完整藏文原文 · 德格版页 当前仅加载第 44 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
སློབ་ཅིང་བྱང་བར་བྱ་བ་དེའི་ཆེད་དུ་ཡི་གེའི་ཕྱི་མོ་དག་ཀློག་ཏུ་འཇུག་པ་དེ་བཞིན་དུ་རིགས་ཀྱི་བུ་དེ་བཞིན་གཤེགས་པ་ཆོས་ཐམས་ཅད་ལ་ལེགས་པར་བསླབ་པ་དེ་ཡང་ཇི་ལྟ་ཇི་ལྟར་སེམས་ཅན་གཞན་དག་གི་ལས་ཡོངས་སུ་དག་པར་འགྱུར་བ། དེ་ལྟ་དེ་ལྟར་གསུང་ཞིང་དེ་ལྟ་དེ་ལྟར་ལས་
D82.044.0059b01.01ཉེ་བར་སྟོན་པར་ཡང་མཛད་དོ། །རིགས་ཀྱི་བུ་འདི་ལྟ་སྟེ་དཔེར་ན། སྨན་པ་ནད་ཐམས་ཅད་རབ་ཏུ་ཞི་བར་བྱ་བ་ལ་ལེགས་པར་བསླབས་པ་ནི་ནད་མེད་བཞིན་དུ་སེམས་ཅན་ནད་པ་རྣམས་ཀྱི་མདུན་དུ་སྨན་ཚ་བ་དག་གི་རོ་མྱོང་བར་བྱེད་ཅིང་བསྔགས་པ་རྗོད་པར་ཡང་བྱེད། རབ་ཏུ་
D82.044.0059b02.01བསྔགས་པ་རྗོད་པར་ཡང་བྱེད་དེ། ནད་པ་རྣམས་ཀྱིས་དེ་མཐོང་ནས་སྨན་ཚ་བ་དེ་དག་འཐུང་བར་བྱེད། ཡོངས་སུ་ལོངས་སྤྱོད་པར་བྱེད་ཅིང་དེ་དག་ནད་དེ་དག་ལས་ཡོངས་སུ་ཐར་བར་འགྱུར་བ་དེ་བཞིན་དུ་རིགས་ཀྱི་བུ་དེ་བཞིན་གཤེགས་པ་སྨན་པའི་རྒྱལ་པོ་ཆེན་པོ་ཉོན་མོངས་
D82.044.0059b03.01པའི་ནད་ཐམས་ཅད་ལས་ཡོངས་སུ་ཐར་བ། ཆོས་ཐམས་ཅད་ལ་སྒྲིབ་པ་མི་མངའ་བ་བརྙེས་པ་ཡང་ལས་དགེ་བ་དང་མི་དགེ་བ་འདིའི་འབྲས་བུ་རྣམ་པར་སྨིན་པ་ནི་འདི་ཡིན་ནོ། །ཞེས་ལས་ཀུན་ཏུ་སྟོན་པར་མཛད་ཅིང་། ཇི་ལྟར་ན་སེམས་ཅན་རྣམས་ལས་ཀྱི་སྒྲིབ་པས་
D82.044.0059b04.01འཇིགས་ཤིང་སྐྲག་པ་དང་། ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ཡོངས་སུ་དག་པར་འགྱུར་སྙམ་ནས་བསམས་བཞིན་དུ་ལས་ཀུན་ཏུ་སྟོན་པར་ཡང་མཛད་དོ། །རིགས་ཀྱི་བུ་འདི་ལྟ་སྟེ་དཔེར་ན། ཚོང་དཔོན་གྱི་བུའམ་ཁྱིམ་བདག་གི་བུ་བཙས་ནས་
D82.044.0059b05.01རིང་པོར་མ་ལོན་པ་ཞིག་ལ་ཕ་མ་དག་གིས་མ་མ་ཞིག་བྱིན་པར་གྱུར་ན། མ་མ་དེ་ནད་མེད་པར་གྱུར་བཞིན་དུ་འདི་ལྟ་སྟེ། ཁྱེའུ་དེའི་འོ་མ་ཡོངས་སུ་དག་པར་བྱའོ། །སྙམ་ནས་སྨན་ཁ་བ་དང་། བསྐ་བ་དག་སོ་སོར་བརྟགས་ཞིང་འཐུང་བར་བྱེད་པ་དེ་བཞིན་དུ་རིགས་ཀྱི་
D82.044.0059b06.01བུ་དེ་བཞིན་གཤེགས་པ་འཇིག་རྟེན་ཐམས་ཅད་ཀྱི་ཡབ་ཀྱང་སྙུན་མི་མངའ་བ་བརྙེས་བཞིན་དུ་ལས་ཀྱི་བྱ་བ་ཆུད་གསོན་པའི་སེམས་ཅན་ཡོངས་སུ་སྨིན་པར་བྱ་བའི་ཕྱིར་ལས་ཀུན་ཏུ་སྟོན་པར་མཛད་དེ། ལས་ཆེ་གེ་མོ་ཞིག་གི་རྣམ་པར་སྨིན་པ་ནི་འདི་ཡིན་ནོ་ཞེས་ཐོས་ནས་སེམས་
D82.044.0059b07.01