完整藏文原文 · 德格版页 当前仅加载第 80 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
ལར་ཀློག་པའི་ཚུལ་དུ་བཞུགས། །ལ་ལར་རྒྱུད་དང་བསྟན་བཅོས་ནི། །མཛད་པ་དང་ནི་ལ་ལར་འཛིན། །མང་དུ་བརྗོད་ལྟ་ཅི་ཞིག་དགོས། །དེ་སྟོན་ཕྱག་ན་རྡོ་རྗེ་རྒྱལ། །ལྷ་མོས་གསོལ་པ། དཀྱིལ་འཁོར་དང་ནི་འཁོར་ལ་སོགས། །དེ་ལ་མདོར་བསྡུས་ཇི་
D422.080.0135a01.01ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །དཀྱིལ་འཁོར་རྡོ་རྗེ་འཛིན་པ་ཡིས། །མཁའ་འགྲོ་དབང་ཕྱུག་མ་དགྱེས་མཛོད། །གྲུ་བཞི་ལ་སོགས་དང་ལྡན་པ། །དུར་ཁྲོད་ཀྱི་ནི་རྒྱན་གྱིས་བརྒྱན། །ཤིང་བརྒྱད་ཀྱིས་ནི་ཆལ་པར་བཀྲམ། །རྫིང་བརྒྱད་ཀྱིས་ནི་
D422.080.0135a02.01བརྒྱན་པའོ། །དེ་དབུས་སྣ་ཚོགས་ཆུ་སྐྱེས་ནི། །འདབ་མ་དང་ནི་གེ་སར་བཅས། །དེ་ཡི་དགུས་སུ་ལྷ་ཐོད་པ། །དུམ་བུ་གསུམ་པ་ཀུན་དང་བཞི། །རང་གི་ངོ་བོ་ཆོས་ཀྱི་དབྱིངས། །བདུད་རྩི་ལྔས་ནི་ཤིན་ཏུ་གང་། །ཧཱུྃ་གི་ཡིག་འབྲུ་དེ་དབུས་གནས། །ཡེ་ཤེས་མེ་ཡི་འོད་དང་
D422.080.0135a03.01མཉམ། །ཟླ་བ་ཉི་མའི་གདན་ལ་བཞུགས། །སྡིག་པ་ཐམས་ཅད་འཇིག་པར་བྱེད། །ཧཱུྃ་ལ་སོགས་པ་ཡོངས་གྱུར་ལས། །སྐད་ཅིག་གཅིག་གིས་རྨད་དུ་བྱུང་། །ལྷ་མོ་བཅུ་གཉིས་དང་ལྡན་པ། །ཕྱག་ན་རྡོ་རྗེ་རྒྱལ་པོ་བཞེངས། །ཞལ་གཅིག་པ་ལ་སྤྱན་གསུམ་པ། །ཆར་སྤྲིན་གྱི་ནི་
D422.080.0135a04.01མདོག་དང་མཉམ། །ཕྱག་བཞི་པ་ནི་རྟ་ལ་ཆིབས། །ཉི་མའི་འོད་དང་མཉམ་པའི་སྤྱན། །བསྐལ་པ་ཆེན་པོའི་མེ་དང་འདྲ། །ཉི་མ་བྱེ་བའི་འོད་དང་མཉམ། །གདུལ་དཀའ་ཆེན་པོ་འདུལ་བར་མཛད། །སྙིང་རྗེའི་རླན་གྱིས་བརླན་པར་མཛད། །ཕྱག་རྒྱ་ལྔ་འཛིན་དཔའ་བོ་ཆེ། །རལ་བའི་དབུ་
D422.080.0135a05.01རྒྱན་གྱིས་ནི་བརྒྱན། །རལ་པ་སྣ་ཚོགས་རྒྱན་དང་ལྡན། །སྣ་ཚོགས་རྡོ་རྗེ་ཟླ་ཅོད་པན། །ཕྱག་གཡས་པས་ནི་རྡོ་རྗེ་འཛིན། །སྣ་ཚོགས་ཀྱི་ནི་འོད་ཟེར་འཕྲོ། །གཡོན་ནི་ཐོད་པ་ཁ་ཊྭཱཾ་ག །གཞན་པས་རྡོ་རྗེའི་མདའ་དང་གཞུ། །རྟ་ནི་འདི་རུ་སྔོན་པོའི་གཟུགས། །སྤྱན་གསུམ་
D422.080.0135a06.01པ་ལ་དྲག་པོའི་འོད། །ཞི་བའི་པགས་པས་སྒ་ཆ་བྱས། །དགོད་པའི་ང་རོ་གཤོག་པ་ཅན། །སྣ་ཚོགས་པདྨའི་འདབ་མ་ལ། །ཤར་དང་ལྷོ་དང་ནུབ་དང་བྱང་དུ་རྡོ་རྗེ་འཇིགས་བྱེད་མ་དང་། རྡོ་རྗེ་དྲག་མོ་དང་། རྡོ་རྗེ་གཏུམ་མོ་དང་། རྡོ་རྗེ་ནག་མོ་སྟེ། གནག་པ་དང་། དམར་བ་
D422.080.0135a07.01