完整藏文原文 · 德格版页 当前仅加载第 80 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
འཛམ་བུའི་གླིང་དུ་གདགས་པའི་པདྨའི་སྣར་བཅོམ་ལྡན་འདས་དང་ཨ་བདྷཱུ་ཏཱིའོ། །དེ་ལྟ་བུ་ནི་ནང་གི་འཕར་མས་བདེ་བ་ཆེན་པོའི་འཁོར་ལོ་ན་ཡོད་པའི་རྩ་སུམ་ཅུ་རྩ་གཉིས་རྣམ་པར་དག་པར་ཕྱི་མ་ཕྱི་མར་རྒྱུད་ཀྱི་{གོ་རིམས་,གོ་རིམ་}རྣལ་འབྱོར་མ་རྣམས་ཀྱི་ནང་གི་དག་པའོ། །
D422.080.0115a01.01བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་ཕྱི་རོལ་ཏུ་མཚན་དང་དཔེ་བྱད་དང་ལྡན་པ་རྣམ་པ་དང་བཅས་པ་བརྒྱད་གཉིས་ཀྱི་ལོའོ། །བྱད་གཟུགས་མཛེས་པ་ཆེན་པོའི་ཤ་རྒྱས་པས་དྲེགས་པ། སྒེག་པའི་ང་རྒྱལ་ཅན་ཕྱག་བཞི་པ་སྤྱན་གསུམ་པ། སྲ་ཞིང་མཐོ་བའི་
D422.080.0115a02.01ནུ་མ་དང་། རུས་པ་སྣ་ཚོགས་ཀྱི་རྒྱན་གྱིས་བརྒྱན་པ། ཕྱག་རྒྱ་ལྔ་འཛིན་པ། གཡོན་བརྐྱང་བས་རོའི་སྟེང་ན་གནས་པ། ཀ་པཱ་ལ་དང་། ཁ་ཊྭཱྃ་ག་དང་། མདའ་གཞུ་ཁེངས་པར་འགེངས་པ། བདུད་གྲངས་མེད་པ་འཇོམས་པ་ཁོ་ན། སྐུ་མདོག་སྣ་ཚོགས་པ་མཛེས་པའི་གཟུགས་འཛིན་
D422.080.0115a03.01པ། ཐུགས་རྗེ་ཆེན་པོས་སེམས་ཅན་འགུགས་མ། སེམས་ཅན་གྱི་དོན་མཛད་པ་ལ་བརྩོན་པ། བྲེལ་བ་དང་མི་མཁྱེན་པ་མེད་པའི་སེམས་དང་ལྡན་པའོ། །ཕྱིའི་འཕར་མ་ཤར་དང་བྱང་དང་ནུབ་དང་ལྷོ་མཚམས་རེ་རེར་ནང་གི་ལྷ་མོ་བཞིན་དུ་ལྷ་མོ་གཉིས་གཉིས་ཏེ། སྐྲ་དམར་མ་དང་།
D422.080.0115a04.01རིན་ཆེན་མ་དང་། ཕུག་རོན་མ་དང་། སེར་མོ་དང་། ནག་མོ་དང་། རི་བོང་མ་དང་། {རི་དགས་,རི་དྭགས་}མོ་དང་། ར་མ་མོའོ། ཤར་དང་། བྱང་དང་། ནུབ་དང་། ལྷོའི་སྒོ་རེ་རེར་སྒོ་སྐྱོང་མ་གཉིས་གཉིས་ཏེ། དེ་དག་ཀྱང་དྲེགས་པ་ཆེན་པོ་འཇིགས་པ་ཆེན་མོ་མཆོག་གི་ལེགས་དགྱེས་ཀྱིས་
D422.080.0115a05.01རིངས་པ། སྣ་ཚོགས་ཀྱི་ཉམས་ཀྱིས་སྐུ་ཁྱབ་པའོ། །ཤར་སྒོར་རྡོ་རྗེ་རོ་ལངས་མ་དང་། རྡོ་རྗེ་དྲ་བ་མ་སྐུ་མདོག་ནག་པོ། ཕྱག་བཞི་མ་མདའ་གཞུ་འགེངས་ཤིང་ཆུ་སྲིན་དང་ཉ་བསྣམས་པ། ཀ་པཱ་ལ་དང་ཁ་ཊྭཱྃ་ག་འཛིན་པ། སྤྱན་གསུམ་པ། ཕྱག་རྒྱ་ལྔས་བརྒྱན་པ། གཅེར་བུ་
D422.080.0115a06.01སྒྲ་གྲོལ་བ། མིའི་རུས་པ་སྣ་ཚོགས་ཀྱི་རྒྱན་གྱིས་བརྒྱན་པ། གཡོན་བརྐྱང་བ། མགོ་བོའི་ཆུན་འཕྱང་རྒྱུ་མ་ལས་བརྒྱུས་པ་འཆང་བའོ། །བྱང་སྒོར་རྡོ་རྗེ་རྩེ་མོ་མ་དང་། དེ་བཞིན་དུ་རྡོ་རྗེ་ཟླུམ་པ་མ་སྐུ་མདོག་སེར་མོ། སེང་གེ་དང་། བྱ་ཁྱུང་བསྣམས་པའོ། །ནུབ་སྒོར་རྡོ་ར་སྐེ་
D422.080.0115a07.01