完整藏文原文 · 德格版页 当前仅加载第 80 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །ཡེ་ཤེས་དཀྱིལ་འཁོར་མཐར་ཕྱིན་པས། །དད་པས་དེ་དག་མཆོད་མི་བྱ། །ཕྱི་ཡི་འཕར་མ་གཅིག་གནས་སུ། །དཀྱིལ་འཁོར་འདིར་བཞུགས་རྣལ་འབྱོར་མ། །རྟག་ཏུ་མེ་ཏོག་སྤོས་ལ་སོགས། །སྔགས་འདི་ཡིས་ནི་མཆོད་པར་བྱ། །ཨོྃ་ནི་དང་པོར་ཧཱུྃ་
D422.080.0113a01.01ཕཊ་མཐར། །བར་དུ་མིང་ནི་སྤེལ་བར་བྱ། །སྣ་ཚོགས་ལྔ་ཡི་མཆོད་སྦྱིན་གྱིས། །དཀྱིལ་འཁོར་ས་ལ་རབ་ཏུ་མཆོད། །མཆོད་ན་ཐེ་ཚོམ་མེད་པར་ནི། །གྲུབ་པ་ཆེན་པོ་རྙེད་པར་འགྱུར། །དཔལ་ཡེ་ཤེས་ཐིག་ལེ་ལས་རྣམ་པ་དང་བཅས་པའི་དཀྱིལ་འཁོར་སྒོམ་པ་ཞེས་
D422.080.0113a02.01བྱ་བའི་ལེའུ་སྟེ་བཅུ་པའོ།། །།དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་ཕྱུག་གིས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་འདི་སྐད་ཅེས་གསོལ་ཏོ། །ཡེ་ཤེས་ཉི་མ་བཅོམ་ལྡན་འདས། །སྙིང་གའི་པདྨ་ཁ་འབྱེད་པ། །གང་ཞིག་
D422.080.0113a03.01བདག་ནི་ཅི་ཞུ་བ། །བདག་ལ་ཐུགས་རྗེ་ཆེན་པོས་གསུངས། །སྔགས་ཀྱི་བཟླས་པ་དང་། མཆོད་སྦྱིན་དང་། མཆོད་པ་དང་། དབང་བསྐུར་བ་དང་། གནས་ཀྱི་མདོར་བསྟན་པ་དང་། སྦྱིན་སྲེག་དང་། གཏོར་མ་ཆེན་པོའི་རིམ་པས་འདིར་བཅོམ་ལྡན་འདས་ཀྱིས་བདག་ལ་ངེས་པའི་
D422.080.0113a04.01དོན་བསྟན་པ་བཀའ་སྩལ་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །སྔགས་ཀྱི་བཟླས་པའི་ངེས་པའི་དོན། །ཉོན་ཅིག་ཡང་དག་བདག་གིས་བཤད། །དགའ་བ་ལ་སོགས་པ་ལས་འབྱུང་། །ཡིད་ནི་སྔགས་ཞེས་བརྗོད་པ་ཡིན། །ཡང་ནི་སྲུབ་དང་བསྲུབས་པའི་སྔགས། །
D422.080.0113a05.01སྔགས་ནི་བདུད་རྩིར་བསྟན་པའོ། །ལམ་གྱི་ཐར་པ་དེ་ནི་སྔགས། །ཚིགས་རྒྱས་པ་ནི་དེ་བཞིན་ནོ། །ཕྲད་པ་གཉིས་ཀྱི་དབུས་ན་གནས། །དེ་ནི་དོན་དམ་པ་ཡི་སྔགས། །སྔགས་ནི་ཨཱ་ལི་ཀཱ་ལི་ཡིན། །བརྗོད་པ་དེ་ནི་བཟླས་པའོ། །བསྐྱེད་དང་རྫོགས་དང་བྱེ་བྲག་ཏུ། །སྔགས་ཀྱི་
D422.080.0113a06.01བཟླས་པ་རབ་ཏུ་གྲགས། །གང་དུ་རྐེ་དང་རྐན་ནི་གཉིས། །བསྐྱོད་པ་གང་དུ་མི་འབྱུང་བ། །སྲོག་གི་རྩ་བའི་ནང་ཡོད་པ། །ལུགས་དང་ལུགས་མིན་རྒྱུན་མི་འཆད། །ཐིག་ལེ་གསུམ་དང་ཡིག་གསུམ་དག །རང་འོད་མ་བཅོས་བརྗོད་པར་བྱ། །རྐན་གྱི་ནང་དུ་ལྕེ་འཇུག་པ། །
D422.080.0113a07.01