完整藏文原文 · 德格版页 当前仅加载第 44 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་དེ་ལྟ་བུའི་རྫུ་འཕྲུལ་གྱི་སྟོབས་ཀྱི་བརྩོན་འགྲུས་ཆེན་པོ་དང་། སྐྱེས་བུ་དམ་པའི་རྩལ་གདོན་མི་ཟ་བར་ཀུན་ཏུ་བསྟན་པར་བྱ་དགོས་པ་དང་། གོམ་པ་བདུན་བོར་བས་སེམས་ཅན་གང་དག་གི་དོན་བྱ་དགོས་པ་དེ་དག་གི་དོན་གོམ་པ་དྲུག་གིས་ཀྱང་མི་ཆོག་ལ་བརྒྱད་ནི་ལྷག་པར་འགྱུར་བས་ན་དེའི་
D82.044.0049b01.01ཕྱིར་བྱང་ཆུབ་སེམས་དཔའ་བཙས་མ་ཐག་ཏུ་ཡོངས་སུ་མ་བཟུང་བར་གོམ་པ་བདུན་འདོར་བར་བྱེད་ལ་དྲུག་ཀྱང་མ་ཡིན། བརྒྱད་ཀྱང་མ་ཡིན་ཏེ། དེ་ཡང་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །ཅིའི་ཕྱིར་བྱང་ཆུབ་སེམས་དཔའ་གོམ་པ་བདུན་འདོར་བ་ན་ཚིག་འདི་སྐད་ཅེས་ང་ནི་
D82.044.0049b02.01འཇིག་རྟེན་ན་ཐུ་བོ་ཡིན་ནོ། །ང་ནི་འཇིག་རྟེན་ན་གཙོ་བོ་ཡིན་ཏེ། སྐྱེ་བ་དང་། རྒ་བ་དང་། ན་བ་དང་། འཆི་བ་མཐར་དབྱུང་བར་བྱའོ་ཞེས་རྗོད་པར་བྱེད་ཅེ་ན། རིགས་ཀྱི་བུ་འཁོར་དེ་ན་བརྒྱ་བྱིན་དང་། ཚངས་པ་དང་། ལྷའི་བུ་དབང་ཆེ་བར་གྲགས་པ་དབང་ཆེ་བར་གྲགས་པ་དག་འདུས་པར་གྱུར་ཏེ་འཁོད་ལ་
D82.044.0049b03.01ང་རྒྱལ་གྱིས་ཁེངས་པ་དེ་དག་འདི་སྙམ་དུ་བདག་ཅག་ནི་ཆེས་བླ་མ་ཡིན་གྱི། བྱང་ཆུབ་སེམས་དཔའ་འདི་ནི་དེ་ལྟ་མ་ཡིན་ནོ། །སྙམ་དུ་སེམས་ཤིང་འདུད་པར་མི་བྱེད། རབ་ཏུ་འདུད་པར་མི་བྱེད། ཕྱག་འཚལ་བར་མི་བྱེད། རབ་ཏུ་ཕྱག་འཚལ་བར་མི་བྱེད་པས་ན་དེས་ན་བྱང་ཆུབ་སེམས་དཔའ་འདི་སྙམ་དུ་
D82.044.0049b04.01སེམས་ཏེ། བརྒྱ་བྱིན་དང་། ཚངས་པ་དང་། ལྷའི་བུ་འདི་དག་ཡུན་རིང་པོར་དོན་མེད་པ་དང་། གནོད་པ་དང་། སྡུག་བསྔལ་བ་དང་། ལོག་པར་ལྟུང་བར་འགྱུར་རོ། །སྙམ་ནས། དེའི་ཕྱིར་བྱང་ཆུབ་སེམས་དཔས་ཚིག་འདི་སྐད་ཅེས་ང་ནི་འཇིག་རྟེན་ན་ཐུ་བོ་ཡིན་ནོ། །ང་ནི་འཇིག་རྟེན་ན་གཙོ་བོ་ཡིན་
D82.044.0049b05.01ཏེ། སྐྱེ་བ་དང་། རྒ་བ་དང་། ན་བ་དང་། འཆི་བ་མཐར་དབྱུང་བར་བྱའོ་ཞེས་སྨྲས་ཏེ། ཚིག་གི་སྒྲ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གོ་བར་གྱུར་ནས་ལྷའི་བུ་གང་དག་དེར་མ་ལྷགས་པ་དེ་དག་ཀྱང་སྒྲ་དེ་ཐོས་ནས་ལྷགས་པར་གྱུར་ཅིང་། དེ་ནས་ལྷའི་བུ་དེ་དག་དང་། བརྒྱ་བྱིན་
D82.044.0049b06.01དང་། ཚངས་པ་དག་ཡིད་བྱུང་བ་སྐྱེས་ཤིང་ངོ་མཚར་དུ་འཛིན་པར་གྱུར་ནས་གུས་པ་དང་བཅས་པས་ཐལ་མོ་པུག་པུག་པོར་སྦྱར་ཏེ། བྱང་ཆུབ་སེམས་དཔའ་ལ་མངོན་པར་འདུད་ཅིང་ཕྱག་འཚལ་བར་བྱེད་དེ། གང་གི་ཕྱིར་བྱང་ཆུབ་སེམས་དཔའ་ཚིག་འདི་སྐད་ཅེས་ང་ནི་འཇིག་རྟེན་ན་གཙོ་བོ་ཡིན་
D82.044.0049b07.01