完整藏文原文 · 德格版页 当前仅加载第 44 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པའམ། ཆོས་ཀྱི་བར་དུ་གཅོད་པའི་སེམས་དང་ལྡན་པ་གང་ལ་ལ་དག་རིའི་རྒྱལ་པོ་རི་རབ་ཀྱི་དྲུང་དུ་མཆིས་ན་དེ་དག་ཐམས་ཅད་འདི་ལྟ་སྟེ། གསེར་གྱི་ཁ་དོག་ཏུ་ཁ་དོག་གཅིག་པར་འགྱུར་བ་དེ་བཞིན་དུ་བཙུན་པ་བཅོམ་ལྡན་འདས་སེམས་ཅན་རབ་ཏུ་སྡང་བའི་སེམས་དང་ལྡན་
D82.044.0043b01.01པའམ། དང་བའི་སེམས་དང་ལྡན་པའམ། ཆགས་པའི་སེམས་དང་ལྡན་པའམ་ཆོས་ཀྱི་བར་དུ་གཅོད་པའི་སེམས་དང་ལྡན་པ་གང་ལ་ལ་དག་བྱང་ཆུབ་སེམས་དཔའ་རྣམས་ཀྱི་དྲུང་དུ་མཆིས་ན་ཡང་དེ་དག་ཐམས་ཅད་འདི་ལྟ་སྟེ། ཐམས་ཅད་མཁྱེན་པ་ཉིད་ཀྱི་སེམས་ཀྱི་ཁ་
D82.044.0043b02.01དོག་ཏུ་སེམས་གཅིག་ཏུ་འགྱུར་ལགས་པས། བཙུན་པ་བཅོམ་ལྡན་འདས་བདག་ནི་དེང་སླན་ཅད་བྱང་ཆུབ་སེམས་དཔའ་ཐམས་ཅད་རིའི་རྒྱལ་པོ་རི་རབ་དང་འདྲ་བར་འཛིན་ལགས་སོ། །བཙུན་པ་བཅོམ་ལྡན་འདས་འདི་ལྟ་སྟེ་དཔེར་བགྱི་ན་སྨན་གྱི་རིགས་ཆེན་པོ་བལྟ་མཛེས་ཞེས་
D82.044.0043b03.01བགྱི་བ་མཆིས་ཏེ། སེམས་ཅན་རབ་ཏུ་སྡང་བའི་སེམས་དང་ལྡན་པ་འམ། དང་བའི་སེམས་དང་ལྡན་པའི་སེམས་ཅན་བྲོ་ནད་སྣ་ཚོགས་ཀྱིས་ཐེབས་པ་གང་ལ་ལ་དག་གིས་དེ་མཐོང་ན་དེ་དག་ཐམས་ཅད་ཀྱི་བྲོ་ནད་རྣམས་རབ་ཏུ་ཞི་བར་འགྱུར་བ་དེ་བཞིན་དུ་བཙུན་པ་བཅོམ་ལྡན་འདས་
D82.044.0043b04.01སེམས་ཅན་གང་དག་རབ་ཏུ་སྡང་བའི་སེམས་དང་ལྡན་པའམ། དང་བའི་སེམས་དང་ལྡན་པ་དག་བྱང་ཆུབ་སེམས་དཔའ་རྣམས་ཀྱི་དྲུང་དུ་མཆིས་ན་དེ་དག་ཐམས་ཅད་ཀྱི་འདོད་ཆགས་དང་། ཞེ་སྡང་དང་། གཏི་མུག་དང་ཉོན་མོངས་པའི་བྲོ་ནད་རྣམས་ཀྱང་རབ་ཏུ་ཞི་བར་འགྱུར་ལགས་སོ། །
D82.044.0043b05.01དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ་ཀུན་དགའ་བོ་ཇི་སྐད་སྨྲས་པ་དེ་བཞིན་ཏེ། ལེགས་སོ་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གང་གི་
D82.044.0043b06.01སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དེ་ལྟར་ཞི་བའི་ཏིང་ངེ་འཛིན་ཀྱི་གནས་པ་དག་གིས་ཀྱང་གནས་པར་བགྱིད་ལ། སེམས་ཅན་རྣམས་ལ་སྙིང་བརྩེ་བའི་སླད་དུ་འདོད་པའི་ཁམས་ན་ཡང་ཀུན་དུ་གདའ་བ་དང་། སྟོང་པ་ཉིད་དང་། མཚན་མ་མ་མཆིས་པ་
D82.044.0043b07.01