完整藏文原文 · 德格版页 当前仅加载第 80 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
བྲལ་དགའ་བས་ལྷན་སྐྱེས་འགྱུར། །ནོར་མདུད་སྙིང་ག་ཡི་ནི་གསང་། །བྱང་ཆུབ་ཀྱི་ནི་སེམས་དང་ལྡན། །དེ་ནི་ཐབས་ཀྱི་གསང་བའི་དོན། །ཤེས་རབ་མ་ཡི་དེ་བཞིན་ནོ། །གསང་བ་ཤེས་རབ་དབང་གཉིས་ལས། །དགའ་མོ་གསང་བའི་དོན་ཤེས་སོ། །
D422.080.0129a01.01དཔལ་ཡེ་ཤེས་ཐིག་ལེ་ལས་གསང་བའི་དོན་ཞེས་བྱ་བའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་བཅོམ་ལྡན་འདས་མ་ཕྱག་རྒྱ་ཆེན་པོས་འཇམ་པའི་དབྱངས་ལ་ཡང་ཞུ་བ་ཞུས་པ། མགོན་པོ་ཐམས་ཅད་གཏན་ཕབ་པ། །རང་བཞིན་ཇི་ལྟར་ལགས་པ་གསུངས། །བཅོམ་
D422.080.0129a02.01ལྡན་འདས་ཀྱིས་དེ་ལྟ་བུའི་ཚིག་གསན་པ་དང་ཅང་མི་གསུང་བའི་དངོས་པོས་སྐད་ཅིག་ཙམ་བཞུགས་ཏེ། དེ་ནས་མི་སྣང་བའི་རང་གི་ངོ་བོར་བཞུགས་སོ། །དེ་ནས་བཅོམ་ལྡན་འདས་མ་ཕྱག་རྒྱ་ཆེན་པོས་བདག་རང་རྟེན་མེད་པར་མཐོང་ནས་ཞུས་པས་ཤིན་ཏུ་འགྱོད་ནས་ཅང་མི་སྨྲ་བར་
D422.080.0129a03.01བཞུགས་སོ། །དེའི་དུས་སུ་སྣ་ཚོགས་པདྨ་ལ་བཞུགས་པའི་འཁོར་བྱེ་བ་ཕྲག་བདུན་ཅུ་རྩ་གཉིས་ཀྱི་གྲངས་རྣམས་ཀྱིས་ཆོས་ཀྱི་འབྱུང་གནས་སྟོང་པར་མཐོང་ནས་ཤིན་ཏུ་ཡ་མཚན་དུ་གྱུར་པས་ཀུན་སྨྲེ་ཞིང་བརྒྱལ་བར་གྱུར་ཏོ། །ཀྱཻ་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་
D422.080.0129a04.01དབང་ཕྱུག་བཅོམ་ལྡན་འདས་དཔལ་རྡོ་རྗེ་སེམས་དཔའ་གང་ན་བཞུགས། གར་གཤེགས། ཀུན་དུ་སྟོང་པར་བདག་ཅག་གིས་མཐོང་ལགས་སོ། །ལྷའི་དབང་ཕྱུག་གིས་གསོལ་པ། འཁོར་ཆེན་པོ་རྣམས་ཉོན་ཅིག །བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་བཅོམ་ལྡན་
D422.080.0129a05.01འདས་དཔལ་ཕྱག་རྒྱ་ཆེན་པོས་འདི་ལྟར་ཞུས་ཏེ། མགོན་པོ་ཐམས་ཅད་གཏན་ལ་ཕབ། །རང་བཞིན་ཇི་ལྟར་ལགས་པ་གསུངས། །དེ་ལྟ་བུའི་ཚིག་གསན་པ་དང་བཅོམ་ལྡན་འདས་ཅང་མི་གསུང་བར་མི་སྣང་བར་གྱུར་ཏོ། །དེ་ཅིའི་ཕྱིར་ཞེ་ན། རང་བཞིན་དེ་ནི་བརྗོད་དུ་མེད་པ་
D422.080.0129a06.01དང་། རྟོག་གེ་མེད་པ་དང་། བཙལ་དུ་མེད་པ་དང་། གྲངས་མེད་པ་དང་། སྐྱེ་བ་མེད་པ་དང་། གཟུགས་མེད་པ་དང་། རིག་པ་མེད་པ་ལ་དྲིས་པས། དེ་ཉིད་སྨྲར་མི་བཏུབ་པའི་ཕྱིར། བཅོམ་ལྡན་འདས་སྣང་བ་མེད་པར་གྱུར་ཏོ། །ཡང་འཁོར་ཐམས་ཅད་ཀྱིས་གསོལ་
D422.080.0129a07.01