完整藏文原文 · 德格版页 当前仅加载第 80 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆེན་པོ་ལྷའི་དབང་ཕྱུག་གིས་བཅོམ་ལྡན་འདས་མས་གསུངས་པ་དེ་ཁོང་དུ་ཆུད་པས་མཆོག་ཏུ་དགའ་བ་ཆེན་པོའི་སེམས་ཀྱིས་རྫུ་འཕྲུལ་དང་ཆོ་འཕྲུལ་རྨད་དུ་བྱུང་བ་ཆེན་པོ་སྤྲུལ་ཏེ། རྣམ་པ་དུ་མ་སྣ་ཚོགས་པའི་མཆོད་པ་ཆེན་པོས་མཆོད་པ་བྱས་ནས་སྔར་གྱི་དྲི་བ་དེ་དག་
D422.080.0121b01.01ཞུས་སོ། །བཅོམ་ལྡན་འདས་དེ་ཁོ་ན་ཉིད་གསུམ་གྱི་བདག་ཉིད་དང་། ཟླ་བའི་བདེ་བ་མཆོག་དང་། ཕྱག་རྒྱ་ཆེན་པོའི་མཐའི་རྒྱས་པ་ངེས་པར་བསྟན་པའི་དོན་དུ་རང་གི་ངོ་བོ་ཉིད་དང་། ཚད་དང་། རྣམ་པ་དེ་དག་བདག་ལ་བཀའ་སྩལ་དུ་གསོལ། བཅོམ་ལྡན་འདས་
D422.080.0121b02.01ཀྱིས་བཀའ་སྩལ་པ། དྲི་བ་ཤིན་ཏུ་ཟབ་ལས་ཟབ། །ཐམས་ཅད་མཁྱེན་པས་རྙེད་དཀའ་བ། །ཇི་ལྟར་དེ་ཉིད་མཚན་ཉིད་ནི། །ཉོན་ཅིག་ང་ཡིས་བཤད་པར་བྱ། །མཚན་ཉིད་ལས་སྐྱེས་དེ་ཉིད་ནི། །དེ་ལྟ་མིན་ན་མི་མཐུན་ནོ། །རང་རིག་པ་ནི་བདག་ཉིད་ཕྱིར། །དེ་བས་བརྗོད་
D422.080.0121b03.01པར་མི་ནུས་སོ། །དེ་ཉིད་གསུམ་བདག་དེ་སྣང་བ། །མཚན་མོའི་འདུ་ཤེས་རང་ངོ་བོ། །ཟླ་བའི་བདེ་མཆོག་སྣང་བ་མཆེད། །ཉིན་མོའི་འདུ་ཤེས་རང་ངོ་བོ། །ཕྱག་རྒྱ་ཆེན་པོ་སྣང་བ་ཐོབ། །མཚམས་ཀྱི་འདུ་ཤེས་རང་ངོ་བོ། །མཐའ་ཡི་དེ་ནི་འོད་ཀྱི་རབ། །ཉིན་མོ་
D422.080.0121b04.01མཚན་མོ་སོགས་དང་བྲལ། །དེ་ནི་གནས་མཆོག་ཡེ་ཤེས་ཏེ། །བལྟ་བར་དཀའ་བའི་མཚན་ཉིད་དོ། །ཆར་ཡང་དང་ནི་ཐིག་ལེའི་ཚུལ། །དེ་ཉིད་གསུམ་བདག་རྗོད་པའོ། །འཁོར་ལོ་གསུམ་ཡོད་མེ་རླུང་ཆུ། །དངོས་པོའི་འདུ་ཤེས་རང་ངོ་བོ། །ཚུལ་ཙམ་ཟླ་བ་ཡི་ནི་
D422.080.0121b05.01བདེ། །ས་ཡི་འཁོར་ལོར་བདེ་ནི་མཆོག །དེ་ནི་རྟེན་གྱི་འདུ་ཤེས་ཅན། །ལྷ་ཡི་དབང་ཕྱུག་ཤེས་པར་བྱ། །ཕྱག་རྒྱ་ཆེན་པོ་འདི་ནི་མཆོག །ནམ་མཁར་ཡེ་ཤེས་འདུ་ཤེས་སོ། །དེ་ཡི་མཐའ་ཡི་གཞན་གྱི་མཆོག །བདེ་ཆེན་མཆོག་གི་ནམ་མཁར་རོ། །དེ་ནི་རྣམ་
D422.080.0121b06.01འབྱེད་ངོ་བོར་གྲགས། །གཉིས་སུ་མེད་པའི་ཡེ་ཤེས་རབ། །དེ་ནི་འཁོར་ལོ་དྲུག་དབུས་གནས། །རྣམ་ཤེས་དྲུག་གི་རང་ངོ་བོ། །དངོས་པོ་རྟེན་ལ་སོགས་བྱེ་བྲག །བཞིར་ནི་དབྱེ་བར་ཡོད་པའོ། །དེ་ཉིད་གསུམ་བདག་བྱེ་བྲག་གིས། །དེ་ནི་རྣམ་པ་གསུམ་དུ་དབྱེ། །
D422.080.0121b07.01