完整藏文原文 · 德格版页 当前仅加载第 44 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
མཉན་ཡོད་དུ་ནི་བདག་སྔོན་བུ་མོར་གྱུར། །ཚོང་དཔོན་བུ་མོ་དཔལ་ཡོན་མཆོག་ཅེས་བགྱི། །མཛེས་ཤིང་ཐོག་མར་ཕྱུག་ཆུང་གྱུར་པ་ལགས། །ཕ་མའི་གློ་བར་མཆི་ཞིང་རབ་ཏུ་བྱམས། །སངས་རྒྱས་སྲས་པོ་སྨད་པར་མ་གྱུར་པ། །མཐུ་ཆེན་དགའ་བྱེད་
D82.044.0042a01.01ཅེས་བགྱི་གང་ལགས་པ། །བསོད་སྙོམས་སྤྱོད་ཅིང་མཉན་ཡོད་རྒྱུ་བའི་ཚེ། །དེ་ནི་བདག་གི་ཕ་ཡི་ཁྱིམ་དུ་མཆིས། །སྐད་སྙན་ཡིད་དུ་མཆི་བ་ཐོས་གྱུར་ནས། །བདག་ཅག་སེམས་ཀྱིས་བསོད་སྙོམས་ཐོགས་ནས་ནི། །དེ་བཞིན་གཤེགས་པའི་སྲས་པོ་གང་ལགས་པ། །དགའ་
D82.044.0042a02.01བྱེད་མཐུ་ཆེན་ག་ལ་མཆིས་པར་མཆིས། །མཐོང་མ་ཐག་ཏུ་བདག་ནི་འདོད་ཆགས་དང་། །ལྡན་པ་ཚུལ་བཞིན་མ་ལགས་སེམས་སྐྱེས་ཏེ། །གལ་ཏེ་ཇི་ལྟར་བསམས་བཞིན་མ་མཇལ་ན། །སྲོག་ལ་མི་ལྟ་འགུམ་པའི་དུས་བགྱི་སྙམ། །ཚུལ་བཞིན་མ་ལགས་འདོད་པས་རབ་
D82.044.0042a03.01གདུངས་ནས། །དེ་ལ་བཀའ་མཆིད་བརྗོད་པར་བགྱི་བ་དང་། །བསོད་སྙོམས་སྩོལ་བའི་རྔོ་ཡང་མ་ཐོག་ནས། །རྔུལ་བྱུང་དེར་ནི་འགྲེང་བཞིན་གུམ་པར་གྱུར། །བཅོམ་ལྡན་བདག་ནི་འཆི་འཕོར་གྱུར་པའི་ཚེ། །སྐད་ཅིག་དེ་ལ་བུད་མེད་ལུས་སྤངས་ཏེ། །ཤི་འཕོས་མཐོ་རིས་འཇིག་
D82.044.0042a04.01རྟེན་སྐྱེས་གྱུར་ནས། །བདག་གི་འོད་གསལ་སྐྱེས་པ་ཉིད་འདི་ཐོབ། །རིན་ཆེན་སྣ་ཚོགས་བལྟ་ན་སྡུག་པ་ཡི། །གཞལ་མེད་ཁང་མཆོག་མཛེས་པ་གྲུབ་གྱུར་ཅིང་། །བདག་གི་གཡོག་འཁོར་ལྷ་ཡི་བུ་མོ་ནི། །ཁྲི་དང་བཞི་སྟོང་ཚང་བ་བྱུང་བར་གྱུར། །བདག་ལ་སེམས་བཟང་བྱུང་
D82.044.0042a05.01བར་གྱུར་པ་ནི། །སུག་ལས་གང་གི་རྣམ་སྨིན་འདི་འདྲ་བ། །རྗེས་སུ་དྲན་ནས་བདག་ནི་འདི་སྙམ་བགྱིད། །ཆགས་བཅས་སེམས་ཀྱི་རྣམ་སྨིན་འདི་འདྲ་སྟེ། །དགའ་བྱེད་ཡིད་དགའ་འོད་གསལ་མཁས་པ་ལ། །ཆགས་བཅས་སེམས་ཀྱིས་བདག་གིས་བལྟས་གྱུར་པས། །སུག་
D82.044.0042a06.01ལས་དེ་ཡི་རྣམ་སྨིན་བཟང་པོ་དེས། །བདག་ནི་གཟི་བརྗིད་མཐུ་སྟོབས་འདི་འདྲ་བས། །ཆགས་བཅས་སེམས་ཀྱི་རྣམ་སྨིན་འདི་འདྲ་ན། །གང་གིས་དེ་ལ་མཆོད་བགྱིས་ཅི་སྨོས་ཏེ། །གང་ལ་བདེ་གཤེགས་མཁྱེན་པ་འཇུག་འགྱུར་བ། །དེ་ནི་ཉན་ཐོས་རང་རྒྱལ་ས་མ་ལགས།
D82.044.0042a07.01