完整藏文原文 · 德格版页 当前仅加载第 44 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྲིས་པའི་སེམས་ཀྱིས་འཆི་བའི་དུས་བྱས་ནས་བུད་མེད་ཀྱི་ལུས་རྗེས་ཏེ། བདག་གིས་འདིར་སྐྱེས་པའི་ལུས་ཐོབ་ཅིང་བདག་ལ་འབྱོར་པ་དཔག་ཏུ་མེད་པ་འདི་ལྟ་བུ་དག་ཀྱང་བྱུང་བར་གྱུར་ཏོ་སྙམ་ནས་སྔོན་གྱི་ལས་རྗེས་སུ་དྲན་པའི་ཤེས་པ་ཡང་སྐྱེས་པར་གྱུར་ཏོ། །དེ་ནས་ལྷའི་བུ་
D82.044.0041b01.01དེ་འདི་སྙམ་དུ་སེམས་ཏེ། འདོད་ཆགས་ཀྱི་སེམས་ལས་ཀྱང་རྣམ་པར་སྨིན་པ་འདི་ལྟ་བུ་འབྱུང་བར་འགྱུར་ན། བདག་གི་དད་པའི་སེམས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བྱེད་ལ་ཕྱག་བྱས་ཤིང་། བསྙེན་བཀུར་བྱས་ན་ལྟ་སྨོས་ཀྱང་ཅི་དགོས་ཏེ། བདག་
D82.044.0041b02.01འདོད་པས་དགའ་བ་དང་། རྩེ་བ་དང་། དགའ་མགུར་སྤྱོད་ཅིང་བག་མེད་པའི་གནས་པས་གནས་པ་ནི་བདག་གི་ཚུལ་དང་འཐུན་པ་མ་ཡིན་ཞིང་མི་རིགས་ཀྱི། བདག་བཅོམ་ལྡན་འདས་ག་ལ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བྱེད་ག་ལ་བ་དེར་འགྲོ་བར་
D82.044.0041b03.01བྱ་གོར་མ་ཆག་སྙམ་མོ། །དེ་ནས་ལྷའི་བུ་དེ་འཁོར་ལྔ་བརྒྱ་དང་ལྷན་ཅིག་ཏུ་ལྷའི་མེ་ཏོག་དང་། སྤོས་དང་། མེ་ཏོག་ཕྲེང་དང་། བྱུག་པ་དག་ཐོགས་ཏེ། བཅོམ་ལྡན་འདས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བྱེད་ག་ལ་བ་དེར་སོང་ནས་ཁ་དོག་ཤིན་དུ་
D82.044.0041b04.01འཕགས་པ་ཤིན་དུ་འཕགས་པའི་སྣང་བ་ཆེན་པོས་རྒྱལ་བུ་རྒྱལ་བྱེད་ཀྱི་ཚལ་སྣང་བར་བྱས་ཏེ། ལྷའི་མེ་ཏོག་དང་། སྤོས་དང་། མེ་ཏོག་ཕྲེང་དང་། བྱུག་པ་དེ་དག་གིས་བཅོམ་ལྡན་འདས་ལ་མཆོད་པ་བྱས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ།
D82.044.0041b05.01བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བྱེད་དང་། བྱང་ཆུབ་སེམས་དཔའ་ཐམས་ཅད་དང་། དགེ་སློང་གི་དགེ་འདུན་གྱི་རྐང་པ་ལ་ཡང་མགོ་བོས་ཕྱག་འཚལ་ནས་བཅོམ་ལྡན་འདས་ལ་ལན་བདུན་བསྐོར་བ་བྱས་ཏེ། བཅོམ་ལྡན་འདས་ཀྱི་སྤྱན་སྔར་ཐལ་མོ་པུག་པུག་
D82.044.0041b06.01པོར་སྦྱར་ནས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །སངས་རྒྱས་མི་མཆོག་རྣམས་ནི་བསམ་མི་ཁྱབ། །བྱང་ཆུབ་མཆོག་ལ་ཞུགས་རྣམས་བསམ་མི་ཁྱབ། །བདེ་གཤེགས་རྣམས་ཀྱི་ཆོས་ཀྱང་བསམ་མི་ཁྱབ། །གྲགས་ཆེན་རྣམས་ཀྱི་སྤྱོད་པའང་བསམ་མི་ཁྱབ། །
D82.044.0041b07.01