完整藏文原文 · 德格版页 当前仅加载第 44 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་འདི་སྙམ་དུ་དགོངས་ཏེ། ལྷ་དང་མིར་བཅས་པའི་འཇིག་རྟེན་ནི་ཕལ་ཆེར་ཚངས་པ་ལ་བརྟེན་ཅིང་། ཚངས་པ་གཙོ་བོར་འཛིན་པ་ཡིན་པས་དེ་དག་འདི་སྙམ་དུ་བདག་ཅག་ནི་ཚངས་པས་སྤྲུལ་ཏོ། །བདག་ཅག་ནི་ཚངས་པ་ལས་སྐྱེས་ཏེ། ཚངས་པ་མ་གཏོགས་པར་འཇིག་
D82.044.0058b01.01རྟེན་གྱི་བྱེད་པ་པོ་གཞན་ཡང་མེད་ལ། སྟོན་པ་ཡང་གཞན་མེད་དོ་སྙམ་དུ་སེམས་པས་དེས་ན། དེ་བཞིན་གཤེགས་པ་འདི་སྙམ་དུ་དགོངས་ཏེ། བདག་གིས་ཚངས་པ་འོང་བར་བྱས་ཤིང་ཚངས་པ་ལ་བསྡད་དེ། ཚངས་པས་ཕྱག་བྱས་ན་ཚངས་པ་ལ་བརྟེན་པ་ལྷ་དང་བཅས་པའི་
D82.044.0058b02.01འཇིག་རྟེན་ཡང་དེ་བཞིན་གཤེགས་པ་ལ་ཕྱག་འཚལ་བར་འགྱུར་ལ། ཚངས་པས་གསོལ་བ་བཏབ་ན་དེ་བཞིན་གཤེགས་པ་ཆོས་སྟོན་པར་མཛད་ཀྱི། མ་གསོལ་བར་བསྟན་ན་དེ་དག་ངའི་ཆོས་ཀྱང་འཛིན་དུ་མ་ངེས་སོ་སྙམ་དུ་དགོངས་པའི་ཕྱིར་ཏེ། ཚངས་པ་ཡང་དེ་བཞིན་
D82.044.0058b03.01གཤེགས་པ་ཉིད་ཀྱི་མཐུས་འདི་ལྟ་སྟེ། ཆོས་ཀྱི་འཁོར་ལོ་བསྐོར་བར་གསོལ་བ་གདབ་པའི་ཕྱིར་འོངས་པར་ཟད་ཀྱི། ཚངས་པ་ཉིད་ལ་ནི་བདག་གིས་དེ་བཞིན་གཤེགས་པ་ལ་གསོལ་བ་གདབ་པར་བྱའོ། །ཞེས་ཡིད་ལ་བྱེད་པའི་སེམས་གཅིག་ཙམ་ཡང་མེད་དོ། །དེ་ལྟར་ན་ཚངས་
D82.044.0058b04.01པ་ལ་རྟེན་པའི་སེམས་ཅན་རྣམས་ཀྱི་ཚངས་པ་ལ་ངེས་པ་སྤང་བའི་ཕྱིར། དེ་བཞིན་གཤེགས་པས་ཚངས་པ་འོང་བར་མཛད་ཅིང་ཚངས་པ་ལ་གཞེས་ཏེ། གང་གི་ཚེ་ཚངས་པས་ཆོས་ཀྱི་འཁོར་ལོ་བསྐོར་བར་བསྐུལ་བའི་ཕྱིར། དེ་བཞིན་གཤེགས་པ་ལ་གསོལ་བ་བཏབ་པ་དེའི་ཚེ་
D82.044.0058b05.01ན་ཚངས་པ་དྲུག་ཁྲི་བརྒྱད་སྟོང་གིས་སངས་རྒྱས་བཅོམ་ལྡན་འདས་འདི་ནི་སེམས་ཅན་ཐམས་ཅད་ཀྱི་མཆོག་ཡིན་ནོ། །འདི་ནི་གཙོ་བོ་ཡིན་ནོ། །འདི་ནི་རབ་མཆོག་ཡིན་ཏེ། བདག་ཅག་ཀྱང་ཡེ་ཤེས་འདི་ལྟ་བུ་དང་། ཡོན་ཏན་འདི་ལྟ་བུ་དང་ལྡན་པར་གྱུར་ཅིག་ཅེས་བླ་ན་མེད་པ་ཡང་
D82.044.0058b06.01དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏེ། དེ་ཡང་དེ་བཞིན་གཤེགས་པའི་ཐབས་ལ་མཁས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་ཡེ་ཤེས་དམ་པ་ལ་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པས་སེམས་ཅན་རྣམས་ལ་
D82.044.0058b07.01