完整藏文原文 · 德格版页 当前仅加载第 80 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། །ཕྲག་དོག་རྡོ་རྗེ་རུ་ནི་གྲགས། །རྣམ་པར་ཤེས་འདིར་མི་བསྐྱོད་པ། །ཞེ་སྡང་རྡོ་རྗེ་རབ་ཏུ་བསྒོམ། །ནམ་མཁའ་རྡོ་རྗེ་སེམས་དཔར་གྲགས། །རྣམ་པ་དང་བྲལ་གྲུབ་མངའ་བདག །གཏི་མུག་མེ་ལོང་ཡེ་ཤེས་ལྟ། །ང་རྒྱལ་མཉམ་པ་ཉིད་དུ་དྲན། །སོ་སོར་རྟོག་པ་འདོད་
D422.080.0126b01.01ཆགས་ཡིན། །བྱ་བ་གྲུབ་པ་ཕྲག་དོག་ཆེ། །ཞེ་སྡང་ཆོས་དབྱིངས་རྣམ་པར་དག །བདེ་ཆེན་གཅིག་པུ་ལས་ནི་འདིར། །བྱེ་བྲག་ལྔ་རུ་གྱུར་པར་གྲགས། །བདེ་བ་དཀར་པོ་བསྲུབས་པ་ལས། །ཞལ་{བཟངས་,བཟང་}མོ་ནི་སྲ་བ་གང་། །དེ་ནི་རྣམ་པར་སྣང་མཛད་ཅེས། །གཏི་མུག་
D422.080.0126b02.01ཆོས་ཀྱི་མཚན་ཉིད་ཅན། །བདེ་བ་ནག་པོ་ཞུ་བའི་གཟུགས། །དེ་ནི་མི་བསྐྱོད་པ་རུ་དྲན། །བདེ་བ་དམར་པོའི་འོད་ཀྱི་ཕྱིར། །འོད་དཔག་མེད་པ་དེ་བཞིན་གཤེགས། །རླུང་གིས་ཁྱབ་ཕྱིར་བདེ་བ་སྔོན། །དོན་ཡོད་གྲུབ་པ་དེ་རབ་བསྟན། །ང་རྒྱལ་ལས་ནི་འདིར་བདེ་སེར། །དེ་ནི་
D422.080.0126b03.01རིན་ཆེན་འབྱུང་ལྡན་ཡིན། །ནམ་མཁའ་དང་བྲལ་གྲུབ་མགོན་པོ། །རྡོར་སེམས་རྒྱལ་བ་ཀུན་མངའ་བདག །སྤྱན་{རིངས་,རིང་}བཟང་མོ་དེ་ཕྱིར་སྐུ། །ལྷ་ཡི་རྣམ་པ་རབ་ཏུ་མཆོག །འབད་པ་ཡིས་ནི་དེ་མཆོད་བྱ། །ནམ་ཡང་སྨད་པར་མི་བྱའོ། །ཤ་དང་། ཁྲག་དང་།
D422.080.0126b04.01བཤང་བ་དང་། གཅི་བ་དང་། མིག་རྔུ་དང་། སྣབས་དང་། སེན་མོ་དང་། སོ་དང་། སྐྲ་དང་། སྤུ་དང་། རུས་པ་དང་། རྒྱུས་པ་དང་། མཁལ་མ་དང་། སྙིང་དང་། མཁྲིས་པ་དང་། གློ་བ་དང་། རྒྱུ་མ་དང་། དྲི་མ་དང་། ཚིལ་དང་། རྣག་དང་། ཨང་ཁྲི་ནི་དང་། གཉེ་མ་དང་། ལྟོ་
D422.080.0126b05.01བ་དང་། ཁ་ལྦུ་དང་། བད་ཀན་དང་། རྔུལ་དང་། མཆི་མ་དང་། ཀླད་པ་དང་། རྐང་མར་དང་། ཁུ་བ་དང་། ཁྲག་དང་། ཤ་མ་འདི་ཡང་ལྷའི་གཟུགས་ཀྱིས་གནས་པ་སྟེ། གཞན་མ་ཡིན་ནོ། །དེ་བས་ན་ཤིང་དང་། རྡོ་བ་དང་། ས་ལས་གྲུབ་པ་དང་། དངུལ་དང་། ཟངས་དང་།
D422.080.0126b06.01འཁར་བ་ལས་གྲུབ་པའི་ལྷ་དང་། མཆོད་རྟེན་དང་། བྲིས་སྐུ་དང་། པོ་ཏི་ལ་སོགས་པ་རྣམས་ལ་ཕྱག་མི་བྱའོ། །གང་གི་ཕྱིར་ཡེ་ཤེས་ཀྱི་སྐུ་སྤངས་ནས་ཕྱིའི་དོན་གྱིས་ཅིའི་ཕྱིར་གནས། ཕྱི་ཡི་ཐམས་ཅད་སྐད་ཅིག་མ། །དགའ་མོ་སེམས་ཀྱི་རྫུ་འཕྲུལ་ཡིན། །དེ་ལྟར་སེམས་ལས་
D422.080.0126b07.01