完整藏文原文 · 德格版页 当前仅加载第 44 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
དོག་ཀྱང་མི་བྱའོ་སྙམ་དུ་སོ་སོར་རྟོག་པར་བྱེད་དོ། །དེས་ལྷག་པའི་བསམ་པས་སེམས་བསྐྱེད་པ་དེས་གང་གིས་དེ་བཞིན་གཤེགས་པ་ལ་བསྙེན་བཀུར་བྱས་ཀྱང་ཁེངས་པར་མི་འགྱུར་ལ། བསྙེན་བཀུར་མ་བྱས་ཀྱང་ཞུམ་པར་མི་འགྱུར་ཞིང་སེམས་ཅན་ཐམས་ཅད་ལ་ཐུགས་མཉམ་པ་
D82.044.0033b01.01ཀུན་དུ་འཛིན་པར་མཛད་པ་ལྟ་བུའི་རྗེས་སུ་ཆགས་པ་དང་། ཁོང་ཁྲོ་བ་སྤངས་པ་འཐོབ་པར་འགྱུར་ཏེ། རིགས་ཀྱི་བུ་དེ་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐབས་ལ་མཁས་པ་ཡིན་ནོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་
D82.044.0033b02.01མཁས་པ་ནི་སྦྱིན་པ་སྦྱིན་པས་ཕ་རོལ་དུ་ཕྱིན་པ་དྲུག་པོ་ཐམས་ཅད་ཡོངས་སུ་རྫོགས་པར་བྱེད་དོ། །ཇི་ལྟར་ཡོངས་སུ་རྫོགས་པར་བྱེད་ཅེ་ན། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པ་ནི་གང་གི་ཚེ་སློངས་མོ་བ་མཐོང་བ་ན་དེ་ཐམས་ཅད་མཁྱེན་པ་ཉིད་ལ་
D82.044.0033b03.01དམིགས་ཏེ། སེར་སྣའི་སེམས་ཚར་གཅོད་པར་བྱེད་ཅིང་གཏོང་བ་ཆེན་པོ་ཡང་སྤེལ་བར་བྱེད་ལ། སྦྱིན་ནོ་སྙམ་པའི་སེམས་ཀྱང་སྐྱེད་པར་བྱེད་པ་གང་ཡིན་པ་དེ་ནི་དེའི་སྦྱིན་པའི་ཕ་རོལ་དུ་ཕྱིན་པ་ཡིན་ནོ། །ཚུལ་ཁྲིམས་ཡང་དག་པར་བླངས་ཤིང་ཚུལ་ཁྲིམས་དང་ལྡན་པ་ལ་སྦྱིན་པ་སྦྱིན་
D82.044.0033b04.01པར་བྱེད་པ་དང་། སེམས་ཅན་ཚུལ་ཁྲིམས་འཆལ་བ་གང་དག་ཡིན་པ་དེ་དག་ཚུལ་ཁྲིམས་ལ་འགོད་པར་བྱེད་ཅིང་སྦྱིན་པ་སྦྱིན་ནས་འདི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་འགོད་པར་བྱེད་པ་གང་ཡིན་པ་དེ་ནི་དེའི་ཚུལ་ཁྲིམས་ཀྱི་ཕ་རོལ་དུ་ཕྱིན་པ་ཡིན་ནོ། །བྱམས་
D82.044.0033b05.01པའི་སེམས་དང་། ཕན་པའི་སེམས་དང་། མ་འདྲེས་པའི་སེམས་དང་། མ་འཁྲུགས་པའི་སེམས་དང་། ལེ་ལོ་མེད་པའི་སེམས་དང་། རྙོག་པ་མེད་པའི་སེམས་དང་། སྙོམས་པའི་སེམས་ཀྱིས་སྦྱིན་པ་སྦྱིན་པར་བྱེད་པ་གང་ཡིན་པ་དེ་ནི་དེའི་བཟོད་པའི་ཕ་རོལ་ཏུ་ཕྱིན་པ་ཡིན་ནོ། །
D82.044.0033b06.01བཟའ་བ་དང་། བཅའ་བ་དང་། བཏུང་བ་དང་། བལྡག་པ་དང་། མྱང་བ་དག་ལ་མངོན་པར་གུས་པ་ཡང་དག་པར་སྒྲུབ་པར་བྱེད་ཅིང་རྩོལ་བར་བྱེད་པ་དང་། ལུས་ཀྱིས་ཞལ་ཏ་བྱེད་པ་དང་། སེམས་ཀྱིས་ཞལ་ཏ་བྱེད་པ་དང་། ལྡང་བ་དང་། འགྲོ་བ་དང་། འོང་བར་བྱེད་པ་གང་
D82.044.0033b07.01