完整藏文原文 · 德格版页 当前仅加载第 80 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
གྲུབ་བྱ། །སྒྲུབ་པའི་དབང་པོ་ཡོན་ཏན་ལྡན། །སྔགས་དང་རྒྱུད་ཀྱི་ཐོས་པ་ཆེ། །སྔགས་ཀྱི་བཟླས་ལ་གཅིག་ཏུ་མོས། །ཡིད་མི་འཕྲོགས་ཤིང་གསལ་བའོ། །ཐིག་ལེ་ཚུལ་ནི་ཡེ་ཤེས་ཆེ། །བྱེ་བྲག་ཤེས་པ་རིན་ཆེན་རིགས། །རིགས་ལྔའི་གཞོན་ནུ་མ་ཡི་ལྔ། །ཡི་(དག་,དྭྭགས་)
D422.080.0106b01.01ཁུ་བ་ཡིས་ནི་ཚིམ། །སྤྱན་{རིངས་,རིང་}མ་དང་དག་པ་མ། །འོ་འཛིན་སྲ་ཞིང་འཇམ་ལ་མཐོ། །སྦྱིན་སྲེག་གནས་སུ་གར་དང་ལྡན། །གཅེར་བུ་དང་ནི་སྐྲ་གྲོལ་བ། །སྦྱིན་སྲེག་ལས་སུ་དོན་བསྒྲུབ་ཕྱིར། །རིགས་ལྔའི་བུ་མོ་གཞུག་པར་བྱ། །ཤེས་རབ་ཐབས་ཀྱི་ཆོ་ག་ཡིས། །བླ་མ་ཉིད་ཀྱིས་
D422.080.0106b02.01དང་པོར་མཆོད། །བརྟགས་པ་དང་ནི་མ་བརྟགས་པའི། །འཛིན་པ་འདིར་ནི་མི་བྱའོ། །རྟོག་པའི་འབྱུང་པོས་ཟིན་པ་ལ། །སྣ་ཚོགས་ཐབས་ནི་བདག་གིས་བསྟན། །དོན་དམ་དུ་ནི་ཕྱི་དོན་མེད། །ནང་གི་མ་ཡིན་པར་མ་མིན། །རྡུལ་མེད་རྣམ་པར་རྡུལ་མེད་དག །སྟོང་པ་དང་ནི་སྟོང་མིན་
D422.080.0106b03.01བྲལ། །རང་རིག་ངོ་བོ་རང་རིག་བྲལ། །ངག་གི་ལམ་གྱིས་མི་རྙེད་དོ། །ཕུང་པོ་ཁམས་ནི་རྣམ་པར་རྟོག །ལྷ་ཡི་དབང་ཕྱུག་གང་ཞིག་སྲེག །དེ་ནི་མེ་ཡི་དོན་དམ་པར། །ལུས་གནས་ལུས་ལས་མ་སྐྱེས་པའོ། །ཐམས་ཅད་རྣམ་པ་མཆོག་གིས་རྫོགས། །ཆོས་ཀུན་གྱི་ནི་ནང་ན་བཞུགས། །
D422.080.0106b04.01ཀུན་རྫོབ་རྣམ་པས་གཟུགས་སུ་ནི། །ལྷ་ཡི་དབང་ཕྱུག་ཀུན་བརྟགས་ཡིན། །ཀུན་བརྟགས་ཡེ་ཤེས་སྦྱོར་བ་ཡིས། །རིམ་པས་གནས་ནི་རྙེད་པར་འགྱུར། །དེ་བས་ཀུན་ནས་འབད་པ་ཡིས། །རྣམ་པ་ཐམས་ཅད་མཆོག་གི་རྒྱུར། །རང་དང་གཞན་གྱི་གྲུབ་དོན་དུ། །མཆོད་སྦྱིན་སྦྱིན་
D422.080.0106b05.01སྲེག་གཏོར་མ་བྱ། །བསོད་ནམས་ཚོགས་ནི་འཕེལ་ཕྱིར་དང་། །སེམས་ཅན་ཕན་དོན་དེ་དག་བྱ། །ནས་དང་། ཏིལ་དང་། འབྲས་སོ་བ་དང་། གྲོ་དང་། འབྲས་དང་། བོ་ཀ་ལིངྒ་དང་། ཡུངས་ཀར་དང་། སྨན་ཐམས་ཅད་དང་། ཛཱ་ཏི་ཕ་ལ་དང་། གོ་ཡུའི་འབྲས་བུ་དང་། དཔལ་འབྲས་དང་།
D422.080.0106b06.01ནཱ་ག་གེ་སར་དང་། གུར་ཀུམ་དང་། ཙནྡན་དང་། ག་པུར་དང་། འོ་མ་དང་། ཞོ་དང་། ཐུག་པ་དང་། བསྐ་པ་དང་། ལ་དུ་དང་། འཁུར་བ་ལ་སོགས་པ་དང་། གུ་གུལ་དང་། སི་ཧླ་དང་། གུ་གུལ་དཀར་པོ་དང་། ཡན་ལག་བཅུ་པ་ལ་སོགས་པ་དང་། མེ་ཏོག་དང་། སྤོས་དང་། མར་མེ་དང་།
D422.080.0106b07.01