完整藏文原文 · 德格版页 当前仅加载第 80 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
དག་བཀང་། །ཀ་པཱ་ལ་ནི་ཕྱག་གཡས་སུའོ། །ལྷ་ཆེན་སྣ་ཚོགས་གཟུགས་དང་ལྡན། །ལངས་པ་ཕྱག་ནི་གཡོན་པས་སོ། །ནག་པོ་མེ་ཡི་དྲག་པོ་ཤར། །ནག་པོ་ཆེན་པོ་ལྷོ་ཕྱོགས་སུ། །ནུབ་ཀྱི་ཕྱོགས་སུ་འཇིགས་བྱེད་དང་། །དྲག་པོ་ཆེན་པོ་བྱང་གི་
D422.080.0110a01.01ཕྱོགས། །མེ་ཡི་མཚམས་དྲག་རལ་བ་ཅན། །ཆུ་བདག་མཚམས་སུ་དབྱུག་ནག་པོ། །རླུང་གི་མཚམས་སུ་རོ་ལངས་དྲག །དབང་ལྡན་ཧེ་རུ་ཀ་ནི་གནག། །པགས་མགོ་མ་དང་། སྒྲ་མ་དང་། དྲག་མ་དང་། ཐོད་པ་མ་དང་། ནག་མོ་དང་། ཤ་ལི་དང་། གཏུམ་མོ་དང་། རིགས་
D422.080.0110a02.01མ་དང་། སྐོམ་མ་དང་། ཕག་མོ་དང་། ཤ་བ་རི་དང་། བྲམ་ཟེ་མོ་དང་། རལ་པ་གསུམ་མ་དང་། རལ་དྲག་མ་དང་། དྲག་མིག་མ་དང་། སྡུག་མ་དང་། གཡས་སྐོར་གཡོན་སྐོར་སྡུད་པ་ཡིས། སྣོད་རློན་པར་རིམ་པས་གཞག་གོ། །དེའི་ཕྱི་རོལ་དུ་འཇིག་རྟེན་སྐྱོང་བ་བརྒྱད་
D422.080.0110a03.01ཚོགས་མང་པོ་དང་བཅས་པས་བསྐོར་བའོ། །ཀླུ་ཆེན་པོ་བརྒྱད། ཕོ་ཉ་དང་། ཕོ་ཉ་མོ་དང་། ཙེ་ཏ་དང་། ཙི་ཏི་འཁོར་དང་བཅས་པའོ། །མཁའ་འགྲོ་དང་། མཁའ་འགྲོ་མ་དུ་མ་དང་། མ་མོ་མང་པོ་དང་། འབྱུང་པོ་དང་། {ཡི་དགས་,ཡི་དྭགས་}དང་།
D422.080.0110a04.01ཤ་ཟ་དང་། ཨུནྨཱ་ད་དང་། བརྗེད་བྱེད་དང་། གདུག་ངན་ཅན་གྲངས་མེད་པ་ཛཿཧཱུྃ་བྃ་ཧོཿ། གསོལ་ཅིག་གསོལ་ཅིག །དམ་ཚིག་བསྐྱང་བར་མཛོད་ཅིག །འཐུང་ཤིག །བདག་གི་ལས་ཐམས་ཅད་གྲུབ་པར་མཛོད་ཅིག །དམ་ཚིག་ཟུང་ཤིག །ཧཱུྃ་ཧཱུྃ་
D422.080.0110a05.01ཕཊ་ཕཊ་སྭཱ་ཧཱ། དཔལ་ཡེ་ཤེས་ཐིག་ལེ་ལས་ཚོགས་ཀྱི་འཁོར་ལོའི་ཆོ་ག་དང་། གཏོར་མ་ཆེན་པོ་དང་། རྣལ་འབྱོར་མའི་མཚན་ཉིད་དང་། གསང་བའི་ཚིག་དང་། ཕྱག་རྒྱའི་བརྡ་ཞེས་བྱ་བའི་ལེའུ་སྟེ་དགུ་པའོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་དབང་
D422.080.0110a06.01ཕྱུག་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ། བཅོམ་ལྡན་འདས་ལ་བསྐོར་བ་ལན་གསུམ་བྱས་ནས་ཞབས་ལ་མགོ་བོས་གཏུགས་ཏེ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་ཡེ་ཤེས་རྒྱལ་དབང་པོ། །དཀྱིལ་འཁོར་མདོར་ནི་བསྟན་པ་གསུངས། །
D422.080.0110a07.01