完整藏文原文 · 德格版页 当前仅加载第 44 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཡང་འགྱུར་ཏེ། རིགས་ཀྱི་བུ་དེ་ལྟར་ན་ལྷའི་བུ་དེ་དག་གདུལ་བའི་དབང་གི་ཕྱིར་དང་། སེམས་ཅན་ནད་པ་རྣམས་ཆོས་ལ་གུས་པ་ཀུན་ཏུ་བསྟན་པར་བྱ་བའི་ཕྱིར། དེ་བཞིན་གཤེགས་པས་ཚིག་འདི་སྐད་ཅེས། འོད་སྲུང་ང་ནི་རོ་
D82.044.0068a01.01རྒྱབ་ནས་ཁྱོད་ཀྱིས་བྱང་ཆུབ་ཀྱི་ཡན་ལག་དག་ཤོད་ཅེས་གསུངས་པར་ཟད་ཀྱི། དེ་བཞིན་གཤེགས་པའི་སྐུ་ལ་སྙུན་མངའ་བ་ནི་མ་ཡིན་ནོ། །དེ་ཅིའི་ཕྱིར་ཞེ་ན། རིགས་ཀྱི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་
D82.044.0068a02.01ཆོས་ཀྱི་སྐུ་ཡིན་ཏེ། དེ་དག་ལས་འབྱུང་བའི་ལུས་རགས་པ་ཡོངས་སུ་གྲུབ་པ་མེད་པའི་ཕྱིར་ཏེ། དེ་ཡང་དེ་བཞིན་གཤེགས་པའི་ཐབས་ལ་མཁས་པ་ཡིན་ནོ། །ཅིའི་ཕྱིར་དེ་བཞིན་གཤེགས་པས་ཤཱཀྱ་རྣམས་རབ་ཏུ་རྣམ་པར་འཇིག་པར་གྱུར་པ་ན་ཚིག་འདི་
D82.044.0068a03.01སྐད་ཅེས། ཀུན་དགའ་བོ་ང་ཀླད་པ་ན་ཞིང་མི་བདེའོ། །ཞེས་གསུངས་ཞེ་ན། རིགས་ཀྱི་བུ་དེ་ནི་སེམས་ཅན་གང་ལ་ལ་དག་དེ་བཞིན་གཤེགས་པས་ཉེ་དུ་རྣམས་ཀྱི་སྲིད་པའི་རྩེ་མོའི་བར་གྱི་སྡུག་བསྔལ་གྱི་ཕུང་པོའི་མཐར་མཛད་པ་མི་ཤེས་པའི་སེམས་ཅན་
D82.044.0068a04.01དེ་དག་འདི་སྙམ་དུ་གང་གི་ཕྱིར། དེ་བཞིན་གཤེགས་པ་འཇིག་རྟེན་ལ་ཕན་པའི་ཕྱིར་རབ་ཏུ་བྱུང་ནས། རྒྱལ་པོའི་གདུང་རྒྱུད་ཐམས་ཅད་ཆུད་ཟོས་ཀྱང་དེས་ཉེ་དུ་རྣམས་ཡོངས་སུ་མ་བསྐྱབས་པ་ལས་ན། དེ་བཞིན་གཤེགས་པ་ནི་ཉེ་དུ་རྣམས་ལ་ཕན་པར་བཞེད་
D82.044.0068a05.01པ་ཡང་མ་ཡིན། དོན་དུ་བཞེད་པ་ཡང་མ་ཡིན། བདེ་བར་བཞེད་པ་ཡང་མ་ཡིན། གྲུབ་པ་དང་། བདེ་བར་བཞེད་པ་ཡང་མ་ཡིན་ནོ། །སྙམ་དུ་སེམས་པར་མི་འགྱུར་བར་སེམས་ཅན་དེ་དག་གི་སེམས་གཟུང་བའི་ཕྱིར་དེ་བཞིན་གཤེགས་པས་
D82.044.0068a06.01གནས་བརྟན་ཀུན་དགའ་བོ་ལ་ཚིག་འདི་སྐད་ཅེས། ཀུན་དགའ་བོ་ང་ཀླད་པ་ན་ཞིང་མི་བདེའོ་ཞེས་གསུངས་སོ། །རིགས་ཀྱི་བུ་གང་གི་ཚེ་དེ་བཞིན་གཤེགས་པས་གནས་བརྟན་ཀུན་དགའ་བོ་ལ་ཚིག་འདི་སྐད་ཅེས། ཀུན་དགའ་བོ་ང་ཀླད་པ་ན་ཞིང་མི་བདེའོ། །
D82.044.0068a07.01