完整藏文原文 · 德格版页 当前仅加载第 80 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
འོད་ཀྱི་ཤེས་རབ་མ་ལ་འཁྱུད་པའོ། །འདོད་པའི་རྒྱལ་པོ་ལ་སོགས་པ་ནི་འཇིག་རྟེན་སྐྱོང་བ་བརྒྱད་ཀྱི་སྟེང་དུའོ། །གཙུག་ཏོར་འཁོར་ལོས་སྒྱུར་བ་དང་སུམ་བྷའི་རྒྱལ་པོ་ནི་ཟླ་བ་དང་ཉི་མའི་སྟེང་དུ་ཤེས་པར་བྱའོ། །འདིའི་འཁོར་ལོའི་ལྟེ་བ་གྲུ་གསུམ་གྱི་གཟུགས་ཏེ་རི་བོང་ཅན་དཀར་པོའི་
D422.080.0102b01.01འོད་ཆོས་ཀྱི་འབྱུང་གནས་སོ། །དེའི་དབུས་སུ་སྔར་བསྟན་པའི་འབྱུང་བ་བཞི་ཇི་ལྟ་བུའི་རིམ་པས། རྣམ་པར་སྣང་མཛད་ཡོངས་སུ་གྱུར་པ་ལས་དུར་ཁྲོད་བརྒྱད་དང་ལྡན་པའི་གཞལ་ཡས་ཁང་ཡངས་པ་ཆེན་པོའི་འཕར་མ་གཉིས་ཉི་མའི་གདན་དུ་སྣ་ཚོགས་པདྨ་འདབ་མ་བརྒྱད་ཀྱི་ལྟེ་
D422.080.0102b02.01བར་འཇིགས་བྱེད་དང་དུས་མཚན་གྱི་བདེ་བྱེད་མའི་སྟེང་དུ་ཚུལ་དང་ཐིགས་པའི་རང་གི་ངོ་བོ་ཨཱ་ལི་དང་ཀཱ་ལི་གཉིས་ལས་བྱུང་བ། མྃ་ཧཱུྃ་ལས་དཔལ་ཡེ་ཤེས་ཐིག་ལེ་ཕྱག་རྒྱ་ཆེན་པོས་འཁྱུད་ཅིང་ཞལ་བརྒྱད་པ། ཕྱག་བརྒྱད་གཡས་བརྐྱང་བ། ཞལ་བཞི་ནི་གནག་པ་དང་སེར་བ།
D422.080.0102b03.01དམར་བ་དང་ལྗང་གུའོ། །གཞན་བཞི་ནི་ཨུཏྤ་ལ་སྔོན་པོའི་འདབ་མ་ལྟ་བུའོ། །རྡོ་རྗེ་དང་། དྲིལ་བུ་དང་། རྔེའུ་ཆུང་དང་། ཀ་པཱ་ལ་དང་། ཁ་ཊྭཱྃ་ག་དང་། རལ་གྲི་དང་། མདའ་གཞུའོ། །སྣ་ཚོགས་རྡོ་རྗེ་དང་ཟླ་བ་ཚེས་པས་རལ་པའི་དབུ་རྒྱན་དང་དཔྲལ་བར་ཐོ་པའི་སྟེང་དུ་མི་
D422.080.0102b04.01བསྐྱོད་པའི་ཅོད་པན་ཅན་ནོ། །ཕྱག་རྒྱ་དྲུག་གིས་སྐུ་བཅིངས་པ། རྒྱུ་མས་བརྒྱུས་པའི་མགོ་བོ་ཆེན་པོའི་དོ་ཤལ་གྱིས་སྐུ་བརྒྱན་པ། ཚངས་པའི་པགས་པས་རྐེད་པའི་ཤམ་ཐབས་ཅན་གྱི་སྐུར་བཞེངས་ཤིང་ཧ་ཧའི་གད་རྒྱངས་དང་ཕེྃ་ཀ་རའི་ཚོལ་བའི་སྒྲ་ཆེན་པོའི་ང་རོ་བསྒྲགས་ཤིང་བརྗོད་པ་
D422.080.0102b05.01ཙམ་གྱིས་ཚངས་པའི་ཡུལ་ས་བྱེ་བའི་གྲངས་ཀྱི་ཐོད་པའི་ལྟོ་བརླག་པར་མཛད་པ། མི་བཟད་པ་དང་། མི་སྡུག་པ་དང་། ཅེ་སྤྱང་གི་ཚོགས་འཇིགས་སུ་རུང་བ་དང་། ཤ་ཟའི་ཚོགས་ཧ་ཧར་རྒོད་པ་དང་། ནག་པོའི་མེ་ཅན་གྱི་དུར་ཁྲོད་ཆེན་པོ་བརྒྱད་ན་འཇིགས་བྱེད་ཀྱི་ཉམས་དགུ་དང་ལྡན་
D422.080.0102b06.01པའི་གར་བྱེད་པའོ། །དཔལ་ཡེ་ཤེས་ཐིག་ལེ་ལས་དཀྱིལ་འཁོར་གྱི་འཁོར་ལོ་བསྐྱེད་པ་ཞེས་བྱ་བའི་ལེའུ་སྟེ་བཞི་པའོ།། །།ད་ནི་སྔགས་མཆོག་བཤད་བྱ་བ། །སྒྲུབ་པ་པོ་ནི་འགྲུབ་འགྱུར་བ། །ས་ཡི་ཆ་ནི་མཉམ་པའི་མཆོག །སྦྲང་རྩི་ག་བུར་གྱིས་ནི་བྱུག །དྲི་ཞིམ་པ་ཡི་མེ་ཏོག་
D422.080.0102b07.01