完整藏文原文 · 德格版页 当前仅加载第 44 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་མྱ་ངན་ལས་འདའ་བའི་བར་གྱི་ས་བོན་བསྐྱེད་པར་གྱུར་ཏེ། དེ་ཡང་དེ་བཞིན་གཤེགས་པའི་ཐབས་ལ་མཁས་པ་ཡིན་ནོ། །རིགས་ཀྱི་བུ་གང་གི་ཕྱིར་བྱང་ཆུབ་སེམས་དཔའི་སྐྱེ་བ་ཐམས་ཅད་དང་། སྲིད་པ་ཐམས་ཅད་དུ་ལྷས་བྱིན་
D82.044.0069a01.01ཡང་དང་ཡང་དུ་རྗེས་སུ་འབྲང་བར་གྱུར་པ་དེ་ཡང་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །དེ་ཅིའི་ཕྱིར་ཞེ་ན། ལྷས་བྱིན་ལ་བརྟེན་ནས་ང་ཕ་རོལ་ཏུ་ཕྱིན་པ་དྲུག་པོ་དག་ཡོངས་སུ་རྫོགས་ཤིང་སེམས་ཅན་དཔག་ཏུ་མེད་པ་རྣམས་ཀྱི་དོན་ཀྱང་བྱས་པའི་ཕྱིར་རོ།
D82.044.0069a02.01རྣམ་གྲངས་གང་གིས་ཤེ་ན། རིགས་ཀྱི་བུ་འདི་ལ་གང་གི་ཚེ་སེམས་ཅན་རྣམས་བདེ་བ་དང་ལྡན་པར་གྱུར་ཅིང་། གང་གི་ཚེ་སྦྱིན་པ་དེ་ཡང་མི་ཤེས། ལེན་པ་པོ་ཡང་མི་ཤེས་པ་དེའི་ཚེ་ན། ལྷས་བྱིན་བྱང་ཆུབ་སེམས་དཔའི་དྲུང་དུ་འོངས་ཏེ། བུ་དག་ཀྱང་སློང་
D82.044.0069a03.01བར་བྱེད། ཆུང་མ་དག་ཀྱང་སློང་བར་བྱེད། རྒྱལ་སྲིད་དག་ཀྱང་སློང་བར་བྱེད། ལག་པ་དང་། རྐང་པ་དག་དང་། མིག་དང་། མགོ་ཡང་སློང་བར་བྱེད་ཅིང་དེ་དག་ལ་སོགས་པ་དགའ་བ་དང་། སེམས་ཅན་རྣམས་ལ་བདེ་བ་སྐྱེད་པར་བྱེད་པ་གཞན་གང་
D82.044.0069a04.01ཡང་རུང་བ་དག་ཀྱང་སློང་བར་བྱེད་དོ། །བྱང་ཆུབ་སེམས་དཔའ་ཞུམ་པ་མེད་པར་དེ་དག་སྦྱིན་པར་བྱེད་པ་དེ་སེམས་ཅན་དཔག་ཏུ་མེད་པ་དག་གིས་མཐོང་ནས་དགའ་བ་དང་། དད་པ་དང་། མཆོག་ཏུ་དགའ་བ་སྐྱེས་ཏེ། སྤྲོ་བ་བསྐྱེད་ནས་འདི་ཇི་ལྟ་བ་བཞིན་དུ་
D82.044.0069a05.01བདག་ཅག་ཀྱང་དེ་བཞིན་དུ་གྱུར་ཅིག་ཅེས་དེ་དག་སྦྱིན་པ་ལ་མོས་ཤིང་། བྱང་ཆུབ་ཏུ་སྨོན་ལམ་འདེབས་པར་ཡང་བྱེད་དོ། །གཞན་ཡང་ལྷས་བྱིན་དང་། སེམས་ཅན་དཔག་ཏུ་མེད་པ་གང་དག་ཚུལ་ཁྲིམས་འདྲལ་བར་འདོད་པ་དེ་དག་གིས་བྱང་ཆུབ་སེམས་དཔའ་
D82.044.0069a06.01ཚུལ་ཁྲིམས་མི་འདྲལ་བ་མཐོང་ནས་དེ་དག་ཀྱང་ཚུལ་ཁྲིམས་ཡང་དག་པར་ལེན་པར་བྱེད་པ་དང་། སེམས་ཅན་དེ་དག་བྱང་ཆུབ་སེམས་དཔའི་རྗེས་སུ་སློབ་པ་ན་བཟོད་པ་ཕུན་སུམ་ཚོགས་པ་དེ་མཐོང་ནས། དེ་དག་ལ་སྤྱོས་སམ། བརྒྱད་བཀག་གམ། བརྡེགས་
D82.044.0069a07.01