完整藏文原文 · 德格版页 当前仅加载第 80 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་འབྱེད་པ་བཅོམ་པའི་མཐར། །རྣམ་པར་འབྱེད་པ་མཐར་གསལ་འགྱུར། །རྣམ་པར་འབྱེད་མཐར་ཡེ་ཤེས་ཆེ། །དེ་རང་ངོ་བོའི་རང་བཞིན་ནོ། །ལྷ་མོས་གསོལ་པ། དགྱེས་པ་རྡུལ་ཚོན་དཀྱིལ་འཁོར་ནི། །མངའ་བདག་ཇི་ལྟའི་རྣམ་པས་བྲི། །བཅོམ་ལྡན་འདས་
D422.080.0131b01.01ཀྱིས་བཀའ་སྩལ་པ། །གང་ཞིག་ཁྱོད་ཀྱིས་ཡོངས་སུ་ཞུས། །ཉོན་ཅིག་ལྷ་མོ་བདག་གིས་བཤད། །ཕྱག་རྒྱའི་དཀྱིལ་འཁོར་འདི་རུ་ནི། །ལས་ལ་མཁས་པས་བྲི་བར་བྱ། །པདྨ་འདབ་མ་བརྒྱད་པར་བྱ། །པདྨའི་ནང་དུ་ཆར་ཡང་བྱ། །ཆར་ཡང་དང་ལྡན་སྣ་ཚོགས་འདབ། །
D422.080.0131b02.01ཆར་ཡང་གི་ནང་ཐིག་ལེ་སྟེ། །དེ་ཡི་སྟེང་དུ་རྡོ་རྗེ་བྲི། །སྣ་ཚོགས་པདྨའི་ཟེ་འབྲུ་ལྡན། །རྡོ་རྗེ་གྲི་གུག་གིས་ནི་བསྐོར། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །སྣ་ཚོགས་བུམ་པ་དང་ལྡན་པ། །དཀྱིལ་འཁོར་རབ་ཀྱི་མཆོག་ནི་བྱ། །ཤར་གྱི་
D422.080.0131b03.01འདབ་མར་འཁོར་ལོ་བྲི། །བྱང་དུ་དེ་བཞིན་པདྨའོ། །ནུབ་ཀྱི་འདབ་མར་རིན་པོ་ཆེ། །ལྷོ་རུ་རལ་གྲི་བསྒྲེང་བའོ། །པདྨ་གཞན་རྣམས་ཐོད་པ་ནི། །བདུད་རྩི་ལྔ་ཡིས་རབ་ཏུ་གང་། །དུང་གཞུ་དེ་བཞིན་རི་རབ་དང་། །རབ་ཏུ་འབར་བ་ཡི་ནི་མེ། །མེ་མཚམས་ལ་སོགས་རིམ་
D422.080.0131b04.01བཞིན་བྱ། །འབད་པ་ཡིས་ནི་ཡོངས་སུ་བསྐོར། །ཤར་གྱི་སྒོར་ནི་དཔག་བསམ་ཤིང་། །བྱང་དུ་འབྲས་བུ་ས་བོན་དང་། །ནུབ་ཏུ་རིན་ཆེན་སྡོང་བུ་དང་། །ལྷོ་རུ་སྣ་ཚོགས་རྡོ་རྗེའོ། །སྒོ་ཡི་ཕྱི་རོལ་རྡོ་རྗེའི་ཕྲེང་། །འོད་དང་ལྡན་པས་བསྐོར་བར་བྱ། །ལྷ་མོ་ཆེན་མོ་དེ་ལྟ་བུའི། །
D422.080.0131b05.01དཀྱིལ་འཁོར་ཡེ་ཤེས་སྦྱིན་བདག་པོ། །དམ་ཚིག་ཆེན་པོ་དང་ལྡན་པས། །རབ་ཏུ་འབད་པ་ཡིས་ནི་བྱ། །དཀྱིལ་འཁོར་གྱི་ནི་བདག་པོའི་ཕྱིར། །དེས་ན་བདག་ནི་རབ་ཚིམ་བྱ། །དཔལ་ཡེ་ཤེས་ཐིག་ལེ་ལས་དབང་བསྐུར་བ་བླང་བ་དང་། ཕྱག་རྒྱའི་དཀྱིལ་འཁོར་ཞེས་བྱ་བའི་ལེའུ་
D422.080.0131b06.01སྟེ་ཉི་ཤུ་རྩ་བཞི་པའོ།། །།བཅོམ་ལྡན་འདས་མས་གསོལ་བ། ཀྱཻ་བཅོམ་ལྡན་འདས། དགའ་བ་བཞི་ཡི་ངོ་བོ་དང་། །བསྐྱེད་པའི་རིམ་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །དགའ་བ་ལས་ནི་མཆོག་དགའ་བ། །མཆོག་དགའ་བ་ལས་དགའ་བྲལ་
D422.080.0131b07.01