完整藏文原文 · 德格版页 当前仅加载第 44 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ཤུལ་དེ་ཡང་མཐོང་བར་གྱུར། དེས་མཐོ་གང་ཙམ་གྱི་ཤུལ་ཤིན་ཏུ་དོག་ཅིང་ཉམ་ང་བ་དེ་ཡང་མཐོང་བར་གྱུར། ཤུལ་དེའི་གཡས་གཡོན་ན་ཁྲུ་འབུམ་ཙམ་མཆིས་པའི་གཡང་ས་ཆེན་པོ་དེ་དག་ཀྱང་མཐོང་བར་གྱུར་ནས་དེས་གཡས་གཡོན་གྱི་གཡང་ས་དེ་
D82.044.0045a01.01དག་རྩིག་པ་དང་། སྤང་ལེབ་ཀྱིས་བཀུམ་སྟེ། རྐང་ལག་བཞིས་འཕྱེ་ཞིང་ཤུལ་དེ་ལས་འདའ་བར་བགྱིད་ལ། གཡས་གཡོན་དུ་ཡང་མི་ལྟ་བར་སླད་བཞིན་དུ་ཕྱིར་རྒོལ་བ་སྒྲ་འབྱིན་ཅིང་འཇིགས་པ་སྟོན་པ་དག་མཆི་ཡང་སླར་ཡང་མི་ལྟ་ལ། སྐྱོ་ཞིང་ཡིད་བྱུང་བ་ཡང་མ་མཆིས་
D82.044.0045a02.01པར་ཤུལ་དེར་མཆི་བར་འགྱུར་བ་དང་། ཇི་ལྟ་ཇི་ལྟར་མཆི་བར་འགྱུར་བ་དེ་ལྟ་དེ་ལྟར་གྲོང་ཁྱེར་དེ་མཐོང་བར་ཡང་འགྱུར་ལ་ཇི་ལྟ་ཇི་ལྟར་མཐོང་བ་དེ་ལྟ་དེ་ལྟར་དེའི་འཇིགས་པ་དང་འཇིགས་སུ་རུང་བ་ཐམས་ཅད་ཀྱང་མ་མཆིས་པར་འགྱུར་ཞིང་གྲོང་ཁྱེར་དེར་ཞུགས་ན་རྒ་བ་དང་། འགུམ་པ་
D82.044.0045a03.01དང་། བྲོ་ནད་མ་མཆིས་པར་འགྱུར་ལ། སེམས་ཅན་དཔག་ཏུ་མ་མཆིས་པ་རྣམས་ཀྱི་དོན་བགྱིད་ཅིང་སྐྱེ་བ་དང་། རྒ་བ་དང་། བྲོ་འཚལ་བ་དང་། འགུམ་པ་ལས་ཡང་དག་པར་བཟླ་བའི་སླད་དུ་ཆོས་སྟོན་པར་ཡང་བགྱིད་པ་ཞིག་མཆིས་ན། བཙུན་པ་བཅོམ་ལྡན་འདས་
D82.044.0045a04.01དེ་ལ་འབྲོག་དགོན་པ་ཆེན་པོ་ཞེས་བགྱི་བ་དེ་ནི་འཁོར་བའི་དགོན་པའི་ཚིག་{བླ་དགས་,བླ་དྭགས་}ལགས་སོ། །སྲིད་པའི་རྩེ་མོ་དང་མཉམ་པའི་ར་བ་ཞེས་བགྱི་བ་དེ་ནི་མ་རིག་པ་དང་སྲིད་པའི་སྲེད་པའི་ཚིག་{བླ་དགས་,བླ་དྭགས་}ལགས་སོ། །འབྲོག་དགོན་པ་ཆེན་པོ་དེར་ཡང་སྲོག་ཆགས་འབུམ་ཕྲག་
D82.044.0045a05.01དུ་མ་ཞུགས་པར་གྱུར་ལ་ཞེས་བགྱི་བ་དེ་ཅི་བྱིས་པ་སོ་སོའི་སྐྱེ་བོ་ཐམས་ཅད་ཀྱི་ཚིག་{བླ་དགས་,བླ་དྭགས་}ལགས་སོ། །འབྲོག་དགོན་པ་ཆེན་པོ་དེ་ལ་ཡང་ཆབ་སྒོ་ནི་གཅིག་ཅིག་མཆིས་པར་གྱུར་ཅིང་ཞེས་བགྱི་བ་དེ་ཇི་ལྟ་བ་དེ་བཞིན་དུ་ནི་བགྲོད་པ་གཅིག་པའི་ཤུལ་བལྟ་བར་བགྱི་ལགས་སོ། །
D82.044.0045a06.01སྐྱེས་བུ་མཁས་པའི་རང་བཞིན་ཅན་ཞེས་བགྱི་བ་ཇི་ལྟ་བ་དེ་བཞིན་དུ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བལྟ་བར་བགྱི་ལགས་སོ། །སེམས་ཅན་དམན་པ་ལ་མོས་ཤིང་ངེས་པར་འབྱུང་བའི་བསམ་པ་ཅན་གནས་དེ་ལས་ཀྱང་མི་གཡོ་ལ་གྲོང་ཁྱེར་གྱི་ཡོན་
D82.044.0045a07.01