིན། །རང་རིག་པ་དང་མཆོག་ཡེ་ཤེས། །ངག་གི་ལམ་གྱིས་རྙེད་དང་བྲལ། །དེ་ན་ལྷ་མོ་སྐལ་ལྡན་མོ། །གསང་བ་ལས་ནི་ཤིན་ཏུ་གསང་། །རྒྱུད་ཀུན་དུ་ནི་བདག་གིས་སྦས། །མཐའ་
D422.080.0131a06.01ཡི་མཐའ་རུ་རབ་ཏུ་གསལ། །བཅོམ་ལྡན་འདས་མས་གསོལ་བ། མཐའ་དང་མཐའ་ཡི་དོན་ནི་ཅི། །མཆོག་གི་དབང་ཕྱུག་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། །མཐའ་ནི་རྣམ་པར་འབྱེད་པར་ཤེས། །རྣམ་པར་འབྱེད་པ་བཅོམ་པའི་ཕྱིར། །
D422.080.0131a07.01