完整藏文原文 · 德格版页 当前仅加载第 80 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
བཅད་སྐྱེད་མ་དང་། ཁོང་ཆུད་མ་དང་། ཚེ་མ་སྟེ། དེ་དག་ནི་རྩ་སུམ་ཅུ་རྩ་གཅིག་སྟེ། སྟེང་དང་འོག་ཏུ་འཕྲོ་བ་གཉིས་ཀྱི་ཟླ་བ་དང་ཉི་མ་གཟས་ཟིན་པའི་དུས་སུ་ཚིགས་རྒྱས་པའོ། །དེ་ནས་དབང་གི་རིམ་པ་བཤད་དེ། ཇི་ལྟ་ཡི་ནི་{གོ་རིམས་སུ,གོ་རིམ་དུ}། །དབང་བསྐུར་མཆོག་ནི་རྙེད་པ་གང་། །
D422.080.0100b01.01ཐམས་ཅད་དུ་ནི་ནུས་པར་འགྱུར། །ཡོན་ཏན་ཚུལ་ཁྲིམས་ལྡན་པའི་བུ། །བླ་མས་དང་པོར་དབང་བསྐུར་བྱ། །ཁྲུས་བྱས་མིག་དག་རས་ཀྱིས་དགབ། །སྙིམ་པ་མེ་ཏོག་གིས་བཀང་ལྡན། །ཡོན་ཕུལ་ནས་ནི་དགའ་དང་བཅས། །ལྷ་ཡི་དབང་ཕྱུག་དབང་བསྐུར་བྱ། །དབང་བསྐུར་
D422.080.0100b02.01ལས་ནི་སངས་རྒྱས་ས། །ཐེ་ཚོམ་མེད་པར་རྙེད་པར་འགྱུར། །དེ་བས་ཀུན་ཏུ་རབ་འབད་དེ། །དཔལ་ལྡན་དབང་རྒྱལ་བླང་བར་བྱ། །དབང་བསྐུར་བཞི་རུ་ཕྱེ་པ་ནི། །སློབ་དཔོན་ལ་སོགས་དབྱེ་བ་ཡིན། །དང་པོར་སློབ་དཔོན་གྱི་ནི་དབང་། །གཉིས་པ་དེ་ནི་གསང་བའི་
D422.080.0100b03.01དབང་། །གསུམ་པ་ཤེས་རབ་ཡེ་ཤེས་དབང་། །དེ་ལྟར་དེ་བཞིན་བཞི་པའོ། །བཞི་གཉིས་རབ་དུང་བྱེ་བ་ནི། །སློབ་དཔོན་དབང་ལ་སོགས་པར་བསྐུར། །རྡོ་རྗེ་སློབ་དཔོན་དབང་གསུམ་དུ། །ནམ་མཁའ་མཉམ་དུ་བདག་གིས་བཤད། །དེ་གཉིས་ལ་ནི་བཅུ་གཅིག་བྱ། །
D422.080.0100b04.01རྡོ་རྗེ་སློབ་དཔོན་དབང་རྒྱལ་པོ། །དབང་བསྐུར་དེ་ནི་རིན་པོ་ཆེ། །ཁམས་གསུམ་གྱིས་ནི་ཕྱག་བྱས་པ། །ཐར་པར་འགྲོ་བ་འགྲུབ་དོན་དུ། །འདི་རུ་རིམ་པས་བདག་གིས་བཤད། །ཆུ་དང་དབུ་རྒྱན་རྡོ་རྗེ་དང་། །དྲིལ་བུ་མིང་དང་བརྟུལ་ཞུགས་དང་། །ལུང་བསྟན་པ་དང་
D422.080.0100b05.01སྐྱབས་སྦྱིན་དང་། །ཕྱག་རྒྱ་སྔགས་དང་ཡེ་ཤེས་སོ། །རྣལ་འབྱོར་རྒྱུད་ལ་མོས་པ་ལ། །དབང་བརྒྱད་ཕྱེ་ལ་སྦྱིན་པར་བྱ། །རྣལ་འབྱོར་བླ་མ་ལ་མོས་ལ། །བཅུ་གཅིག་བདག་ཉིད་སྦྱིན་པར་བྱ། །རྣལ་འབྱོར་མ་ལ་མོས་པ་རྣམས། །གསང་བའི་དབང་ནི་སྦྱིན་པའོ། །གསང་བ་
D422.080.0100b06.01གཉིས་སུ་དབྱེ་བར་གསུངས། །དེ་ནི་ཕྱི་དང་ནང་གིས་སོ། །རྣལ་འབྱོར་རྣལ་འབྱོར་བླ་མའི་ཕྱིར། །དབང་བསྐུར་ཤེས་པས་སྦྱིན་པར་བྱ། །ནང་གི་རྣལ་འབྱོར་མ་ཡི་རྒྱུད། །གསང་བའི་དབང་ནི་རབ་ཏུ་སྦྱིན། །དེ་ནི་གསང་བ་གསུམ་དུ་དབྱེ། །སྐྱེ་དང་མདུད་དང་དེ་བཞིན་སད། །
D422.080.0100b07.01