完整藏文原文 · 德格版页 当前仅加载第 44 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེས་པའི་ཆོས་དང་ལྡན་པ་བར་སྣང་ལ་འདུག་པར་ནུས་སྙམ་འམ། ཀུན་དགའ་བོས་སྨྲས་པ། རིགས་ཀྱི་བུ་དེ་ནི་མི་ནུས་སོ། །བྱང་ཆུབ་སེམས་དཔའ་ཚོགས་ཅན་རབ་མཆོག་རྒྱལ་པོས་སྨྲས་པ། ཚེ་དང་ལྡན་པ་ཀུན་དགའ་བོ་འོན་ཀྱང་དེ་བཞིན་གཤེགས་པ་མངོན་དུ་གྱུར་པ་འདི་ལ་
D82.044.0035b01.01ཇི་ལྟར་ན་བྱང་ཆུབ་སེམས་དཔའ་ཉེས་པའི་ཆོས་དང་ལྡན་པ་དྲིས་ཤིག །དེ་ནས་ཚེ་དང་ལྡན་པ་ཀུན་དགའ་བོ་ཡུལ་ཡུལ་པོར་གྱུར་ནས་བཅོམ་ལྡན་འདས་ཀྱི་ཞབས་ལ་གཏུགས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་གཙོ་བོ་ཆེན་
D82.044.0035b02.01པོ་འདི་ལྟ་བུ་ལ་ནོངས་པ་ཡོངས་སུ་གླེངས་པ་གང་ལགས་པའི་ནོངས་པ་ལ་ནོངས་པར་འཆགས་ཤིང་མཆིས་ན། བཙུན་པ་བཅོམ་ལྡན་འདས་ཀྱིས་བདག་གི་ནོངས་པ་ལ་ནོངས་པར་བཤགས་པ་གང་ལགས་པ་དེ་ནོངས་པ་ལ་ནོངས་པར་ཡོངས་སུ་གཟུང་དུ་གསོལ། དེ་ནས་བཅོམ་ལྡན་
D82.044.0035b03.01འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཁྱོད་ཐེག་པ་ཆེན་པོ་ལ་ཡང་དག་པར་ཞུགས་པའི་སྐྱེས་བུ་དམ་པ་དག་ལ་ཉེས་པའི་འདུ་ཤེས་མ་སྐྱེད་ཅིག །ཀུན་དགའ་བོ་འདི་ལྟ་སྟེ། དཔེར་ན་ཉན་ཐོས་ཀྱི་ཐེག་པ་པའི་གང་ཟག་གཅིག་པུ་ཟླ་
D82.044.0035b04.01མེད་པར་ཞི་གནས་ཀྱི་གནས་པས་གནས་པར་བྱེད་པ་ནི་ཟག་པ་ཟད་པ་མངོན་སུམ་དུ་བྱ་བ་ལ་བར་ཆད་མེད་པར་འགྱུར་བ་དེ་བཞིན་དུ། ཀུན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པ་ཐམས་ཅད་མཁྱེན་པ་ཉིད་ཀྱི་སེམས་དང་ལྡན་པ་བུད་མེད་ཀྱི་འཁོར་དམ་
D82.044.0035b05.01པའི་ནང་ན་འདུག་ཅིང་དགའ་བ་དང་། རྩེ་བ་དང་། དགའ་མགུར་སྤྱོད་པར་བྱེད་པ་ཡང་ཐམས་ཅད་མཁྱེན་པ་ཉིད་ལ་བར་དུ་གཅོད་པ་མེད་པར་རིག་པར་བྱའོ། །དེ་ཅིའི་ཕྱིར་ཞེ་ན། ཀུན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པ་ནི་དཀོན་མཆོག་གསུམ་མོ། །
D82.044.0035b06.01གསུམ་གང་ཞེ་ན། སངས་རྒྱས་དཀོན་མཆོག་དང་། ཆོས་དཀོན་མཆོག་དང་། དགེ་འདུན་དཀོན་མཆོག་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་མ་བཀོད་པའི་གཡོག་འཁོར་གང་ཡིན་པ་དེ་མི་འཛིན་པའི་ཕྱིར་རོ། །ཀུན་དགའ་བོ་གང་གི་ཚེ་ཁྱོད་ཀྱིས་བྱང་ཆུབ་
D82.044.0035b07.01