完整藏文原文 · 德格版页 当前仅加载第 80 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་སུ་འདི་རུ་བརྗོད། །རྡོ་རྗེའི་རྩེ་མོ་ཁ་ཕྱེའི་ཕྱིར། །དེ་ནི་རྒྱས་པར་བརྗོད་པའོ། །ཡང་ན་ཐམས་ཅད་ཀྱི་ནི་ཚོགས། །སྙིང་པོ་བྱ་ཡི་གདོང་མར་དྲན། །དེ་ལ་རྡོ་རྗེ་རྩེ་མོ་ཡིས། །ཕྱེ་བ་དེ་ནི་རྒྱས་པར་བརྗོད། །ཨི་ཌཱ་པིང་ག་ལ་གཉིས་ཀྱི་དབུས། །རྟོག་མེད་ཡེ་
D422.080.0133a01.01ཤེས་ངོ་བོ་ཉིད། །སྲུབ་དང་བསྲུབས་པའི་སྦྱོར་བ་ཡིས། །རྡོ་རྗེའི་མཐེ་ཆུང་རྩེ་མོ་ལས། །རེག་བྱས་གང་གིས་བདེ་བར་འཛག །ཞལ་བཟང་དེ་ནི་ཚིག་རྒྱས་པའོ། །ལྟེ་བའི་གནས་ནས་སྨིན་འཁོར་ལོ། །དེ་ནས་གནས་པའི་རྣ་བའོ། །སྤྱི་རྩེ་ཚངས་པའི་བུ་ག་ནི། །ཚིག་རྒྱས་
D422.080.0133a02.01པ་ནི་གསུམ་དུ་དྲན། །མ་ནི་སྲུབ་དང་བསྲུབས་པ་སྟེ། །ར་ནི་དགའ་བ་ཡིན་པར་བརྗོད། །མུ་ནི་ལྷ་མོ་སྒྲོལ་མ་ཡིན། །ད་ཡི་ཡིག་འབྲུ་ཞུ་བའི་གཟུགས། །གྷ་ཡི་ཡིག་འབྲུ་སྒྲ་རུ་གྲགས། །ཏ་ཡི་ཡིག་འབྲུ་གསལ་བར་བྱེད། །ན་ནི་ལྟེ་བའི་གསང་བའི་མཐར། །དེ་ཡི་དབུས་
D422.080.0133a03.01སུ་རྟག་ཏུ་ཤར། །ཟླ་བའི་སྐུ་དང་འདྲ་བ་གསལ། །ཉི་མ་བྱེ་བ་མཉམ་པའི་འོད། །རྡོ་རྗེ་སེམས་དཔའ་བདེ་བ་ཆེ། །བྱང་ཆུབ་ཀྱི་ནི་ལམ་རབ་སྟེར། །དེ་ནི་གསང་བ་ཡེ་ཤེས་ཆེ། །རང་བཞིན་ཚིག་གིས་རབ་གསལ་བྱས། །འབད་པ་ཡིས་ནི་སྦ་བར་བྱ། །སུ་ལའང་སྦྱིན་པར་མི་
D422.080.0133a04.01བྱའོ། །དཔལ་ཡེ་ཤེས་ཐིག་ལེ་ལས་ཚིག་རྒྱས་པར་བསྟན་པ་ཞེས་བྱ་བའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་གཞན་ཉོན་བདག་གིས་བཤད། །ཡེ་ཤེས་རབ་མཆོག་གང་གིས་སྨྲས། །དེ་ཁོ་ན་ཉིད་བདག་དོན་ཟབ། །ངེས་བསྟན་ལ་སོགས་བྱེ་བྲག་ཏུ། །སྲོག་གི་དབྱུག་པ་བཞུགས་
D422.080.0133a05.01ཐབས་ནས། །རྩ་དང་ལྡན་པའི་སྦྱོར་བ་དྲུག །ཐིག་ལེའི་ཤར་བ་ནུབ་པ་དང་། །འཕོ་བ་སྦྱོར་བའི་མཚན་ཉིད་དང་། །རྩ་ཡི་འཁོར་ལོ་འབྱུང་བར་དགྱེས། །དབང་གི་རིམ་པ་དེ་བཞིན་ནོ། །སྲུང་བའི་འཁོར་ལོ་ལྷ་མོ་ཆེ། །སྙིང་པོ་སྔགས་ཀྱི་རྒྱལ་པོ་ཉིད། །སྐུ་བརྒྱད་བདག་ཉིད་མཆོད་
D422.080.0133a06.01སྦྱིན་དང་། །ཐིམ་དང་ལོངས་སྤྱོད་དང་ནི་དཔང་། །རྡོ་རྗེ་ལྷ་མོ་ཡེ་ཤེས་སྐུ། །གསང་བའི་སྒྲ་ཡང་དེ་བཞིན་ནོ། །སྲུང་བའི་དམ་ཚིག་ལ་སོགས་དང་། །དཔལ་ལྡན་སྦྱིན་སྲེག་དོན་དམ་པར། །སྲུབ་དང་བསྲུབས་པའི་དགྱེས་པ་དང་། །སྔགས་ཀྱི་བཟླས་པ་མཆོད་སྦྱིན་དང་། །གནས་བརྒྱད་
D422.080.0133a07.01