完整藏文原文 · 德格版页 当前仅加载第 44 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་གསུངས་པ་དེའི་ཚེ་ན་ལྷའི་བུ་ཆད་པར་སྨྲ་བ་སུམ་སྟོང་འདུས་པར་གྱུར་པ་དང་། སེམས་ཅན་སྲོག་གཅོད་པ་རབ་ཏུ་མང་པོ་དག་ཀྱང་འདུས་པར་གྱུར་པས། དེ་ན་སེམས་ཅན་ཆད་པར་སྨྲ་བ་དེ་དག་དང་། སེམས་ཅན་སྲོག་གཅོད་པ་དེ་དག་ལས་ཀྱི་བྱ་
D82.044.0068b01.01བ་ལ་གཟུད་པའི་ཕྱིར། དེ་བཞིན་གཤེགས་པས་སྲོག་གཅོད་པའི་དབང་གིས་དེ་བཞིན་གཤེགས་པའི་དབུ་སྙུང་ཞིང་མི་བདེའོ། །ཞེས་ལས་ཀྱི་རྒྱུད་དེ་ཀུན་ཏུ་བསྟན་ཏོ། །དེ་ན་དེ་བཞིན་གཤེགས་པས་གསུང་གི་ཕྲིན་ལས་བརྗོད་པ་དེ་བསྟན་པ་ན། ལྷ་
D82.044.0068b02.01དང་། མི་རྣམས་ཀྱི་སྐྱེ་དགུ་ལས་སྲོག་ཆགས་ཁྲི་བཏུལ་བར་གྱུར་ཏེ། དེ་ཡང་དེ་བཞིན་གཤེགས་པའི་ཐབས་ལ་མཁས་པ་ཡིན་ནོ། །ཅིའི་ཕྱིར་དེ་བཞིན་གཤེགས་པ་བྲམ་ཟེ་བྷ་ར་དྭ་ཛས་སྤྱོ་བ་རྣམ་པ་བརྒྱས་སྤྱོས་པ་ན། དེ་བཞིན་གཤེགས་པ་སྤྱོས་
D82.044.0068b03.01པ་དེ་དག་དང་དུ་ལེན་པར་མཛད་ཅེ་ན། རིགས་ཀྱི་བུ་དེ་བཞིན་གཤེགས་པས་ནི་བྲམ་ཟེ་བྷ་ར་དྭ་ཛ་སྤྱོ་བར་བྱེད་པ་ལ་ཕྱིར་སྤྱོ་བའམ། ཡང་ན་དེ་ཕྱོགས་གཞན་དུ་འཕང་བ་འམ། ཡང་ན་དེ་དེ་བཞིན་གཤེགས་པ་ལ་ཚིག་གཅིག་ཙམ་གྱིས་སྤྱོ་བར་ཡང་མི་
D82.044.0068b04.01སྤོབས་པ་དེ་ལྟར་བྱིན་གྱི་རླབས་ཀྱིས་བྱིན་གྱིས་བརླབ་པར་ཡང་སྤྱོད་མོད་ཀྱི། འོན་ཀྱང་འཁོར་དེར་ལྷ་དང་། མི་མང་པོ་འདུས་པར་གྱུར་པ་དེ་དག་གིས་དེ་བཞིན་གཤེགས་པའི་མ་ཞུམ་པ་དང་། མ་ཁེངས་པ་དང་། ཐུགས་མཉམ་པ་དང་། ཕན་པའི་
D82.044.0068b05.01དངོས་པོ་དང་། མཉེན་པ་དང་། ངེས་པ་དང་། སྔོན་ཇི་ལྟ་བར་ཕྱིས་ཀྱང་དེ་བཞིན་བས། བཟོད་པའི་སྟོབས་བསྐྱེད་པ་མཐོང་ནས་སྲོག་ཆགས་བཞི་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏེ། དེ་
D82.044.0068b06.01བཞིན་གཤེགས་པས་དོན་གྱི་དབང་དེ་གཟིགས་པས་ན། བྲམ་ཟེ་བྷ་ར་དྭ་ཛས་སྤྱོས་པ་བཏང་སྙོམས་སུ་བཞག་གོ །དེས་ཀྱང་སྤྱོ་བར་བྱེད་པ་བྲམ་ཟེ་བྷ་ར་དྭ་ཛ་དེ་བཞིན་གཤེགས་པ་ལ་སེམས་དད་པར་གྱུར་ནས། སངས་རྒྱས་ལ་སྐྱབས་སུ་སོང་ཞིང་
D82.044.0068b07.01