完整藏文原文 · 德格版页 当前仅加载第 44 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
བས་བདག་ཉིད་ཀྱང་ཡོངས་སུ་གཏོང་བར་བྱེད་ཀྱི་ཡོ་བྱད་ལ་དགའ་བས་ནི་མ་ཡིན་ནོ། །གང་གི་ཚེ་ཀྱེ་མ་སེམས་ཅན་འདི་དག་ནི་དགེ་བའི་རྩ་བ་བྱས་པར་གྱུར་པ་དག་སྟེ། འདི་དག་གིས་ཕྱིས་ཡོངས་སུ་ཉམས་པར་བྱེད་མི་ནུས་པར་ཤེས་ན་ནི་དེའི་འོག་ཏུ་འདོད་པའི་
D82.044.0039a01.01དགའ་བ་དང་རྩེད་མོ་ཐམས་ཅད་ལ་མི་ལྟ་བར་སྤངས་ཏེ་འགྲོ་ཞིང་དེ་དེ་དང་འབྲེལ་པའི་སེམས་ལ་གནས་པར་མི་བྱེད་དོ། །རིགས་ཀྱི་བུ་འདི་ལྟ་སྟེ་དཔེར་ན་མེས་ཡོངས་སུ་གདུངས་པའི་ས་བོན་རྣམས་ནི་ཁ་དོག་ཡོངས་སུ་ཉམས་པ་མེད་པ་ལ་མྱུ་གུ་འབྱུང་བའི་སྐལ་བ་མེད་པ་དེ་བཞིན་
D82.044.0039a02.01དུ་རིགས་ཀྱི་བུ་བྱང་ཆུབ་སེམས་དཔའི་ཉོན་མོངས་པ་རྣམས་ཀྱང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། བདག་མེད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་གདུངས་ན་དེ་འདོད་པའི་དགའ་བ་ཐམས་ཅད་ལ་ཡོངས་སུ་སྤྱོད་པ་བྱེད་ཀྱང་།
D82.044.0039a03.01ལོག་པར་ལྟུང་བར་འགྲོ་བའི་ཀུན་ནས་ཉོན་མོངས་པ་ཡོངས་སུ་འཛིན་པར་མི་བྱེད་ལ། སངས་རྒྱས་ཀྱི་ཁ་དོག་ལས་ཡོངས་སུ་ཉམས་པར་ཡང་མི་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན་དུད་འགྲོའི་སྐྱེ་གནས་སུ་སོང་བའི་སྲོག་ཆགས་བུང་བ་ནི་མེ་ཏོག་ཐམས་ཅད་ལས་དྲི་
D82.044.0039a04.01སྣོམ་ཞིང་རོ་མྱོང་བར་བྱེད་ཀྱང་གང་ལ་ཡང་རྟག་པའི་འདུ་ཤེས་སྒོམ་པར་མི་བྱེད། གནས་ཀྱི་སྲེད་པ་སྐྱེད་པར་མི་བྱེད་ཅིང་དེ་དག་ལས་དྲི་དང་། འདབ་མ་དང་། སྡོང་བུ་དང་། མེ་ཏོག་འཕྲོག་པར་མི་བྱེད་པ་དེ་བཞིན་དུ་རིགས་ཀྱི་བུ་བྱང་ཆུབ་སེམས་དཔའ་ཐབས་ལ་མཁས་པ་ཡང་
D82.044.0039a05.01སེམས་ཅན་ཡོངས་སུ་སྨིན་པར་བྱ་བའི་ཕྱིར་འདོད་པའི་དགའ་བ་དང་རྩེད་མོ་ཐམས་ཅད་ལ་ཡོངས་སུ་ལོངས་སྤྱོད་པར་བྱེད་ཀྱང་དེ་དག་ལ་རྟག་པའི་འདུ་ཤེས་སྒོམ་པར་ཡང་མི་བྱེད། གནས་ཀྱི་སྲེད་པ་སྐྱེད་པར་ཡང་མི་བྱེད་ལ། བདག་ཀྱང་རྨས་པར་མི་འགྱུར། གཞན་ཡང་
D82.044.0039a06.01རྨས་པར་མི་འགྱུར་བར་བྱེད་དོ། །རིགས་ཀྱི་བུ་འདི་ལྟ་སྟེ་དཔེར་ན་ཉ་པ་ཤིན་ཏུ་ལེགས་པར་བསླབས་པ་ནི་སྲད་བུ་གཅིག་ལ་གཟན་མ་བཏགས་ཏེ་མཆིལ་པ་བྱས་ནས་མཚོ་ཆེན་པོའི་ནང་དུ་འདོར་རོ། །དེ་སྲད་བུ་ལེགས་པར་བསྲུངས་པ་གཅིག་པོ་དེས་གང་གི་ཚེ་འདོད་པ་དེའི་ཚེ་ན་མཚོ་
D82.044.0039a07.01