完整藏文原文 · 德格版页 当前仅加载第 44 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེར་ཆེན་པོ་དེ་ན་ཡང་མཐོ་གང་ཙམ་གྱི་ཚད་ཀྱི་ཤུལ་ཤིན་ཏུ་དོག་ཅིང་ཉམ་ང་བ་ཞིག་ཀྱང་མཆིས་ཤིང་དེའི་གཡས་གཡོན་ན་ཁྲུ་འབུམ་ཙམ་མཆིས་པའི་གཡང་ས་ཆེན་པོ་དག་ཀྱང་མཆིས་པར་གྱུར་ལ། དེ་ནས་འབྲོག་དགོན་པ་ཆེན་པོ་དེའི་དབུས་ནས་སེམས་ཅན་མཁས་པ་ཞི་བ། གློ་
D82.044.0044b01.01བ་གཞུངས་པ། སེམས་ཅན་ཐམས་ཅད་ལ་དོན་དུ་འགྱུར་བར་འཚལ་བ་བདེ་བར་འཚལ་བ། གྲུབ་པ་དང་བདེ་བར་འཚལ་བ། སྨན་པར་འཚལ་བ་སྙིང་རྗེ་ཆེན་པོ་དང་ལྡན་པ་གཅིག་ཅིག་བྱུང་བར་གྱུར་ནས་དེས་འབྲོག་དགོན་པ་ཆེན་པོ་དེར་འདི་སྐད་ཅེས་ཀྱེ་གྲོགས་པོ་དག་ཁོ་བོ་ནི་
D82.044.0044b02.01ཁྱེད་ཅག་གི་ཡོངས་སུ་སྐྱོབ་པ་ཡིན་ཏེ། འབྲོག་དགོན་པ་ཆེན་པོ་འདི་ནས་ཧ་ཅང་ཡང་མི་རིང་བ་ན་གྲོང་ཁྱེར་ཆེན་པོ་འབྱོར་པ། རྒྱས་པ། བདེ་བ། ལོ་ལེགས་པ། ཉམས་དགའ་བ་ཞིག་ཡོད་དེ། གང་དག་དེར་ཞུགས་པར་གྱུར་པ་དེ་དག་ནི་རྒ་བ་མེད་པ་དང་། འཆི་བ་མེད་པར་
D82.044.0044b03.01འགྱུར་ཞིང་སེམས་ཅན་དཔག་ཏུ་མེད་པ་རྣམས་སྐྱེ་བ་དང་། རྒ་བ་དང་། ན་བ་དང་། འཆི་བ་ལས་ཡང་དག་པར་འདའ་བར་བྱ་བའི་ཕྱིར་ཆོས་སྟོན་པར་ཡང་འགྱུར་བས་སེམས་ཅན་ཤེས་པ་དང་ལྡན་པ་དག་ཚུར་ཤོག །གྲོང་ཁྱེར་ཆེན་པོ་དེར་འདོང་ངོ་ཞེས་སྒྲ་བསྒྲགས་ཤིང་སྐད་ཀྱིས་
D82.044.0044b04.01གོ་བར་བགྱིས་པར་གྱུར་ན། དེ་ན་སེམས་ཅན་དམན་པ་ལ་མོས་ཤིང་ངེས་པར་འབྱུང་བའི་བསམ་པ་ཅན་གང་དག་ལགས་པ་དེ་དག་ནི་འདི་སྐད་ཅེས་བདག་ཅག་འདི་ནས་ཀྱང་མི་གཡོ་བར་གདམས་ཤིང་རྗེས་སུ་བསྟན་པ་དེ་ཡང་འཚལ་ལ། བདག་ཅག་འདི་ན་གནས་བཞིན་དུ་
D82.044.0044b05.01གྲོང་ཁྱེར་དེ་ན་མཆིས་པའི་ཡོན་ཏན་དེ་དག་ཀྱང་འབྱུང་བར་གྱུར་ཅིག་ཅེས་མཆི་ལགས་སོ། །སེམས་ཅན་རྒྱ་ཆེན་པོ་ལ་མོས་པ་གང་དག་ལགས་པ་དེ་དག་ནི་འདི་སྐད་ཅེས་བདག་ཅག་ནི་ཁྱོད་ཇི་ལྟ་བ་དེ་བཞིན་དུ་གྲོང་ཁྱེར་དེར་མཆིའོ་ཞེས་མཆི་ལགས་སོ། །སེམས་ཅན་བསོད་
D82.044.0044b06.01ནམས་ཆུང་བ་གང་དག་ལགས་པ་དེ་དག་ནི་སྒྲ་དེ་ཉན་ཅིང་ཐོས་ནས་ཀྱང་དད་པར་མི་བགྱིད་ཅིང་སྐྱེས་བུ་མཁས་པའི་རང་བཞིན་ཅན་དེའི་སླད་བཞིན་དུ་མཆི་བར་མི་བགྱིད་ལགས་ཏེ། དེ་ནས་སྐྱེས་བུ་མཁས་པའི་རང་བཞིན་ཅན་དེ་འབྲོག་དགོན་པ་ཆེན་པོ་དེ་ནས་སླར་བྱུང་བ་དང་།
D82.044.0044b07.01