完整藏文原文 · 德格版页 当前仅加载第 44 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིའི་ཕྱིར་བྱང་ཆུབ་སེམས་དཔས་སྐྱེ་བོ་རྣམས་གཉིད་ལོག་པར་བྱས་ཏེ་མངོན་པར་བྱུང་ཞེ་ན། སྐྱེ་བོ་རྣམས་ནི་ལྷ་རྣམས་ཀྱིས་གཉིད་ལོག་པར་བྱས་པས་ལྷ་རྣམས་ཀྱིས་ཉེས་པར་ཀུན་ཏུ་བསྟན་པའི་ཕྱིར་ཏེ། བྱང་ཆུབ་སེམས་དཔའ་ལ་ཉེ་དུ་རྣམས་དང་། སྐྱེ་བོ་རྣམས་
D82.044.0053a01.01ཐ་བ་དང་། ཞེ་སྡང་གི་སེམས་བསྐྱེད་པར་གྱུར་ན་དེ་དག་ལ་ཡུན་རིང་པོར་དོན་མེད་པ་དང་། གནོད་པ་དང་། སྡུག་བསྔལ་བ་དང་། ལོག་པར་ལྟུང་བར་འགྱུར་གྱི། དེ་དག་གི་སྐྱེ་བོ་རྣམས་ལྷ་རྣམས་ཀྱིས་གཉིད་ལོག་པར་བྱས་ཤིང་ལྷ་རྣམས་ཀྱིས་སྒོ་ཕྱེ་སྟེ། བར་སྣང་ལ་ཁྱེར་བས་དེ་ནི་
D82.044.0053a02.01བྱང་ཆུབ་སེམས་དཔས་མཉེས་སོ་ཞེས་ཤེས་པར་གྱུར་ན། དེ་དག་བྱང་ཆུབ་སེམས་དཔའ་ལ་དད་པ་རྒྱ་ཆེན་པོ་འཐོབ་པར་འགྱུར་བས་དོན་གྱི་དབང་དེ་མཐོང་བའི་ཕྱིར་སྐྱེ་བོ་རྣམས་གཉིད་ལོག་པར་བྱས་ནས་མངོན་པར་བྱུང་སྟེ། དེ་ཡང་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །
D82.044.0053a03.01ཅིའི་ཕྱིར་བྱང་ཆུབ་སེམས་དཔས་རྟ་དང་རྒྱན་རྣམས་ཤཱཀྱའི་བུ་འདུན་པ་ལ་ཕྱིར་བསྐུར་ཞེ་ན། འདི་ལྟ་སྟེ་ཆོག་ཤེས་པ་ཀུན་ཏུ་བསྟན་པར་བྱ་བའི་ཕྱིར་ཏེ། གཞན་དག་འདི་སྐད་ཅེས་བྱང་ཆུབ་སེམས་དཔའ་ནི་དངོས་པོ་ཐམས་ཅད་ལ་མི་ལྟ་བར་རབ་ཏུ་བྱུང་བས་ན་གསེར་དང་། དངུལ་དག་
D82.044.0053a04.01དོན་དུ་གཉེར་བ་མ་ཡིན་ནོ། །ཞེས་བརྗོད་པར་བྱ་བ་དང་གཞན་ཡང་བྱང་ཆུབ་སེམས་དཔའ་ཕྱི་མའི་སྐྱེ་བོ་དག་རྗེས་སུ་སློབ་ཏུ་གཞུག་པར་བྱ་བའི་ཕྱིར་ཏེ། འདི་ལྟར་གང་དག་བསྟན་པ་འདི་ལ་རབ་ཏུ་བྱུང་བར་འགྱུར་བ་དེ་དག་གིས་ནི་ངའི་རྗེས་སུ་བསླབ་ཅིང་དངོས་པོ་ཐམས་ཅད་ལ་མི་ལྟ་བར་
D82.044.0053a05.01འཕགས་པའི་རིགས་བཞི་ལ་བརྟེན་ནས་རབ་ཏུ་འབྱུང་བར་བྱ་སྟེ། རབ་ཏུ་འབྱུང་བས་ནི་དང་པོ་ཁོ་ན་ནས་འཚོ་བ་ལ་ལྟོས་ཤིང་རབ་ཏུ་འབྱུང་བར་མི་བྱའོ། །ཞེས་བསྟན་པར་བྱ་བའི་ཕྱིར་ཏེ། དེ་ཡང་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །ཅིའི་ཕྱིར་བྱང་ཆུབ་སེམས་དཔའ་
D82.044.0053a06.01བདག་ཉིད་ཀྱིས་རལ་གྲིས་སྐྲ་བྲེགས་ཏེ། རབ་ཏུ་བྱུང་ཞེ་ན་རིགས་ཀྱི་བུ་འདི་ལྟར་གང་གིས་བྱང་ཆུབ་སེམས་དཔའི་དཔལ་དང་གཟི་བརྗིད་ཟིལ་གྱིས་མནན་ཏེ། སྐྲ་འདྲེག་པར་བཟོད་པའི་ལྷའམ། ཀླུའམ། གནོད་སྦྱིན་ནམ། དྲི་ཟའམ། མིའམ། མི་མ་ཡིན་པ་ནི་སྟོང་གསུམ་གྱི་སྟོང་
D82.044.0053a07.01