完整藏文原文 · 德格版页 当前仅加载第 44 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཞེས་བྱའོ། །རིགས་ཀྱི་བུ་འདི་ལྟ་སྟེ་དཔེར་ན་ཉན་ཐོས་ཀྱི་ཐེག་པ་པའི་གང་ཟག་རྩ་བའི་ཉེས་པ་བྱུང་བར་གྱུར་པ་ནི་ཕུང་པོ་དང་། ཁམས་དང་། སྐྱེ་མཆེད་དེ་དག་ཉིད་ཀྱིས་ཡོངས་སུ་མྱ་ངན་ལས་འདའ་བར་འགྱུར་བའི་སྐལ་བ་མེད་པ་དེ་བཞིན་དུ་བྱང་ཆུབ་སེམས་དཔའ་
D82.044.0035a01.01ཡང་ཉན་ཐོས་དང་། རང་སངས་རྒྱས་དང་ལྡན་པའི་ཡིད་ལ་བྱེད་པ་དག་མ་བཤགས་མ་སྤངས་ཀྱི་བར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་སྐལ་བ་མེད་ཅིང་སངས་རྒྱས་ཀྱི་ས་འཐོབ་པར་འགྱུར་བའི་སྐལ་པ་མེད་དེ་དེ་ནི་གནས་མེད་
D82.044.0035a02.01དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་སྟོན་པ་ལགས་ཏེ། མི་མཁྱེན་པ་འམ། མ་གཟིགས་པ་འམ། ཐུགས་སུ་མ་ཆུད་པ་འམ། མངོན་
D82.044.0035a03.01སུམ་དུ་མ་མཛད་པ་ཅུང་ཟད་མི་མངའ་ལགས་མོད་ཀྱི། འོན་ཀྱང་དེ་བཞིན་གཤེགས་པས་འདི་སྐད་ཅེས་དགེ་སློང་གིས་ཉེས་པ་བྱུང་བ་མཐོང་ན་བཅབ་པར་མི་བྱ་བར་ཚངས་པ་མཚུངས་པར་སྤྱོད་པ་གཞན་དག་གམ། དེ་བཞིན་གཤེགས་པའི་སྤྱན་སྔར་སྨྲོས་ཤིག་ཅེས་བཀའ་སྩལ་
D82.044.0035a04.01པས། བཙུན་པ་བཅོམ་ལྡན་འདས་བདག་མཉན་ཡོད་ཀྱི་གྲོང་ཁྱེར་ཆེན་པོ་འདིར་མཐར་ཆགས་སུ་བསོད་སྙོམས་ཀྱི་སླད་དུ་མཆི་བ་ན། གྲོང་ཁྱེར་གཞན་ཞིག་ན་བྱང་ཆུབ་སེམས་དཔའ་ཚོགས་ཅན་རབ་མཆོག་རྒྱལ་པོ་ཞེས་བགྱི་བ་ཁྲིའི་སྟེང་ན་བུད་མེད་ཞིག་དང་ལྷན་ཅིག་མཆིས་པ་
D82.044.0035a05.01མཐོང་བ་དེ་བདག་བྱམས་པ་དང་ལྡན་པ་དང་། ནོངས་པ་མ་མཆིས་པའི་སེམས་ཀྱིས་བཅོམ་ལྡན་འདས་ལ་གསོལ་ལགས་སོ། །ཚེ་དང་ལྡན་པ་ཀུན་དགའ་བོས་ཚིག་འདི་སྐད་ཅེས་གསོལ་ནས་རིང་པོ་མ་ལོན་པར་དེ་ནས་དེའི་མོད་ལ་ས་ཆེན་པོ་འདི་རྣམ་པ་དྲུག་ཏུ་རབ་ཏུ་གཡོས་པར་
D82.044.0035a06.01གྱུར་ཏོ། །དེ་ནས་དེའི་ཚེ་བྱང་ཆུབ་སེམས་དཔའ་ཚོགས་ཅན་རབ་མཆོག་རྒྱལ་པོས་བཅོམ་ལྡན་འདས་ཀྱི་སྤྱན་སྔར་སྟེང་གི་བར་སྣང་ལ་ཏ་ལ་བདུན་སྲིད་ཙམ་དུ་འཕགས་ཏེ་འདུག་ནས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་འདི་ཇི་སྙམ་དུ་སེམས།
D82.044.0035a07.01