完整藏文原文 · 德格版页 当前仅加载第 80 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་རེ་ཞིག་དེའི་དུས་སུ་རྣལ་འབྱོར་མས་བརྟག་པའི་དོན་གྱི་ཕྱིར་འོངས་ན་འཇིགས་པར་མི་བྱ་སྟེ། །སེང་གེ་ལྟ་བུའི་ཚུལ་གྱིས་ཡོངས་སུ་བརྟག་གོ། །དེ་ལྟར་ཡང་རྣལ་འབྱོར་མ་ཀུན་གཟུགས་སྣ་ཚོགས་པ་དང་། ཕྱག་རྒྱ་སྣ་ཚོགས་པ་དང་། སྐད་སྣ་ཚོགས་པ་རབ་ཏུ་བྱེད་དོ། །གང་གི་ཚེ་
D422.080.0108b01.01དང་པོར་རྒྱང་རིང་པོ་ནས་ཧ་ཧར་རྒོད་པ་དེའི་ཚེ་ཁམས་གསུམ་རྣམ་པར་རྒྱལ་བའི་ཕྱག་རྒྱ་སྦྱིན་ནོ། །དེའི་དུས་སུ་ཧའི་ཡིག་འབྲུ་ལྔ་སྒྲ་ཆེན་པོས་བརྗོད་པར་བྱའོ། །ཅུང་ཟད་ཉེ་བར་འོངས་ན་ཨ་ལ་ལ་ཞེས་སྨྲ་བར་བྱའོ། །གང་གི་ཚེ་ཕྲད་ཙམ་ན་ལག་པ་བསྐོར་ན་དེའི་ཚེ་གྱེན་དུ་ལག་པའི་དབྱུག་
D422.080.0108b02.01པ་བསྒྲེང་བའི་མཛུབ་མོ་སྦྱིན་ནོ། །གང་གི་ཚེ་སྨིན་མ་འབྱེད་པར་བྱེད་ན་དེའི་ཚེ་འཇིགས་པར་ལྕེ་བསྒྲིལ་བར་བྱའོ། །གང་གི་ཚེ་སྟེང་དུ་བལྟ་བ་དེའི་ཚེ་གཡོན་བརྐྱང་བས་མནན་པར་བྱའོ། །གང་གི་ཚེ་རྒྱབ་ནས་བལྟ་བ་དེའི་ཚེ་གཡས་བརྐྱང་བས་མནན་པར་བྱའོ། །གང་གི་ཚེ་རྣམ་པར་རྒོད་པ་
D422.080.0108b03.01དེའི་ཚེ་ཕེཾ་ཀ་ར་ཞེས་བརྗོད་པར་བྱའོ། །གང་གི་ཚེ་ངུ་བ་དེའི་ཚེ་རྒོད་པར་བྱའོ། །གང་གི་ཚེ་གར་བྱེད་པ་དེའི་ཚེ་སྟོང་ཁེངས་བྱའོ། །གང་གི་ཚེ་སྐྲ་བཀྲོལ་བ་དེའི་ཚེ་གཙུག་པུད་དགྲོལ་ལོ། །གང་གི་ཚེ་གོས་བོར་བར་བྱེད་པ་དེའི་ཚེ་ལངས་ཏེ་གཅི་བ་གཏང་བར་བྱའོ། །གང་གི་ཚེ་གཅི་བ་
D422.080.0108b04.01འཐུང་བ་དེའི་ཚེ་རྐང་པ་གཡོན་པའི་མཐེ་བོང་གིས་རྩྭ་བཏོག་པར་བྱའོ། །གང་གི་ཚེ་གཏམ་འདྲི་བ་དེའི་ཚེ་སྨྲ་བར་མི་བྱའོ། །གང་གི་ཚེ་འཕྲུག་པ་དེའི་ཚེ་རལ་པ་མདུད་པར་བྱའོ། །གང་གི་ཚེ་དཔྲལ་བར་རེག་པ་དེའི་ཚེ་སྟེང་གི་མཚམས་ཀྱི་མཐར་རེག་གོ། །གང་གི་ཚེ་རྣ་བར་རེག་པ་དེའི་ཚེ་
D422.080.0108b05.01མགྲིན་པ་ལ་རེག་པར་བྱའོ། །གང་གི་ཚེ་སྣ་ལ་རེག་པ་དེའི་ཚེ་ལྕེ་ཕྱིར་དབྱུང་ངོ་། །གང་གི་ཚེ་མགྲིན་པ་སྟོན་པ་དེའི་ཚེ་ལག་པ་བརྐྱང་བར་བྱའོ། །གང་གི་ཚེ་ནུ་མ་སྟོན་པ་དེའི་ཚེ་མིག་བསྲུབས་བསྐྱོད་པར་བྱའོ། །གང་གི་ཚེ་ལྟེ་བ་སྟོན་པ་དེའི་ཚེ་སེ་གོལ་སྦྱིན་པར་བྱའོ། །གང་གི་
D422.080.0108b06.01ཚེ་རྐེད་པ་བསྒུལ་པ་དེའི་ཚེ་མཚན་བསྟན་པར་བྱའོ། །གང་གི་ཚེ་རྐང་པ་རྐྱོང་བ་དེའི་ཚེ་མཐེའུ་ཆུང་གཉིས་ཁ་གདང་བར་བྱ་བ་དང་། མཛུབ་མོས་མིག་ཀྱང་དེ་བཞིན་ནོ། །སྣའི་ཕུར་མ་བར་མའི་ལྕེ་ཕྱི་རང་བྱུང་བར་བྱ་ཞིང་གཡས་བརྐྱང་དང་གཡོན་བརྐྱང་སྦྱིན་ནོ། །གང་གི་ཚེ་སྣ་
D422.080.0108b07.01