完整藏文原文 · 德格版页 当前仅加载第 44 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་འདུ་བར་འགྱུར། གནོད་སྦྱིན་གྱི་འཁོར་དང་། སྲིན་པོའི་འཁོར་དང་། དྲི་ཟའི་འཁོར་དང་། ལྷ་མ་ཡིན་གྱི་འཁོར་ཀྱང་འདུ་བར་འགྱུར་ཞིང་འཁོར་མང་པོ་འདུས་པ་དག་གིས་བྱང་ཆུབ་སེམས་དཔའི་སེང་གེའི་རྣམ་པར་རྩེ་བ་མཐོང་ན། བླ་ན་མེད་པ་ཡང་དག་པར་རྫོགས་པའི་བྱང་
D82.044.0057b01.01ཆུབ་ཏུ་སེམས་བསྐྱེད་ཅིང་སྨོན་ལམ་འདེབས་པར་ཡང་འགྱུར་ལ་གཞན་གང་དག་གིས་མཐོང་བ་དེ་དག་ལ་ཡང་ཡོངས་སུ་མྱ་ངན་ལས་འདའ་བའི་བར་གྱི་རྒྱུར་འགྱུར་རོ་སྙམ་སྟེ། རིགས་ཀྱི་བུ་དེ་ནས་བྱང་ཆུབ་སེམས་དཔའ་བྱང་ཆུབ་ཀྱི་ཤིང་དྲུང་ན་འདུག་པས་མཛོད་སྤུ་ནས་འོད་རབ་ཏུ་བཀྱེའོ། །
D82.044.0057b02.01འོད་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྣང་བར་བྱས་ཤིང་ཉི་མ་དང་ཟླ་བ་དག་གི་འོད་ཀྱང་ཡོངས་སུ་གཏུགས་ཏེ་བདུད་ཀྱི་གནས་ཐམས་ཅད་སྤ་བཀོང་ནས་འོད་དེ་ལས་སྒྲ་འདི་ལྟ་བུ་བྱུང་ངོ་། །ཤཱཀྱའི་སྲས་པོ་དེ་ཤཱཀྱའི་ཁབ་ནས་མངོན་པར་བྱུང་སྟེ། དེ་ནི་ང་བྱང་
D82.044.0057b03.01ཆུབ་མངོན་པར་རྫོགས་པར་འཚང་རྒྱ་བར་འགྱུར་བས་བདུད་ཀྱི་ཡུལ་ལས་ཡང་དག་པར་འདའ་ཞིང་སེམས་ཅན་བརྒྱ་སྟོང་དཔག་ཏུ་མེད་པ་གཞན་དག་ཀྱང་བདུད་ཀྱི་ཡུལ་ལས་ཡང་དག་པར་འདའ་བར་བྱེད་པར་འགྱུར་བས་བདུད་ཀྱི་ཕྱོགས་ཉུང་བ་དང་། བདུད་ཀྱི་འཁོར་ཉུང་བར་འགྱུར་གྱིས།
D82.044.0057b04.01ཁྱོད་སོང་ལ་དེ་དང་གཡུལ་སྤྲོད་ཅིག །རིགས་ཀྱི་བུ་དེ་ནས་འོད་དེས་བདུད་སྡིག་ཅན་ལ་ཡང་དག་པར་བསྐུལ་བ་ན་དེ་མྱ་ངན་གྱི་ཟུག་རྔུ་ཆེན་པོས་གཟིར་བར་གྱུར་ཏེ། ཁྲོ་ཞིང་རྔམ་བཞིན་དུ་དེའི་མོད་ལ་དཔུང་གི་ཚོགས་ཡན་ལག་བཞི་པ་བཤམས་ཞིང་བསྡུས་ནས། བྱང་ཆུབ་ཀྱི་ཤིང་དྲུང་
D82.044.0057b05.01ག་ལ་བ་དེར་སོང་སྟེ། བྱང་ཆུབ་སེམས་དཔའ་ལ་བགེགས་བྱ་བའི་ཕྱིར་དཔག་ཚད་སུམ་ཅུ་རྩ་གཉིས་ཀྱི་ཁོར་ཡུག་ཏུ་བདུད་ཀྱི་དམག་གིས་གང་བར་བྱས་སོ། །དེ་ནས་བྱང་ཆུབ་སེམས་དཔའ་ཤེས་རབ་ཆེན་པོ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་ལ་གནས་ནས་ཤེས་རབ་རིན་
D82.044.0057b06.01པོ་ཆེ་ལས་ངེས་པར་བྱུང་བའི་ཕྱག་གསེར་གྱི་ཁ་དོག་ལྟ་བུས་ས་གཞི་ཆེན་པོ་ལ་བརྡབས་ཏེ་བྱམས་པའི་སྟོབས་ཀྱིས་བདུད་ཀྱི་སྡེ་ཐམས་ཅད་ཕམ་པར་མཛད་དོ། །བདུད་ཀྱི་སྡེ་ཕམ་པར་མཛད་མ་ཐག་ཏུ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མིའམ་ཅི་དང་། ལྟོ་
D82.044.0057b07.01