完整藏文原文 · 德格版页 当前仅加载第 80 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་ཡེ་ཤེས་ཐིག་ལེ་ལས་དབང་བསྐུར་བའི་ངེས་པ་བསྟན་པའི་ལེའུ་ཞེས་བྱ་བ་སྟེ་བཅུ་གསུམ་པའོ།། །།དེ་ནས་ཡང་ནི་བཤད་བྱ་བ། །ནང་གི་མཚན་ཉིད་སྦྱིན་སྲེག་གོ། །ཁ་ནི་ཧོམ་ཁུང་དགང་གཟར་ལག །ཚུལ་ནི་རང་བྱུང་མེ་ཡིན་ནོ། །ང་རྒྱལ་ཕྲག་དོག་བསྲེག་
D422.080.0119b01.01རྫས་ཡིན། །བཟླས་པ་དེ་ནི་ཁམ་དུ་བརྗོད། །ས་འོག་དང་ནི་སྲིང་མོ་མར། །དེ་ཡི་བསྲེག་རྫས་རབ་ཏུ་དབུལ། །ཡེ་ཤེས་བདུད་རྩི་རྣམ་དག་པས། །ཕྲག་དོག་ལ་སོགས་བསང་གཏོར་བྱ། །དུམ་བུ་གསུམ་པའི་སྣོད་མདུན་དུ། །ཕྲག་དོག་བདུད་རྩིས་རབ་ཏུ་ཚིམ། །
D422.080.0119b02.01རྡོར་གསུམ་ཡེ་ཤེས་ས་བོན་གྱིས། །དག་བྱས་དཀར་བྱས་རིམ་གྱིས་སོ། །རླུང་མས་བསྐུལ་བྱས་འབར་བས་བྱས། །བདུད་རྩི་མཆོག་ནི་ཞུ་བར་བྱེད། །ཧ་ཡི་མ་མོའི་སྔགས་ཀྱིས་ནི། །འཁོར་ལོ་དྲུག་ནི་རབ་ཚིམ་བྱ། །རི་བོའི་མ་མོ་དང་བྲལ་བས། །ཕྱི་ནང་རྟག་ཏུ་རབ་ཚིམ་བྱ། །
D422.080.0119b03.01དེ་ལྟའི་སྦྱིན་སྲེག་ལས་ཀྱིས་ནི། །ལྷ་ཡི་སྐུ་རུ་ངེས་པར་འགྱུར། །ལྷ་ཡི་སྐུ་ནི་བདེ་ཆེན་པོ། །དོན་དམ་པར་ནི་ཤེས་པའོ། །ལྷ་ཡི་ཡིག་འབྲུ་ཡིས་འབྱུང་གང་། །དེ་ནི་དོན་དམ་སྦྱིན་སྲེག་གོ། །དཔའ་བོ་གཉིས་ཀྱི་མཉམ་སྦྱོར་བ། །དུས་ཀྱི་གང་དུ་བདེ་དབང་པོ། །ལྟེ་སྙིང་བདེ་
D422.080.0119b04.01བའི་པདྨ་ཡིས། །རྟག་པར་ཤེས་རབ་མས་ནི་བརྗོད། །དེ་ནི་སྦྱིན་སྲེག་བསྲེག་རྫས་ལྡན། །མངོན་པར་དགའ་ལས་འབྱུང་བའོ། །ཀུན་རྫོབ་རྣམ་པའི་གཟུགས་སུ་ནི། །ཤེས་རབ་ཐབས་ནི་ཕྲད་པ་ལས། །སྦྱིན་སྲེག་ལས་ཀྱི་འབྲས་བུ་མཆོག །མྱུར་བ་རུ་ནི་རྙེད་པའོ། །ཧོམ་
D422.080.0119b05.01ཁུང་དྷ་ལ་དགྱེས་པ་ཆེ། །ལ་ལ་འདི་རུ་དགང་གཟར་དྲན། །བླུགས་གཟར་གསང་པད་སྣ་ཡི་རྩེ། །མར་ནི་ཁུ་བ་ཟླ་འོད་མཉམ། །གསང་པད་ཟླུམ་པོའི་རྣམ་པ་བཞིན། །མར་གྱི་སྣོད་དུ་རྣམ་པར་གྲགས། །བླུགས་གཟར་དགང་གཟར་མར་གྱི་སྣོད། །རྩ་གསུམ་དུ་ནི་
D422.080.0119b06.01བརྗོད་པའོ། །སྲུབ་དང་བསྲུབས་པའི་སྦྱོར་བ་ཡིས། །རླུང་མ་དང་ནི་གཉིད་མ་གཉིས། །གཅིག་པུའི་དངོས་པོ་ཡང་དག་པས། །ཡེ་ཤེས་མེ་ནི་མཆོག་ཏུ་འབར། །པདྨའི་འཁོར་ལོ་དྲུག་རིམ་པས། །གཞན་མིན་བདེ་ཆེན་མན་ཆད་དོ། །མཆོག་གི་བདུད་རྩི་རྒྱུན་ནི་འཛག །
D422.080.0119b07.01