完整藏文原文 · 德格版页 当前仅加载第 80 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཆུ་ཡི་ངོགས། །ཡེ་ཤེས་ལྡན་པས་སྦྱིན་པར་བྱ། །དུར་ཁྲོད་དབུགས་བྱུང་གི་ནི་གནས། །གསང་བའི་པདྨའི་བྱ་གདོང་ངོ་། །ཤ་ཡི་ཡིག་འབྲུ་པདྨ་དག །ཝ་ཡི་ཡིག་འབྲུ་ལྟེ་བར་ཡིན། །ས་ཡི་ཡིག་འབྲུ་བདེ་ངོ་བོ། །ན་ཡི་ཡིག་འབྲུ་
D422.080.0121a01.01བཅོས་པ་མེད། །དྲི་མེད་མ་ཡི་ཞུ་བའི་དགའ། །ཐིག་ལེའི་ངོ་བོ་ཡི་གེ་བྲལ། །དུར་ཁྲོད་དབུགས་འབྱུང་དུ་ནི་གྲགས། །ཞལ་བཟང་བདག་གིས་བཤད་པ་ཡིན། །ཆུ་ཡི་ངོགས་ནི་རིན་ཆེན་ཁ། །ཡང་ན་དེ་ནི་རྟོག་མེད་མ། །འབྱུང་བ་རྣམས་ནི་བསྲུང་བའི་ཕྱིར།
D422.080.0121a02.01དེ་ལ་གཏོར་མ་སྦྱིན་པར་བྱ། །འབྱུང་བ་ཁུ་བ་རུ་ནི་གྲགས། །ཁུ་བ་སེམས་ཅན་འདི་རུ་བསྟན། །སེམས་ཅན་སྙིང་པོ་ཡེ་ཤེས་བདེ། །བྷ་ག་ལིང་ག་གཉིས་ལས་འབྱུང་། །དེ་ལ་བསྲུང་བའི་དོན་དུ་ནི། །གཏོར་མ་ཀུན་ཏུ་འབད་དེ་སྦྱིན། །དཔལ་ཡེ་ཤེས་
D422.080.0121a03.01ཐིག་ལེ་ལས་འབྱུང་བ་བསྲུང་བའི་དོན་ཏུ་གཏོར་མ་ཆེན་པོ་ངེས་པར་བསྟན་པ་ཞེས་བྱ་བའི་ལེའུ་སྟེ་{བཅྭ་,བཅོ་}ལྔ་པའོ།། །།དེ་ནས་བཅོམ་ལྡན་འདས་མ་ཕྱག་རྒྱ་ཆེན་པོས་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་ལ་བོས་ཏེ། ཀྱཻ་དཔའ་བོ་ཆེན་པོ་ལྷའི་དབང་
D422.080.0121a04.01ཕྱུག་འདིར་དེ་ཁོ་ན་ཉིད་གསུམ་གྱི་བདག་ཉིད་ཀྱི་དང་། ཟླ་བའི་བདེ་བ་མཆོག་དང་། ཕྱག་རྒྱ་ཆེན་པོའི་མཐའི་རྒྱས་པ་ངེས་པར་བསྟན་པའི་དོན་དུ་རང་གི་ངོ་བོ་ཉིད་དང་། ཚད་དང་། རྣམ་པ་དེ་དག་བཅོམ་ལྡན་འདས་ཀྱི་ཐད་དུ་ལེགས་པར་ཞུས་ཤིག །བྱང་ཆུབ་སེམས་དཔའ་
D422.080.0121a05.01སེམས་དཔའ་ཆེན་པོ་ལྷའི་དབང་ཕྱུག་གིས་གསོལ་བ། མཆོག་གི་དབང་ཕྱུག་མ་མཆོག་གི་བདེ་བ་ཆེན་པོའི་འོད་ཀྱི་རང་གི་ངོ་བོ་སངས་རྒྱས་ཐམས་ཅད་ཀྱི་ཡུམ། སྡིག་པ་ཐམས་ཅད་ཟད་པར་བྱེད་མ། བདུད་ཐམས་ཅད་འཇོམས་པར་བྱེད་མ། དགའ་བ་ཐམས་ཅད་དང་།
D422.080.0121a06.01སྐད་ཅིག་དང་། རོ་དང་། ཡེ་ཤེས་ཀྱི་མཐར་ཁྱབ་པ་ལྟེ་བའི་པདྨའི་དབུས་ནས་བཞེངས་ནས་བདེ་བ་ཆེན་པོ་རབ་ཏུ་ཚིམ་མཛད་མ། བཅོམ་ལྡན་འདས་མ་བཟང་མོ་མཆོག་དྲི་མ་མེད་པའི་སྐུ་ནམ་མཁའི་ངོ་བོ་ལེགས་སོ་ལེགས་སོ། །ཡང་བྱང་ཆུབ་སེམས་དཔའ་སེམས་
D422.080.0121a07.01