完整藏文原文 · 德格版页 当前仅加载第 44 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ནས་མཆིལ་པ་དེ་འདྲེན་པར་བྱེད་པ་དེ་བཞིན་དུ་རིགས་ཀྱི་བུ་བྱང་ཆུབ་སེམས་དཔའ་ཐབས་ལ་མཁས་པ་ཡང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། བདག་མེད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་བསྒོམས་པའི་སེམས་ཐམས་ཅད་མཁྱེན་
D82.044.0039b01.01པ་ཉིད་ལ་བརྟན་པར་གཏད་པས་འདོད་པའི་འདམ་ཆེན་པོར་འཇུག་པར་བྱེད་ཀྱང་དེ་ཐམས་ཅད་མཁྱེན་པ་ཉིད་ཀྱི་སེམས་ལེགས་པར་བསྲུངས་པ་དེས་གང་གི་ཚེ་འདོད་པ་དེའི་ཚེ་ན་འདོད་པའི་ཁམས་སྤངས་ཏེ་ཚངས་པའི་འཇིག་རྟེན་དུ་སྐྱེ་བར་བྱེད་དོ། །རིགས་ཀྱི་བུ་འདི་ལྟ་སྟེ་དཔེར་ན་སྐྱེས་
D82.044.0039b02.01བུ་རིག་སྔགས་དང་། གསང་སྔགས་འཆང་བ་ནི་རྒྱལ་པོའི་མི་རྣམས་ཀྱིས་བཟུང་སྟེ་ཞགས་པ་ལྔའི་ཆིངས་མས་བཅིངས་པར་གྱུར་ཀྱང་དེ་ནི་གང་གི་ཚེ་འགྲོ་བར་འདོད་པ་དེའི་ཚེ་རིག་སྔགས་དང་། གསང་སྔགས་ཀྱི་སྟོབས་བསྐྱེད་པ་གཅིག་གིས་ཆིངས་མ་དེ་དག་ཐམས་ཅད་བཅད་
D82.044.0039b03.01ནས་གང་དུ་འགྲོ་བར་འདོད་པ་དེར་འགྲོ་བར་བྱེད་པ་དེ་བཞིན་དུ་རིགས་ཀྱི་བུ་བྱང་ཆུབ་སེམས་དཔའ་ཐབས་ལ་མཁས་པ་ཡང་སེམས་ཅན་ཡོངས་སུ་སྨིན་པར་བྱ་བའི་ཕྱིར་གང་གི་ཚེ་འདོད་པའི་ཡོན་ཏན་ལྔ་པོ་དེ་དག་གི་དགའ་བ་མྱོང་བར་བྱེད་ཅིང་དེ་དག་དང་འདྲེས་པར་གནས་པར་བྱེད་ཀྱང་
D82.044.0039b04.01དེ་གང་གི་ཚེ་འདོད་པ་དེའི་ཚེ་ཤེས་རབ་ཀྱི་རིག་སྔགས་དང་། གསང་སྔགས་ཀྱི་སྟོབས་བསྐྱེད་པ་དང་། ཐམས་ཅད་མཁྱེན་པ་ཉིད་ཀྱི་སེམས་ལེགས་པར་བསྲུངས་པ་གཅིག་གིས་འདོད་པའི་ཡོན་ཏན་ལྔའི་ཆིངས་མ་དེ་དག་ཐམས་ཅད་རབ་ཏུ་བཅད་དེ། དེ་ནས་ཤི་འཕོས་
D82.044.0039b05.01ནས་ཚངས་པའི་འཇིག་རྟེན་དུ་སྐྱེ་བར་བྱེད་དོ། །རིགས་ཀྱི་བུ་འདི་ལྟ་སྟེ་དཔེར་ན་འཕོང་གི་སློབ་དཔོན་ལེགས་པར་བསླབས་པ་ཞིག་རལ་གྲི་རྣོན་པོ་རས་བཅོས་བུས་དཀྲིས་པ་ཞིག་ཐོགས་ཏེ་འདྲོན་པ་མང་པོ་སྒྲོལ་བར་བྱེད་པ་དེ་ན་སེམས་ཅན་མི་མཁས་པ་འཕོང་གི་ཤེས་པའི་བྱ་བ་
D82.044.0039b06.01མི་ཤེས་པ་གང་དག་ཡིན་པ་དེ་དག་ནི་འཕོང་གི་སློབ་དཔོན་དེ་ལ་སྙིང་རྗེ་བ་དང་། བརྙས་པའི་འདུ་ཤེས་སྐྱེད་པར་བྱེད་ཅིང་། ཚིག་འདི་སྐད་ཅེས་གཞུ་ཡང་མེད། རལ་གྲི་ཡང་མེད། དོང་པ་ཡང་མེད། འཁོར་ཀྱང་མེད་པ་འདིས་ནི་འདྲོན་པ་འདི་དག་བསྒྲལ་བར་མི་ནུས་
D82.044.0039b07.01