完整藏文原文 · 德格版页 当前仅加载第 80 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་རྒྱ་ལྔ་ཡིས་རྣམ་པར་བརྒྱན། །སྣོད་དང་གྲི་གུག་གིས་ཕྱག་བྲེལ། །ན་བཟའ་གྲོལ་བ་ཕྱག་གཉིས་པ། །དེ་ནི་ཉི་ཟླའི་གདན་ལ་བཞུགས། །རུས་པ་སྣ་ཚོགས་རྒྱན་དང་ལྡན། །ཁྱོད་ཀྱི་བཞུགས་སྟབས་ཇི་ལྟ་བར། །ལྷ་མོ་རྣམས་ཀྱང་དེ་བཞིན་ནོ། །དེ་རྣམས་ཐབས་ནི་བཞི་
D422.080.0130b01.01གཉིས་ཀྱི་ནི་གྲངས། །མཉམ་པའི་བཞུགས་སྟབས་ཕྱག་དང་ཞབས་ལ་སོགས། །རབ་ཏུ་དགའ་བའི་ཡིད་ལྡན་ཞི་བའི་གཟུགས། །རྟག་ཏུ་སེམས་ཅན་དོན་བྱེད་ཁོ་ན་བརྩོན། །ལྷ་མོས་གསོལ་བ། དཔའ་བོ་རྣམས་ཀྱི་མིང་གི་བརྡ། །དེ་བཞིན་ཉིད་ཀྱི་རྡོ་རྗེས་གསུངས། །བཅོམ་
D422.080.0130b02.01ལྡན་འདས་ཀྱིས་བཀའ་སྩལ་པ། །ཁྱོད་ཀྱིས་ང་ལ་གང་ཞུས་པ། །སྐལ་ལྡན་ལྷ་མོ་དེ་ནི་ཉོན། །འདི་ཡི་རྒྱུད་ལ་བདག་ལ་གཞན། །མཚན་ནི་ཡོད་པ་གང་ལ་ལར། །ན་ནི་ལྟེ་བ་གསང་བའི་པད། །དགའ་བྲལ་དགའ་བ་སྦྱིན་པའོ། །མ་ཞེས་ནོར་བུ་བསྲུབས་པ་ནི། །མཆོག་
D422.080.0130b03.01གི་དགའ་བ་སྦྱིན་པའོ། །གང་ཞིག་དེ་ཡི་དབུས་ནས་ལངས། །དེ་ནི་བདག་གི་རང་བཞིན་མཚན། །དཔའ་བོ་རྣམས་ནི་བདག་གིས་བཤད། །ཤེས་རབ་ཕ་རོལ་ཕྱིན་མ་ཉོན། །ལྷ་ཆེན་པོ་དང་ཁྱབ་འཇུག་དང་། །པདྨའི་ལྟེ་བ་ཤིན་ཏུ་བལྟ། །ལྷ་ཡི་དབང་དང་འདོད་པའི་ལྷ། །པདྨའི་
D422.080.0130b04.01མིག་དང་གཞོན་ནུ་མ། །རེ་ཞིག་དེ་ནི་དཀྱིལ་འཁོར་པ། །རང་གི་ཕྱག་རྒྱ་མཚོན་ཆ་འཛིན། །དཔལ་ཡེ་ཤེས་ཐིག་ལེ་ལས་བསྐུལ་བ་ཞེས་བྱ་བའི་ལེའུ་སྟེ་ཉི་ཤུ་རྩ་གསུམ་པའོ།། །།བཅོམ་ལྡན་འདས་མ་ས་གསོལ་པ། ཀྱེ་བཅོམ་ལྡན་འདས་དབང་བསྐུར་བའི་དུས་སུ་དཀྱིལ་
D422.080.0130b05.01འཁོར་རྣམས་ཇི་ལྟ་བུ་ལགས། ཆོ་ག་གང་གིས་དབང་བསྐུར་བ་སྦྱིན་ཞིང་བླང་། བཅོམ་ལྡན་འདས་ཀྱིས་བཀའ་སྩལ་པ། །ཆུ་ལ་སོགས་པའི་དབང་དུས་སུ། །རྡུལ་ཚོན་ལ་སོགས་དཀྱིལ་འཁོར་མཛེས། །གསང་བའི་དབང་བསྐུར་དུས་སུ་ནི། །མེ་ཏོག་སྣ་ཚོགས་མཆོག་
D422.080.0130b06.01གིས་སོ། །ཤེས་རབ་ཡེ་ཤེས་དབང་བསྐུར་དུས། །སྣ་ཚོགས་དྲི་ཞིམ་པོ་ཡིས་བརྒྱན། །ལས་དང་པོ་ཡི་དང་པོ་ལ། །ངེས་པའི་དོན་གྱི་ཆུ་ལ་སོགས། །དབང་བསྐུར་ཤེས་པས་སྦྱིན་བྱ་སྟེ། །དེ་ལྟར་མིན་ན་སྐྱོན་དུ་འགྱུར། །ཤེས་རབ་ཅན་གྱིས་དྲང་དོན་དེར། །སྦྱིན་ནོ་དེ་ནས་དམ་
D422.080.0130b07.01