完整藏文原文 · 德格版页 当前仅加载第 44 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
ཏན་ཡང་འཚལ་བ་དེ་དག་ཇི་ལྟ་བ་དེ་བཞིན་དུ་ནི་ཉན་ཐོས་དང་། རང་སངས་རྒྱས་ཐམས་ཅད་བལྟ་བར་བགྱི་ལགས་སོ། །སེམས་ཅན་རྒྱ་ཆེན་པོ་ལ་མོས་པའི་ཚིག་འདི་སྐད་ཅེས་བདག་ཅག་ནི་ཁྱོད་ཇི་ལྟ་བ་བཞིན་དུ་གྲོང་ཁྱེར་དེར་མཆི་ལགས་སོ་ཞེས་མཆི་བ་དེ་དག་ཇི་ལྟ་བ་དེ་བཞིན་དུ་ནི་
D82.044.0045b01.01བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་བལྟ་བར་བགྱི་ལགས་སོ། །སེམས་ཅན་བསོད་ཉམས་ཆུང་ངུ་སྒྲ་དེ་ཉན་ཅིང་ཐོས་ནས་ཀྱང་དད་པར་མི་བགྱིད་པ་གང་ལགས་པ་དེ་དག་ནི་གཞན་མུ་སྟེགས་ཅན་སྤྱོད་པ་པ་དང་། ཀུན་དུ་རྒྱུ་དག་གི་ཚིག་{བླ་དགས་,བླ་དྭགས་}ལགས་སོ། །
D82.044.0045b02.01འབྲོག་དགོན་པ་ཆེན་པོ་དེ་ནས་སླར་བྱུང་བ་ཞེས་བགྱི་བ་ཇི་ལྟ་བ་དེ་བཞིན་དུ་ནི་ཐམས་ཅད་མཁྱེན་པ་ཉིད་དུ་ངེས་པར་བསྔོས་པའི་སེམས་ཀྱིས་བརྩོན་འགྲུས་བརྩམས་པ་བལྟ་བར་བགྱི་ལགས་སོ། །མཐོ་གང་ཙམ་གྱི་ཚད་ཀྱི་ཤུལ་ཞེས་བགྱི་བ་དེ་ཇི་ལྟ་བ་བཞིན་དུ་ནི་ཆོས་ཀྱི་དབྱིངས་བལྟ་
D82.044.0045b03.01བར་བགྱི་ལགས་སོ། །དེའི་གཡས་གཡོན་ན་ཁྲུ་འབུམ་ཙམ་མཆིས་པའི་གཡང་ས་ཆེན་པོ་ཞེས་བགྱི་བ་ཇི་ལྟ་བ་དེ་བཞིན་དུ་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱི་ས་རྣམས་བལྟ་བར་བགྱི་ལགས་སོ། །གཡས་གཡོན་གྱི་གཡང་ས་དེ་དག་རྩིག་པ་དང་སྤང་ལེབ་ཀྱིས་
D82.044.0045b04.01བཀུམ་སྟེ་ཞེས་བགྱི་བ་དེ་ཇི་ལྟ་བ་བཞིན་དུ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་ལ་མཁས་པ་བལྟ་བར་བགྱི་ལགས་སོ། །རྐང་ལག་བཞིས་འཕྱེ་ཞིང་ཤུལ་དེ་ལས་ཡང་དག་པར་འདའ་བར་བགྱིད་ལ་ཞེས་བགྱི་བ་དེ་བཞིན་དུ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་
D82.044.0045b05.01བསྡུ་བའི་དངོས་པོ་བཞིས་སེམས་ཅན་དཔག་ཏུ་མ་མཆིས་པ་རྣམས་སྡུད་ཅིང་ཡང་དག་པར་འདའ་བར་བགྱིད་པ་དག་བལྟ་བར་བགྱི་ལགས་སོ། །སླད་བཞིན་དུ་ཕྱིར་རྒོལ་བ་སྒྲ་འབྱིན་ཅིང་འཇིགས་པ་སྟོན་པ་དག་མཆི་ཡང་ཞེས་བགྱི་བ་དེ་ཇི་ལྟ་བ་དེ་བཞིན་དུ་ནི་བདུད་དང་བདུད་ཀྱི་
D82.044.0045b06.01རིས་ཀྱི་ལྷའི་བུ་རྣམས་ཀྱང་བལྟ་བར་བགྱི་ལ། དེ་བཞིན་དུ་སེམས་ཅན་སྡིག་པ་ལ་མངོན་པར་ཞེན་པ་ཡོངས་སུ་ཉོན་མོངས་པ་ཅན་གྱི་ལས་ཀུན་དུ་སྤྱོད་པར་བགྱིད་པ་གང་དག་བྱང་ཆུབ་སེམས་དཔའ་དེ་དག་ལ་འཕྱ་བ་དང་སྨོད་པར་བགྱིད་པ་དག་ཀྱང་བལྟ་བར་བགྱི་ལགས་སོ། །སླར་
D82.044.0045b07.01