完整藏文原文 · 德格版页 当前仅加载第 44 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
གཡས་པ་བཟུང་སྟེ་སེང་ལྡེང་གི་ཚལ་པ་རྩེ་མོ་ཡ་གཅིག་ས་ལ་ཟུག་ལ་རྩེ་མོ་ཡ་གཅིག་ས་ལས་གྱེན་དུ་ལྟ་བ་དེའི་སྟེང་དུ་ཞབས་བཞག་གོ །བཅོམ་ལྡན་འདས་ཀྱིས་སེང་ལྡེང་གི་ཚལ་པའི་སྟེང་དུ་ཞབས་བཞག་མ་ཐག་ཏུ་དེ་ནས་དེའི་མོད་ལ་སྟོང་གསུམ་གྱི་སྟོང་ཆེན་པོའི་འཇིག་
D82.044.0062b01.01རྟེན་གྱི་ཁམས་འདི་རབ་ཏུ་གཡོས་པར་གྱུར་ཏོ། །དེ་ནས་ང་ལ་གནས་བརྟན་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བཅོམ་ལྡན་འདས་ཀྱིས་སྔོན་ཕྲིན་ལས་ཀྱི་སྒྲིབ་པ་ཅི་ཞིག་མཛད་ལགས་ན། དེའི་རྣམ་པར་སྨིན་པ་འདི་ལྟ་བུར་
D82.044.0062b02.01གྱུར་ལགས། ངས་དེ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ང་སྔོན་རྒྱ་མཚོ་ཆེན་པོའི་ནང་དུ་སོང་བ་ན་ཚོང་པ་གཡོན་ཅན་ཞིག་མདུང་ཐུང་གིས་བཏབ་སྟེ་སྲོག་དང་ཕྲལ་བར་གྱུར་པས་འདི་ནི་ལས་དེའི་ལྷག་མ་ཡིན་ནོ། །རིགས་ཀྱི་བུ་དེ་ནས་མི་ཉི་ཤུ་པོ་དེ་དག་གསོད་
D82.044.0062b03.01པར་འདོད་པའི་མི་མཛའ་བཤེས་ལྟར་བཅོས་པ་ཉི་ཤུ་པོ་གང་དག་ཡིན་པ་དེ་དག་འདི་སྙམ་དུ་སེམས་ཏེ། དེ་བཞིན་གཤེགས་པ་ཆོས་ཀྱི་བདག་པོ་ལ་ཡང་ལས་རྣམ་པར་སྨིན་པར་འགྱུར་ན། བདག་ཅག་ལྟ་ལ་ཅིའི་ཕྱིར་རྣམ་པར་སྨིན་པར་མི་འགྱུར་སྙམ་ནས་དེ་དག་གིས་དེའི་
D82.044.0062b04.01མོད་ལ་དེ་བཞིན་གཤེགས་པའི་སྤྱན་སྔར་བཙུན་པ་བཅོམ་ལྡན་འདས་བདག་ཅག་ཀྱང་སྲོག་ཆགས་འགུམས་པ་དང་། རྗེས་སུ་འགུམས་པར་འཚལ་བ་ལགས་ཏེ། བདག་ཅག་བཅོམ་ལྡན་འདས་ཀྱི་སྤྱན་སྔར་ནོངས་པ་དེ་དག་ནོངས་པར་འཆགས་ཤིང་མཆིས་ན། བཙུན་
D82.044.0062b05.01པ་བཅོམ་ལྡན་འདས་ཀྱིས་བདག་ཅག་གིས་ནོངས་པ་ལ་ནོངས་པར་བཤགས་པ་དེ་དག་རྗེས་སུ་གཟུང་དུ་གསོལ། ཞེས་ཉེས་པ་ལ་ཉེས་པར་བཤགས་སོ། །དེ་བཞིན་གཤེགས་པས་དེ་དག་ལ་ལས་ཀྱི་བྱ་བ་དང་། ལས་ཟད་པར་འགྱུར་བ་ལས་བརྩམས་ཏེ་དེ་ལྟ་དེ་ལྟར་
D82.044.0062b06.01ཆོས་བསྟན་པས་མི་བཞི་བཅུ་པོ་གང་དག་ཡིན་པ་དེ་དག་གིས་ནི་ཡེ་ཤེས་མངོན་པར་རྟོགས་པར་གྱུར་ཏོ། །སྲོག་ཆགས་གཞན་བཞི་ཁྲིས་ནི་ཆོས་མངོན་པར་རྟོགས་པར་གྱུར་ཏོ། །གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་
D82.044.0062b07.01