完整藏文原文 · 德格版页 当前仅加载第 44 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་འཛམ་བུའི་གྲིབ་མ་ལ་བསམ་གཏན་བྱེད་ཅེ་ན། བྱང་ཆུབ་སེམས་དཔའ་དེ་ན་གནས་པས་ལྷ་བྱེ་བ་ཕྲག་བདུན་ཅུ་གདུལ་བ་དང་ཡབ་དང་ཡུམ་དག་ཡང་དག་པར་བསྟན་པར་བྱ་བ་དང་། བྱང་ཆུབ་སེམས་དཔའ་བདག་རབ་ཏུ་འབྱུང་བའི་ཕྱིར་མངོན་པར་འབྱུང་བ་དང་། ཤེས་རབ་ཆེ་
D82.044.0052b01.01བ་ཉིད་གདོན་མི་ཟ་བར་ཀུན་ཏུ་བསྟན་པར་བྱ་དགོས་པ་དང་། ཤིང་འཛམ་བུའི་གྲིབ་མས་མ་བཏང་བ་ཉིད་ཀྱང་ཀུན་ཏུ་བསྟན་པར་བྱ་བའི་ཕྱིར་ཏེ། གང་གི་ཕྱིར་བྱང་ཆུབ་སེམས་དཔའ་ཤིང་འཛམ་བུའི་གྲིབ་མ་ལ་བསམ་གཏན་བྱེད་པའི་རྒྱུ་ནི་དེ་ཡིན། རྐྱེན་ནི་དེ་ཡིན་ཏེ། དེ་ཡང་བྱང་ཆུབ་
D82.044.0052b02.01སེམས་དཔའི་ཐབས་ལ་མཁས་པ་ཡིན་ནོ། །བྱང་ཆུབ་སེམས་དཔའ་དགའ་བ་དང་། རྩེད་མོ་ཐམས་ཅད་དོན་དུ་མི་གཉེར་བ་ཅིའི་ཕྱིར་སྐྱེད་མོས་ཚལ་གྱི་སར་བྱུང་ཞེ་ན། རྒན་པོ་དང་། ནད་པ་དང་། ཤི་བ་ཀུན་ཏུ་བསྟན་པར་བྱ་བ་དང་། ཉེ་དུ་རྣམས་ཀྱིས་འདི་ལྟར་བྱང་ཆུབ་སེམས་
D82.044.0052b03.01དཔའ་ནི་ཉེ་དུ་རྣམས་མི་འདོད་པ་མ་ཡིན་གྱི། རྒ་བ་དང་། ན་བ་དང་། འཆི་བས་འཇིགས་ཤིང་སྐྲག་པ་དང་། ཁྱིམ་ན་གནས་པ་ནི་ཉེས་པ་མང་པོའི་སྐྱོན་ཆགས་པས་གནས་མ་ཡིན་པར་རིག་ནས་མངོན་པར་བྱུང་བ་ཡིན་ནོ་ཞེས་ཤེས་པར་འགྱུར་བ་ཀུན་ཏུ་བསྟན་པར་བྱ་བ་དང་། སེམས་
D82.044.0052b04.01ཅན་ཐམས་ཅད་ཀྱང་རྒ་བ་དང་། ན་བ་དང་། འཆི་བས་འཇིགས་པ་ཀུན་ཏུ་བསྟན་པར་བྱ་བའི་ཕྱིར་ཏེ། དེའི་ཕྱིར་ན་བྱང་ཆུབ་སེམས་དཔའ་དགའ་བ་དང་། རྩེད་མོ་དོན་དུ་མི་གཉེར་བ་ཡང་སྐྱེད་མོས་ཚལ་གྱི་སར་བྱུང་སྟེ། དེ་ཡང་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །ཅིའི་
D82.044.0052b05.01ཕྱིར་བྱང་ཆུབ་སེམས་དཔའ་ནམ་ཕྱེད་ཀྱི་དུས་ཀྱི་ཚེ་མངོན་པར་བྱུང་ལ་ཉིན་མོ་མ་ཡིན་ཞེ་ན་སེམས་ཅན་རྣམས་གང་ལ་གནས་ན། དགེ་བའི་རྩ་བ་འཕེལ་བར་འགྱུར་བའི་དགེ་བའི་རྩ་བ་ཀུན་ཏུ་བསྟན་པར་བྱ་བའི་ཕྱིར་ཏེ། དཀར་པོའི་ཆོས་དོན་དུ་གཉེར་བའི་རིགས་ཀྱི་བུས་ནི་བདེ་བ་རྒྱ་ཆེན་པོ་ཇི་སྙེད་
D82.044.0052b06.01པ་ཡང་ཡོངས་སུ་སྤངས་ཏེ་ནམ་ཕྱེད་ཀྱི་དུས་ཀྱི་ཚེ་ན་མ་དྲིས་མི་ལྟོས་པར་མངོན་པར་འབྱུང་བར་བྱ་བ་དང་བདེ་བའི་ཡོ་བྱད་ཇི་སྙེད་པ་དག་ཀྱང་ཡོངས་སུ་སྤང་བར་བྱ་བ་དང་། དཀར་པོའི་ཕྱོགས་ཡོངས་སུ་ཉམས་པར་མི་བྱ་བའི་ཕྱིར་ཏེ། དེ་ཡང་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །
D82.044.0052b07.01