完整藏文原文 · 德格版页 当前仅加载第 80 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
སོ་གཞན་མ་ཡིན། །བསོད་ནམས་ཐམས་ཅད་ཀྱི་ནི་གནས། །སངས་རྒྱས་བྱང་ཆུབ་སེམས་དཔའ་དང་། །ཚངས་པ་བརྒྱ་བྱིན་ཁྱབ་འཇུག་ལྷ། །དེ་ཀུན་གྱིས་ནི་བདག་མཆོད་འོས། །མ་གྲགས་ཀྱང་ནི་གྲགས་གཟུགས་ཡིན། །དེ་ལྟར་ཤེས་ནས་སྒྲུབ་པ་པོས། །འབད་
D422.080.0101b01.01པ་ཡིས་ནི་མཆོད་པར་བྱ། །བླ་མའི་ཞལ་སྔ་མཆོད་བྱས་ན། །ཅི་འདོད་པ་ཡི་འབྲས་བུ་རྙེད། །རྒྱུད་ཀྱི་དོན་ནམ་དབང་གི་དོན། །ཤེས་ནས་བླ་མ་མི་མཆོད་པ། །ས་སྟེངས་ཉི་ཟླ་ཡོད་པར་དུ། །དེ་ནི་མནར་མེད་པ་རུ་འགྲོ། །དེ་བས་ཀུན་ཏུ་འབད་པ་ཡིས། །གུས་པས་བླ་མ་
D422.080.0101b02.01མཆོད་པར་བྱ། །རིན་ཆེན་སྣ་ཚོགས་བཟོར་བྱས་ལེགས། །གསེར་གྱི་པདྨ་དྲི་མ་མེད། །མུ་ཏིག་དོ་ཤལ་རིན་ཐང་མེད། །སྣ་ཚོགས་དུ་མ་ཡི་ནི་གོས། །གཅེས་པའི་བཙུན་མོ་བུ་དང་བཅས། །གླང་ཆེན་རྟ་དང་བྲན་ལ་སོགས། །དཔལ་ལྡན་བླ་མའི་སྤྱན་སྔ་རུ། །དད་གུས་བརྟན་
D422.080.0101b03.01པས་དབུལ་བར་བྱ། །དཔལ་ཡེ་ཤེས་ཐིག་ལེ་ལས་ཡོན་དབུལ་བ་དང་བཅས་པའི་དབང་གི་རིམ་པ་ཞེས་བྱ་བའི་ལེའུ་སྟེ་གསུམ་པའོ།། །།དེ་ནས་གཞན་ཡང་རབ་བཤད་ཉོན། །གནས་ཀྱི་རྙེད་པ་ཇི་བཞིན་དོན། །ཀ་བ་གཅིག་དང་སྒོ་དགུར་ལྡན། །རྡོ་རྗེ་རྩིག་པའི་རྒྱན་དང་ལྡན། །རྡོ་
D422.080.0101b04.01རྗེའི་ཐིག་དང་བླ་རེས་ནི། །ཀུན་ཏུ་ཡོངས་སུ་བསྐོར་བ་ཡིན། །རླུང་ལ་སོགས་པའི་རིམ་པས་དབྱེ། །འབྱུང་བ་བཞི་དང་ལྡན་པ་ཡིན། །ཇི་སྙེད་ནམ་མཁའི་མཐའ་ཀུན་ཏུ། །ཐམས་ཅད་བདག་ཉིད་རྟག་ཏུ་བཞུགས། །རྡོ་རྗེ་གུར་གྱི་དབུས་སུ་ནི། །སྲུང་བའི་འཁོར་ལོ་འཁོར་བཞིན་
D422.080.0101b05.01པ། །རྩིབས་བཅུ་པ་ལ་གསེར་གྱི་མདོག །ཁྲོ་བོ་བཅུ་དང་བཅས་པའོ། །ཁྲོ་བོ་ཐམས་ཅད་ཞལ་གསུམ་པ། །སྤྱན་གསུམ་པ་ལ་ཕྱག་དྲུག་པ། །གཡས་བརྐྱང་བས་བཞུགས་པ་གསུས་པ་རློབ། སྦྲུལ་གྱི་རྒྱན་གྱིས་བརྒྱན་པ། ལྗགས་འདྲིལ་བ། མཆེ་བ་འཇིགས་
D422.080.0101b06.01པ་གཙིགས་པ། དབུ་སྐྲ་སེར་པོ་གྱེན་དུ་འགྲེང་བ། ཨག་ཚོམ་དང་སྨིན་མཆེ་ཞིང་རིང་བ་སྟེ། ཤར་གྱི་འཁོར་ལོའི་རྩིབས་ལ་གཤིན་རྗེའི་གཤེད་སྐུ་མདོག་ནག་པོ་གཡས་དང་གཡོན་པའི་ཞལ་གཉིས་ནི་སེར་བ་དང་དམར་པོ། ཕྱག་གཡས་གཉིས་ན་རལ་གྲི་དང་རྩེ་གསུམ་པ། ཕྱག་
D422.080.0101b07.01