完整藏文原文 · 德格版页 当前仅加载第 80 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ལས་སྐྱེས་ཤིང་ཅི་ལས་འོངས། །དེ་ནི་མདོར་བསྡུས་པ་ཡི་ཆིག །ཐུབ་པ་ཆེན་པོས་བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། །དྲི་བ་འདི་ནི་ཤིན་ཏུ་ཟབ། །ཡེ་ཤེས་ཀྱིས་རྙེད་གསང་བའོ། །ལྷ་མོ་ཁྱོད་ནི་འབྱུང་བ་མིན། །
D422.080.0128a01.01སྐྱེ་བ་དང་ནི་འཕོ་མེད་རབ། །མཆོག་གི་རྣམ་རྟོག་རླབས་དང་བྲལ། །རང་གི་ངོ་བོ་ཡེ་ཤེས་འོད། །བདག་རང་གི་ནི་ཡེ་ཤེས་སྐུའི། །མཆོག་གི་དབང་ཕྱུག་མ་ཁྱོད་འོང་། །གཞན་མིན་བདག་དང་ཁྱོད་མེད་ན། །སངས་རྒྱས་ཀུན་གྱིས་རྙེད་དཀའ་པ། །ཁྱོད་མེད་ན་ནི་
D422.080.0128a02.01ཁམས་གསུམ་ཀུན། །མགོ་བོ་ཆད་པའི་མི་བཞིན་དུ། །གྲངས་མེད་འཇིག་རྟེན་གྱི་ནི་ཁམས། །ཁྱོད་ནི་ཡེ་ཤེས་འོད་བྱེད་པ། །ཁྱོད་ནི་ཐམས་ཅད་དངོས་ཀུན་གྱི། །ཐམས་ཅད་བདག་ཉིད་འབྱུང་བ་ཀུན། །ཆོས་ཀུན་ཡོངས་སུ་ཤེས་ནས་ནི། །དེ་ནི་ཐམས་ཅད་
D422.080.0128a03.01མཁྱེན་པར་གྲགས། །དེ་ཡང་ལྷ་མོ་ཁྱོད་ཀྱི་དྲིན། །བརྗོད་པར་མི་ནུས་ཡང་དག་དོན། །ཁྱོད་ཀྱི་དྲིན་གྱིས་གྲངས་མེད་པས། །དེ་བཞིན་གཤེགས་པའི་གནས་རྙེད་འགྱུར། །མཆོག་གི་ནམ་མཁའི་གནས་ནས་བྱོན། །མཆོག་གི་ནམ་མཁའི་གནས་སུ་གཤེགས། །མཆོག་
D422.080.0128a04.01གི་ནམ་མཁའ་རང་ངོ་ཁྱོད། །མཆོག་གི་ནམ་མཁའི་ངལ་བསོ་གནས། །མཆོག་གི་ནམ་མཁར་རྟག་ཏུ་བཞུགས། །ཀུན་རྫོབ་རྣམ་པའི་མཆོག་ཏུ་ནི། །པདྨའི་སྐུད་པ་ཇི་བཞིན་དུ། །གསང་བའི་སྣ་རྩེ་སྙིང་པོར་གནས། །ལངས་ནས་བདེ་བའི་པདྨར་ནི། །ཐིག་ལེ་ཁོང་དུ་
D422.080.0128a05.01ཆུད་པའི་ཕྱིར། །གཤེགས་ནས་བརྟེན་པ་ཐམས་ཅད་སྲེག །རྒྱས་པས་ཐིག་ལེ་ཁྱེར་ནས་སུ། །ཡང་ནི་ཁྱོད་འདིར་བྱོན་པའི་དོན། །ལྟེ་བ་སྤྲུལ་པའི་པདྨ་ཡི། །ལྷ་མོ་གང་ཚེ་ཁྱོད་ཀྱི་གནས། །དེ་ཚེ་ཁྱོད་ནི་ཤེས་རབ་གྲགས། །ལེགས་དགྱེས་རབ་མཆོག་རྨད་དུ་བྱུང་། །
D422.080.0128a06.01བདག་དང་ལྷན་ཅིག་གཉིས་མེད་སྦྱོར། །ལེགས་དགྱེས་དབང་མོ་ཁྱོད་ནི་བཞུགས། །ཚངས་པའི་ཡུལ་ས་བྱེ་བ་མཐར། །ལེགས་དགྱེས་ཁྱོད་ཀྱི་རྒྱ་ཡིས་བཏབ། །གྲངས་མེད་པ་ལ་རྒྱས་བཏབ་སྟེ། །དེ་ཕྱིར་ཕྱག་རྒྱ་ཆེ་ཁྱོད་གྲགས། །དཔལ་ཡེ་ཤེས་ཐིག་ལེ་ལས། །
D422.080.0128a07.01