完整藏文原文 · 德格版页 当前仅加载第 44 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། འདིས་ནི་བདག་ཉིད་ཀྱང་ཐར་པར་བྱེད་མི་ནུས་ན་འདྲོན་པ་ཐམས་ཅད་བསྒྲལ་བ་དང་། ཆོམ་རྐུན་པའི་སྡེ་ཕམ་པར་བྱ་བ་ལྟ་ཅི་སྨོས་ཏེ། དེ་ནི་གནས་མེད་པས་འདི་ནི་ཚུལ་མ་ཡིན་པས་འཆི་བར་འགྱུར་རོ་ཞེས་ཀྱང་ཟེར་བར་འགྱུར་ལ། དེ་ནས་འཕོང་གི་སློབ་
D82.044.0040a01.01དཔོན་དེ་འབྲོག་དགོན་པར་སོན་ཏེ་ཆོམ་རྐུན་པའི་ཚོགས་ལྷགས་པར་གྱུར་པ་ན། མདའ་གཞུ་ཐོགས་ཏེ་གོ་ཆ་སྲ་བ་བགོས་ནས་མཚོན་ཆ་དེ་གཟས་ཏེ་ཆོམ་རྐུན་པ་རྣམས་ལ་འདེབས་པར་བྱེད་ཅིང་། དེས་ཆོམ་རྐུན་པ་དེ་དག་ཐམས་ཅད་སྲོག་དང་ཕྲལ་ནས་ཡང་མཚོན་ཆ་ལག་ཏུ་ལེན་པར་
D82.044.0040a02.01བྱེད་པ་དེ་བཞིན་དུ་རིགས་ཀྱི་བུ་བྱང་ཆུབ་སེམས་དཔའ་ཐབས་ལ་མཁས་པ་ཡང་སེམས་ཅན་ཡོངས་སུ་སྨིན་པར་བྱ་བའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པའི་མཚོན་ཆ་ལེགས་པར་ཐོགས་ཏེ། ཐབས་ལ་མཁས་པས་འདོད་པའི་ཡོན་ཏན་ལྔ་པོ་དག་གིས་དགའ་བ་དང་། རྩེ་བ་དང་།
D82.044.0040a03.01དགའ་མགུར་སྤྱོད་པར་བྱེད་པ་དེ་ན་ཉན་ཐོས་ཀྱི་ཐེག་པ་པ་གང་དག་དེའི་ཐབས་ལ་མཁས་པའི་ཤེས་པ་དེ་ཁོང་དུ་མ་ཆུད་པ་དེ་དག་གིས་དེ་མཐོང་བའི་ཚེ་དེ་དག་དེ་ལ་མ་དད་པ་དང་། སྙིང་རྗེ་སྐྱེད་པར་བྱེད་ཅིང་ཚིག་འདི་སྐད་ཅེས་འདི་ལྟར་བག་མེད་པའི་གནས་པས་གནས་པ་འདིས་ནི་བདག་ཉིད་
D82.044.0040a04.01ཀྱང་ཐར་པར་བྱེད་མི་ནུས་ན་སེམས་ཅན་ཐམས་ཅད་བསྒྲལ་བ་ལྟ་ཅི་སྨོས་ཤིང་བདུད་ཀྱི་སྡེ་ཕམ་པར་བྱེད་པར་ལྟ་ག་ལ་འགྱུར་ཏེ། དེ་ནི་གནས་མེད་པས་འདི་ནི་ཚུལ་མ་ཡིན་པས་འཆི་བར་འགྱུར་རོ་ཞེས་ཀྱང་ཟེར་མོད་ཀྱི། བྱང་ཆུབ་སེམས་དཔའ་ཐབས་ལ་མཁས་པ་དང་། ཤེས་
D82.044.0040a05.01རབ་ཀྱིས་ལེགས་པར་ཡོངས་སུ་ཟིན་པ་ནི་གང་གི་ཚེ་འདོད་པ་དེའི་ཚེ་ཤེས་རབ་ཀྱི་མཚོན་དེས་ཉོན་མོངས་པའི་དྲ་བ་ཐམས་ཅད་དྲལ་ཅིང་རབ་ཏུ་གཏུབས་ནས་ཤེས་རབ་དང་ལྷན་ཅིག་ཏུ་སངས་རྒྱས་ཀྱི་ཞིང་བུད་མེད་དང་བྲལ་བ་དང་། འཁྲིག་པ་དང་བྲལ་བ་ཤིན་ཏུ་ཡོངས་སུ་དག་པ་དག་ཏུ་འགྲོ་
D82.044.0040a06.01བར་བྱེད་དོ། །གཏམ་འདི་བརྗོད་པར་གྱུར་པ་དེའི་ཚེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བྱེད་ཅེས་བྱ་བ་མཉན་ཡོད་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་པར་གྱུར་ཏེ། དེ་མཉན་ཡོད་ཀྱི་གྲོང་ཁྱེར་ཆེན་པོར་བསོད་སྙོམས་སྤྱོད་པ་ན་ཚོང་དཔོན་ཞིག་གི་
D82.044.0040a07.01