完整藏文原文 · 德格版页 当前仅加载第 44 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེའུ་ཁོ་མོ་ནི་ཁྱོད་འཚལ་ལོ། །དེས་དེ་ལ་འདི་སྐད་ཅེས་སྨྲས་སོ། །སྲིང་མོ་ཁོ་བོ་ནི་འདོད་པ་རྣམས་དོན་དུ་གཉེར་བ་མ་ཡིན་གྱི། ཁོ་བོ་ནི་ཚངས་པར་སྤྱོད་པ་ཡིན་ནོ། །དེས་དེ་ལ་འདི་སྐད་ཅེས་སྨྲས་སོ། །བྲམ་ཟེའི་ཁྱེའུ་གལ་ཏེ་ཁྱོད་དང་ལྷན་ཅིག་ཏུ་འགྲོགས་པར་མི་འགྱུར་བ་ལྟ་ན་
D82.044.0037b01.01བདག་འགུམ་པར་འགྱུར་ལགས་སོ། །དེ་ནས་བྲམ་ཟེའི་ཁྱེའུ་སྐར་མ་འདི་སྙམ་དུ་སེམས་པར་གྱུར་ཏེ། བདག་གིས་ལོ་བཞི་ཁྲི་ཉིས་སྟོང་གི་བར་དུ་ཚངས་པར་སྤྱོད་པ་སྤྱད་ནས་དེང་བརྟུལ་ཞུགས་གཞིག་པ་འདི་ནི་བདག་གི་ཚུལ་དང་འཐུན་པ་མ་ཡིན་ནོ་སྙམ་ནས། དེས་བུ་མོ་དེ་མཐུས་
D82.044.0037b02.01སྤངས་ཏེ་བོར་ནས་གོམ་པ་བདུན་བོར་བ་དང་། དེའི་གོམ་པ་བདུན་པ་ལ་གནས་པའི་ཚེ་སྙིང་རྗེ་སྐྱེས་པར་གྱུར་ནས་འདི་ལྟར་བདག་གིས་བརྟུལ་ཞུགས་བཤིག་སྟེ་སེམས་ཅན་དམྱལ་བར་འགྲོ་བར་གྱུར་ཀྱང་བདག་གིས་སེམས་ཅན་དམྱལ་བའི་སྡུག་བསྔལ་མྱོང་བར་འགྱུར་བ་དེ་བཟོད་པར་བྱ་
D82.044.0037b03.01ཞིང་བུ་མོ་འདི་བདེ་བར་འགྱུར་བ་དང་། འཆི་བའི་དུས་བྱེད་པར་མི་འགྱུར་བར་བྱ་གོར་མ་ཆག་སྙམ་མོ། །རིགས་ཀྱི་བུ་དེ་ནས་བྲམ་ཟེའི་ཁྱེའུ་སྐར་མ་དེ་དེ་ནས་ཕྱིར་ལོག་སྟེ། ལག་པ་གཡས་པས་བུ་མོ་དེ་བཟུང་སྟེ། དེ་ལ་འདི་སྐད་ཅེས་སྨྲས་སོ། །བཟང་མོ་ལོངས་ཤིག་དང་
D82.044.0037b04.01ཁོ་བོས་ཁྱོད་ཅི་འདོད་པ་བཞིན་བྱའོ། །དེ་ནས་བྲམ་ཟེའི་ཁྱེའུ་སྐར་མ་དེ་ལོ་བཅུ་གཉིས་ཀྱི་བར་དུ་དེའི་ཁྱིམ་ན་གནས་ནས་ཡང་མངོན་པར་བྱུང་སྟེ། ཚངས་པའི་གནས་པ་བཞི་བསྐྱེད་ནས་དེ་ནས་ཤི་འཕོས་མ་ཐག་ཏུ་ཚངས་པའི་འཇིག་རྟེན་དུ་སྐྱེས་པར་གྱུར་ཏོ། །རིགས་ཀྱི་བུ་དེའི་
D82.044.0037b05.01ཚེ་དེའི་དུས་ན་བྲམ་ཟེའི་ཁྱེའུ་སྐར་མ་ཞེས་བྱ་བར་གྱུར་པ་དེ་གཞན་ཡིན་སྙམ་དུ་ཁྱོད་ཡིད་གཉིས་དང་ཐེ་ཚོམ་ཟ་བར་གྱུར་ན་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་དེའི་ཚེ་དེའི་དུས་ན་བྲམ་ཟེའི་ཁྱེའུ་སྐར་མ་ཞེས་བྱ་བ་དེར་གྱུར་ཏོ། །ཤཱཀྱའི་བུ་མོ་ས་འཚོ་མ་ནི་དེའི་ཚེ་དེའི་
D82.044.0037b06.01དུས་ན་ཚོང་དཔོན་གྱི་བུ་མོར་གྱུར་ཏོ། །རིགས་ཀྱི་བུ་ངས་སྙིང་རྗེ་ཆེན་པོ་དང་ལྡན་པའི་སེམས་བསྐྱེད་པ་དེས་ཅུང་ཟད་ཙམ་ཞིག་འདོད་པ་དང་ལྡན་པར་བྱས་པས་ཀྱང་བསྐལ་པ་ཁྲིར་འཁོར་བ་བསྙིལ་ཅིང་སྤངས་པར་འགྱུར་རོ། །རིགས་ཀྱི་བུ་སེམས་ཅན་གཞན་དག་གི་སེམས་ཅན་དམྱལ་
D82.044.0037b07.01