完整藏文原文 · 德格版页 当前仅加载第 44 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་བྱང་ཆུབ་སེམས་དཔའ་དང་པོ་ཉིད་ནས་གང་ལ་ལེགས་པར་བསླབས་པར་མ་བྱས་པའི་བཟོ་འམ། གསང་སྔགས་སམ། རིག་སྔགས་སམ། བསྟན་བཅོས་སམ། བྲོ་གར་རམ་གླུ་འམ། རོལ་མོའི་སྒྲ་འམ། བཞད་གད་དམ། འཇོ་སྒེག་གམ། དགའ་བ་འམ། རྩེད་མོ་ཀུན་དུ་བསྟན་པར་བྱ་བ་ནི་སྟོང་གསུམ་གྱི་
D82.044.0051a01.01སྟོང་ཆེན་པོའི་འཇིག་རྟེན་གྱི་ཁམས་ན་འགའ་ཡང་མེད་མོད་ཀྱི། འོན་ཀྱང་བྱང་ཆུབ་སེམས་དཔའ་ལ་ནི་བཙས་མ་ཐག་ཁོ་ནར་འཇིག་རྟེན་དང་འཇིག་རྟེན་ལས་འདས་པའི་བཟོ་དང་། ལས་ཀྱི་གནས་ཐམས་ཅད་མངོན་དུ་འགྱུར་རོ། །དེ་ཅིའི་ཕྱིར་ཞེ་ན། སྔོན་ཤིན་དུ་ལེགས་པར་བསླབས་པ་དང་། དགེ་བའི་རྩ་བ་ཡོངས་
D82.044.0051a02.01སུ་སྨིན་པའི་དབང་གི་སྟོབས་བསྐྱེད་པའི་ཕྱིར་ཏེ། དེ་ཡང་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །ཅིའི་ཕྱིར་བྱང་ཆུབ་སེམས་དཔའ་སྲིད་པ་ཐ་མ་པ་བཙུན་མོ་དང་། སླས་དང་། གཡོག་འཁོར་ལེན་པར་བྱེད་ཅེ་ན། རིགས་ཀྱི་བུ་བྱང་ཆུབ་སེམས་དཔའ་ནི་འདོད་པ་དོན་དུ་གཉེར་བ་མ་ཡིན་ནོ། །དེ་ཅིའི་
D82.044.0051a03.01ཕྱིར་ཞེ་ན། དེའི་གནས་སྐབས་ན་སྐྱེས་བུ་དམ་པ་ནི་འདོད་ཆགས་དང་བྲལ་བའི་ཕྱིར་ཏེ། འོན་ཀྱང་བྱང་ཆུབ་སེམས་དཔའ་སྲིད་པ་ཐམ་པས་ནི་བཙུན་མོ་དང་། སླས་དང་བུའི་འཁོར་གདོན་མི་ཟ་བར་བསྟན་པར་བྱ་དགོས་ཏེ་སེམས་ཅན་གང་དག་འདི་སྙམ་དུ་བྱང་ཆུབ་སེམས་དཔའ་ནི་སྐྱེས་བུ་དམ་པ་མ་ཡིན་གྱི་ཟ་མའི་
D82.044.0051a04.01རིགས་ཤིག་ཡིན་ནོ་སྙམ་དུ་སེམས་པར་གྱུར་ན། དེ་དག་ཡུན་རིང་པོར་དོན་མེད་པ་དང་། གནོད་པ་དང་། སྡུག་བསྔལ་བ་དང་། ལོག་པར་ལྟུང་བར་འགྱུར་བས་སེམས་ཅན་དེ་དག་གི་ཐེ་ཚོམ་གཅད་པ་དང་། འདི་ལྟ་སྟེ་སྲས་སྒྲ་གཅན་ཟིན་ཀུན་ཏུ་བསྟན་པར་བྱ་བའི་ཕྱིར་བྱང་ཆུབ་སེམས་དཔས་ཤཱཀྱའི་བུ་མོ་
D82.044.0051a05.01ས་འཚོ་མ་བླངས་སོ། །གང་དག་འདི་སྙམ་དུ་སྲས་སྒྲ་གཅན་ཟིན་ནི་ཡབ་དང་ཡུམ་གྱི་མེར་མེར་པོ་ལས་སྐྱེས་པ་ཡིན་ནོ་སྙམ་དུ་སེམས་ན་དེ་ལྟར་མི་ལྟའོ། །དེ་ཅིའི་ཕྱིར་ཞེ་ན། སྒྲ་གཅན་ཟིན་འདི་ནི་སྔོན་འདི་སྐད་དུ་བདག་སྲིད་པ་ཐམ་པའི་བུར་གྱུར་ཅིག་ཅེས་སྨོན་ལམ་བཏབ་པས་ན་སྒྲ་གཅན་ཟིན་ནི་ལྷ་
D82.044.0051a06.01ཡུལ་ནས་ཤི་འཕོས་ནས་འདིར་རྫུས་ཏེ་སྐྱེས་པ་ཡིན་གྱི། ཕ་དང་མའི་མེར་མེར་པོ་ལས་སྐྱེས་པ་ནི་མ་ཡིན་པའི་ཕྱིར་རོ། །ཤཱཀྱའི་བུ་མོ་ས་འཚོ་མ་ཡང་སྔོན་གྱི་སྨོན་ལམ་གྱི་དབང་གིས་བླངས་པ་ཡིན་ཏེ། དེས་དེ་བཞིན་གཤེགས་པ་མར་མེ་མཛད་ཀྱི་སྤྱན་སྔར་བྲམ་ཟེའི་ཁྱེའུ་ཁྱོད་སྲིད་པ་ཐ་མ་པར་
D82.044.0051a07.01