完整藏文原文 · 德格版页 当前仅加载第 44 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་མགོན་པོས་འདི་སྐད་བཀའ་སྩལ་ཏོ། །གང་ཞིག་སངས་རྒྱས་ཐམས་ཅད་མཆོད་འདོད་པ། །དེ་ཡིས་བརྟན་པར་བྱང་ཆུབ་སེམས་སྐྱེད་ཅིག །བུ་མོའི་ཕ་དང་མ་དང་ཉེ་དུ་ནི། །ལྔ་བརྒྱ་ཚང་བ་ཉུང་བ་མ་ཡིན་པས། །སྐྱེས་བུ་ཁྱུ་མཆོག་དེ་ཡི་གསུང་ཐོས་
D82.044.0043a01.01ནས། །བྱང་ཆུབ་ཕྱིར་ནི་སེམས་ཀྱང་བརྟན་པར་བསྐྱེད། །རྒྱལ་བས་ཀུན་དགའ་བཟང་ལ་བཀའ་སྩལ་པ། །ཀུན་དགའ་ཇི་ལྟར་བཤད་པ་འདི་ཉོན་ཅིག །བྱང་ཆུབ་སེམས་དཔའི་སྤྱོད་པ་བསམ་ཡས་ཏེ། །ཤེས་རབ་ཐབས་ལ་མཁས་པའང་དེ་བཞིན་ནོ། །དགའ་བྱེད་སྨོན་
D82.044.0043a02.01ལམ་ཡང་དང་ཡང་འདེབས་པ། །བུད་མེད་གང་དག་ཆགས་པའི་སེམས་ཀྱིས་ནི། །བདག་ལ་རྟོག་པ་བུད་མེད་ལུས་སྤངས་ནས། །དེ་དག་མྱུར་དུ་སྐྱེས་བུ་འཇིགས་མེད་ཤོག །བུད་མེད་གཅིག་མིན་གཉིས་དང་གསུམ་མིན་ཏེ། །བྱེ་བ་ཁྲག་ཁྲིག་སྟོང་ཕྲག་མང་པོ་རྣམས། །གང་
D82.044.0043a03.01དག་དགའ་བྱེད་ལ་ན་ཆགས་གྱུར་པ། །དེ་དག་ཐམས་ཅད་ཤི་འཕོས་སྐྱེས་པར་གྱུར། །ཀུན་དགའ་འདོད་ཆགས་བསྐྱེད་པ་གང་གིས་ནི། །སེམས་ཅན་གཞན་དག་སེམས་དམྱལ་འགྲོ་འགྱུར་བ། །དེ་ཡིས་དཔའ་རྣམས་མཐོ་རིས་འགྲོ་འགྱུར་ཞིང་། །སྐྱེས་པར་འགྱུར་བའི་ཡོན་
D82.044.0043a04.01ཏན་དེ་འདྲ་ལྟོས། །ལྷའི་བུ་གང་གིས་ང་ལ་མཆོད་བྱས་ཏེ། །གུས་དང་བཅས་པས་བྱང་ཆུབ་མཆོག་ཞུགས་པ། །དེས་ནི་སངས་རྒྱས་བྱེ་མང་མཆོད་བྱས་ནས། །རྒྱལ་བ་བལྟ་ན་མཛེས་ཞེས་བྱ་བར་འགྱུར། །ལྔ་བརྒྱ་གང་དག་བྱང་ཆུབ་ཞུགས་གྱུར་པ། །དེ་དག་མི་མཆོག་རྣམས་
D82.044.0043a05.01སུ་འབྱུང་འགྱུར་བ། །གང་ལ་དད་བྱས་བདེ་བ་བསམ་ཡས་པའི། །འཇིག་རྟེན་མགོན་ལ་སུ་ཞིག་གུས་མི་བྱེད། །གང་དག་ཉོན་མོངས་རྣམས་ཀྱང་བདེ་སྦྱིན་ན། །གང་དག་གུས་བྱེད་དེ་ལ་ཅི་སྨོས་པ། །གྲགས་ཆེན་སྨན་གྱི་རྒྱལ་པོ་ལྟ་བུ་ཡི། །བྱང་ཆུབ་སེམས་དཔའ་རྣམས་
D82.044.0043a06.01ལ་སུ་སྡང་སྐྱེད། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འདི་ལྟ་སྟེ་དཔེར་བགྱི་ན་སེམས་ཅན་རབ་ཏུ་སྡང་བའི་སེམས་དང་ལྡན་པའམ། དང་བའི་སེམས་དང་ལྡན་པའམ། ཆགས་པའི་སེམས་
D82.044.0043a07.01