完整藏文原文 · 德格版页 当前仅加载第 44 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཡིན་པས་དེ་ལྟར་ལས་ཀྱི་སྒྲིབ་པས་བསྒྲིབས་པ་དེས་ན་ཕུང་པོ་དང་། ཁམས་དང་། སྐྱེ་མཆེད་དེ་དག་ཉིད་ཀྱིས་བསྟན་པ་འདི་ལ་གདོན་མི་ཟ་བར་རྨ་འབྱིན་པར་བྱེད་པ་ཡིན་ཏེ། དེ་སྡིག་པའི་ལས་ཀུན་དུ་རྒྱས་པ་དེས་གལ་ཏེ་རྨི་ལམ་
D82.044.0065a01.01ན་དེ་བཞིན་གཤེགས་པ་ལ་སྐུར་བ་བཏབ་པར་གྱུར་ན་ཡང་། དེ་ཉིད་ཀྱིས་སད་པའི་ཚེ་ན་དྲི་མར་ཡང་འགྱུར་རོ། །རིགས་ཀྱི་བུ་གལ་ཏེ་དེ་བཞིན་གཤེགས་པས་ཐབས་འགའ་ཞིག་གིས་དེ་མི་དགེ་བའི་ལས་མངོན་པར་འདུ་བྱེད་པ་དེ་ལས་ཟློག་པར་སྤྱོད་ན་ནི་ཟློག་
D82.044.0065a02.01པར་ཡང་མཛད་ལ། དེ་བཞིན་གཤེགས་པས་བསྲུང་བར་སྤྱོད་ན་སྲུང་བར་ཡང་མཛད་དོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པས་སེམས་ཅན་འགའ་ཡང་ཡོངས་སུ་མ་བཏང་བའི་ཕྱིར་ཏེ། དེ་ཡང་དེ་བཞིན་གཤེགས་པའི་ཐབས་ལ་མཁས་པ་ཡིན་
D82.044.0065a03.01ནོ། །ཅིའི་ཕྱིར་དེ་བཞིན་གཤེགས་པ་ཐམས་ཅད་མཁྱེན་པས་ཀུན་ཏུ་རྒྱུ་མཛེས་མ་ཀུན་ཏུ་རྒྱུ་དག་གིས་སྲོག་དང་ཕྲལ་ཏེ། རྒྱལ་བུ་རྒྱལ་བྱེད་ཀྱི་ཚལ་གྱི་འོབས་ཀྱི་ནང་དུ་བོར་བ་བཏང་སྙོམས་སུ་མཛད་ཅེ་ན། དེ་བཞིན་གཤེགས་པ་ནི་ཐམས་ཅད་མཁྱེན་པ་ཐོགས་
D82.044.0065a04.01པ་མི་མངའ་བའི་ཡེ་ཤེས་གཟིགས་པ་དང་ལྡན་པ་ཡིན་པས། དེ་བཞིན་གཤེགས་པས་དེ་དེ་ལྟར་འགྱུར་བར་མཁྱེན་ཅིང་། དེ་བཞིན་གཤེགས་པས་དེ་ལྟ་བུའི་བྱིན་གྱི་རླབས་བྱིན་གྱིས་རློབ་པར་ཡང་སྤྱོད་མོད་ཀྱི། ཀུན་ཏུ་རྒྱུ་མཛེས་མ་ཉིད་ཚེའི་ཚད་ཟད་ཅིང་གདོན་
D82.044.0065a05.01མི་ཟ་བར་གཞན་གྱི་གནོད་པས་ཚུལ་མ་ཡིན་པས་འཆི་བའི་དུས་བྱེད་པར་འགྱུར་བའི་ཕྱིར་ཏེ་རྣམ་གྲངས་དེས་ན་གཞན་མུ་སྟེགས་ཅན་དག་འདི་ལྟར་སངས་རྒྱས་ཀྱི་ཡེ་ཤེས་དེ་ནི། ཇི་ལྟ་ཇི་ལྟར་སེམས་ཅན་རྣམས་ཀྱི་དཀར་པོའི་ཆོས་རྣམ་པར་འཕེལ་བ་དང་། དགེ་བའི་རྩ་
D82.044.0065a06.01བ་རྣམ་པར་འཕེལ་བར་འགྱུར་བ་དང་། ཇི་ལྟ་ཇི་ལྟར་དེ་ལ་གཞག་པར་བྱ་བ་དེ་ལྟ་དེ་ལྟར་དེ་ལ་འཇོག་པར་མཛད་དོ། །ཞེས་བདག་ཉིད་ཀྱི་རང་གི་ཉེས་པས་ཤིན་ཏུ་ཚར་གཅོད་པར་འགྱུར་རོ། །དེའི་ཚེ་བཅོམ་ལྡན་འདས་ཞག་བདུན་གྱི་བར་དུ་གྲོང་ཁྱེར་དུ་མ་ཞུགས་
D82.044.0065a07.01