完整藏文原文 · 德格版页 当前仅加载第 80 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་རྒྱུད་ཀྱི་རིམ་པ་བཞུགས། །དཔལ་དང་ལྡན་པའི་རིགས་ཆེན་རྒྱུད། །འབུམ་བདུན་གྱི་ནི་མཚན་ཞེས་བྱ། །དེ་ནི་གཙོ་བོ་རྩ་བའི་རྒྱུད། །སྐུ་བརྒྱད་བདག་ཉིད་རབ་ཀྱི་མཆོག །དེ་བརྟག་ཀྱེ་ཡི་རྡོ་རྗེ་ནི། །འབུམ་ལྔ་ཡི་ནི་མཚན་ཞེས་བྱ། །དཔལ་ལྡན་ཕྱག་རྒྱ་ཆེན་ཐིག་ལེ། །
D422.080.0127b01.01དེ་ཡི་ཕྱི་མའི་རྒྱུད་དུ་དྲན། །ཡེ་ཤེས་སྙིང་པོར་གྲགས་པའི་རྒྱུད། །དེ་ཡི་ཕྱི་མའི་ཕྱི་མའོ། །དགའ་མོ་ཡེ་ཤེས་ཐིག་ལེའི་སྒྲ། །བཤད་པའི་རྒྱུད་ནི་གསང་བ་ཆེ། །གྲུབ་པའི་ངེས་བསྟན་ཐིག་ལེ་ནི། །ཞལ་བཟང་མོ་དེ་སྙིང་པོ་དང་། །དེ་ཁོ་ན་ཉིད་སྒྲོན་མའི་མཚན། །འབྲས་བུའི་
D422.080.0127b02.01རྒྱུད་གྲགས་འཆད་པར་འགྱུར། །དེ་བདུན་དུ་ནི་བདག་གིས་བཤད། །ཤིན་ཏུ་རྨད་དུ་བྱུང་བའི་རྒྱུད། །ལྷ་མོ་བརྒྱད་པ་སྐུ་དང་བྲལ། །དེ་ཕྱིར་སྨྲ་བར་མི་བཏུབ་བོ། །དེ་ལྟར་རིམ་པ་ཐམས་ཅད་ནི། །ལྷ་མོ་དེ་ཉིད་ཤེས་པར་བྱ། །ས་བོན་ལས་ནི་མྱུ་གུ་བཞིན། །རྒྱུད་
D422.080.0127b03.01ཀུན་རིམ་ཤེས་རིམ་པས་སོ། །རྒྱུད་ནི་རིམ་པས་འདི་རུ་གྲགས། །ཡང་ན་ཡེ་ཤེས་འཁོར་ལོ་རྒྱུད། །ཡང་ན་དོན་ནི་རྒྱུད་ཡིན་ཏེ། །ཡང་ན་རིམ་པ་གཉིས་ནི་རྒྱུད། །ལྷ་མོ་གང་དུ་སྐལ་ལྡན་མོ། །ཤེས་རབ་ཐབས་གཉིས་ཕྲད་པའི་ས། །དེ་ནི་རྒྱུད་དུ་བཤད་པ་ཡིན། །
D422.080.0127b04.01ཡང་ན་ཡེ་ཤེས་ལས་བྱུང་བ། །ཏ་ཡི་ཡིག་འབྲུ་སྐུ་རུ་གྲགས། །ན་ནི་དེ་ཉིད་དྲི་མ་མེད། །ཏ་ཡི་ཡིག་འབྲུ་ཁུ་བ་ཡབ། །ར་ནི་ཡུམ་སྟེ་ཁྲག་ཡིན་ནོ། །དེ་གཉིས་འདྲེས་པ་ཐིག་ལེ་ཡིན། །གཞན་མིན་རྣམ་ཤེས་ངོ་བོའོ། །དེ་ཡི་ཐིག་ལེ་ཨའི་རྣམ་པ། །ཟླ་བའི་དཀྱིལ་
D422.080.0127b05.01འཁོར་ཉ་གང་ངོ་། །ཏ་ཡིག་དང་ནི་ར་ཡིག་འབྲུ། །ཚུལ་ཙམ་གྱིས་ནི་གཉི་ག་ལྡན། །དེ་ནི་རབ་མཆོག་ཨ་ཡིག་འབྲུ། །རྩ་དང་དགའ་བདག་ཉིད་སྐྱེ་མེད། །ལྷ་མོ་འདི་ལྟར་རྒྱུད་ཀྱི་རིམ། །རྒྱུད་ཀྱི་དོན་ཡང་ཤིན་ཏུ་བཤད། །དཔལ་ཡེ་ཤེས་ཐིག་ལེ་ལས་རྩ་བའི་
D422.080.0127b06.01རྒྱུད་ལ་སོགས་པའི་རིམ་པ་དང་། དོན་ཞེས་བྱ་བའི་ལེའུ་སྟེ་ཉི་ཤུ་པའོ།། །།བཅོམ་ལྡན་ཡེ་ཤེས་ཐིག་ལེ་ལགས། །ཉི་མ་བྱེ་བའི་འོད་དང་མཉམ། །བདག་གི་ཞུ་བ་གང་ཞིག་ཅི། །རྒྱལ་བའི་མངའ་བདག་དེ་བདག་གསུངས། །མངའ་བདག་རང་གི་ངོ་བོ་ཉིད། །
D422.080.0127b07.01