完整藏文原文 · 德格版页 当前仅加载第 80 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
གར་རོ། །གསང་བ་དེ་ཉིད་གསུམ་ཞེས་བྱ། །ཐིམ་དང་ལོངས་སྤྱོད་སོགས་བྱེ་བྲག །ཐིམ་པ་དང་ནི་ལོངས་སྤྱོད་དབང་། །དགའ་བ་གསུམ་དུ་བསྟན་པའོ། །དེ་ཡི་ཐིག་ལེ་གསུམ་ཞེས་བྱ། །སྐུ་གསུམ་ཡིག་གསུམ་བདག་ཉིད་དོ། །ཚངས་པའི་བུ་ག་དེ་བཞིན་
D422.080.0117b01.01མགྲིན། །སྙིང་ག་རུ་ནི་ཐིག་ལེ་གསུམ། །དེ་ཡིས་བསྐྱེད་པའི་རིམ་ཤེས་བྱ། །མདུད་པའི་ནང་ནི་མན་ཆད་དོ། །བཟློགས་པ་ཡི་ནི་ཐིག་ལེ་གསུམ། །གྱེན་དུ་རྫོགས་པའི་རིམ་པ་ཡིན། །རྒྱུ་འབྲས་རྣམ་དག་བྱེ་བྲག་ཏུ། །ཐིག་ལེ་དྲུག་ནི་རབ་ཏུ་གྲགས། །དྲི་མེད་ཡེ་
D422.080.0117b02.01ཤེས་ཆེར་ཡང་དྲུག །དེ་ནི་རྣམ་ཤེས་སྦྱོར་དྲུག་བཤད། །དེ་ཡི་དབུས་སུ་དེ་ཉིད་བཞུགས། །ལྷན་སྐྱེས་དགའ་བའི་བདེ་བ་ཆེ། །མཆོད་པའི་ལས་སྦྱོར་ཆེ་བ་ཡིས། །ཐེ་ཚོམ་མེད་པར་རྙེད་པར་འགྱུར། །མཆོད་པའི་དམ་ཚིག་དུས་སུ་ནི། །གསང་བའི་སྒྲ་ནི་འབད་པ་ཡིས། །
D422.080.0117b03.01གང་ཞིག་འདོད་པ་གྲུབ་པ་ཆེ། །དམ་ཚིག་སེམས་དཔས་བརྗོད་པར་བྱ། །ལ་ལ་རྡོ་རྗེ་ལ་ལ་པད། །ཨཱ་ལི་ཟླ་པ་ཀཱ་ལི་ཉི། །རི་བོང་ཅན་ནི་ཁུ་བའོ། །ཉི་མ་ཁྲག་ཏུ་རབ་ཏུ་གྲགས། །ཁུ་བ་ག་པུར་ཤེས་བྱ་སྟེ། །ཁྲག་ནི་སི་ཧླ་ཞེས་སུ་དྲན། །སྤྲུལ་ནི་ནག་པོ་གཉིས་ཀ་ཡིན། །
D422.080.0117b04.01འདུས་པ་ཕུང་པོར་བརྗོད་པའོ། །ནཱ་ར་ཀ་པཱ་ལ་རུ་བརྗོད། །ཆགས་པ་ཆང་དུ་རབ་ཏུ་གྲགས། །ཞེ་སྡང་དེ་ནི་ཤ་ཡིན་ཏེ། །གཏི་མུག་ཚོད་མ་རུ་ནི་དྲན། །ང་རྒྱལ་འདི་རུ་ཤ་ཆེན་པོ། །ཟན་ནི་ཕྲག་དོག་ཉིད་དུ་དྲན། །གཅི་འཁོར་བཤང་བ་མྱ་ངན་འདས། །མཐོ་རིས་གཟུགས་
D422.080.0117b05.01ཞེས་དྲན་པའོ། །མི་ཡི་ཡུལ་ནི་སྒྲ་ཞེས་བསྟན། །ས་འོག་རོ་རུ་བཤད་པའོ། །དྲི་ནི་རི་རབ་རྩེ་མོའོ། །གླིང་བཞི་པོ་ནི་རེག་བྱའོ། །ས་ནི་བ་རུ་རབ་ཏུ་གྲགས། །ཆུ་ནི་སྲིང་མོ་ཡིན་པར་དྲན། །མེ་ནི་ཡུམ་སྟེ་བུ་མོ་ནི། །རླུང་དུ་རབ་ཏུ་གྲགས་པའོ། །ནམ་མཁའ་སྒྱུག་མོར་
D422.080.0117b06.01ཤེས་པར་བྱ། །བཅིངས་པ་མེད་པ་ནམ་མཁའ་ཡིན། །སྐལ་ལྡན་མ་ཡིན་ཀྲུང་ཀྲུང་མོ། །སྐལ་ལྡན་ངང་པ་འོན་པ་མཚོ། །འོན་པ་མིན་པ་རྒྱ་མཚོར་བརྗོད། །དབང་བསྐུར་གྲོང་ཁྱེར་པ་རུ་དྲན། །དབང་བསྐུར་མིན་པ་གྲོང་པ་བཞིན། །གསང་བ་སྙིང་ག་ཡིན་པར་བརྗོད། །ཁྱེར་
D422.080.0117b07.01