完整藏文原文 · 德格版页 当前仅加载第 44 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་སོ། །རིགས་ཀྱི་བུ་འདི་ཇི་སྙམ་དུ་སེམས། གང་གི་ཕྱིར་ཐབས་ལ་མཁས་པ་དེ་དང་། སྙིང་རྗེ་ཆེན་པོ་དེས་བསྐལ་པ་འབུམ་གྱི་འཁོར་བ་བསྙིལ་ཏེ་བོར་བར་གྱུར་པའི་དོན་དེ་བྱང་ཆུབ་སེམས་དཔའི་ལས་ཀྱི་སྒྲིབ་པ་ཡིན་པར་བལྟའམ་སྙམ་ན་ཁྱོད་ཀྱིས་དེ་ལྟར་མི་བལྟ་སྟེ།
D82.044.0061b01.01དེ་ནི་ཐབས་ལ་མཁས་པ་ཉིད་ཡིན་པར་བལྟ་བར་བྱའོ།། །།བམ་པོ་བཞི་པ་སྟེ་ཐ་མ། རིགས་ཀྱི་བུ་དེ་བཞིན་གཤེགས་པས་སེམས་ཅན་ལས་ཀྱི་བྱ་བ་ལ་གཟུད་པའི་ཕྱིར་ཐབས་ལ་མཁས་པས་སེང་ལྡེང་གི་ཚལ་པ་ཞབས་ལ་ཟུག་པར་བསྟན་ཏེ། དེ་
D82.044.0061b02.01བཞིན་གཤེགས་པའི་ཞབས་ལ་སེང་ལྡེང་གི་ཚལ་པ་ཟུག་པ་གང་ཡིན་པ་དེ་ཡང་སངས་རྒྱས་ཀྱི་མཐུ་ཉིད་ཡིན་པར་བལྟ་བར་བྱའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པའི་སྐུ་ནི་རྡོ་རྗེ་མཁྲེགས་པ་ལྟར་མི་ཤིགས་པའི་སྐུ་ཡིན་པའི་ཕྱིར་རོ། །རིགས་ཀྱི་བུ་འོན་ཀྱང་
D82.044.0061b03.01མཉན་ཡོད་ཀྱི་གྲོང་ཁྱེར་ཆེན་པོ་འདི་ཉིད་ན་སྲིད་པ་ཐ་མ་པའི་མི་ཉི་ཤུ་དང་། མི་ཉི་ཤུ་པོ་དེ་དག་ཉིད་ཀྱི་དགྲ་བོ་མི་ཉི་ཤུ་ཞིག་ཀྱང་ཡོད་པར་གྱུར་ཏེ། དེ་ནས་མི་དགྲ་བོ་ཉི་ཤུ་པོ་དེ་དག་རང་རང་གི་སྒྱུ་དག་གིས་འདི་ལྟ་བུའི་རྣམ་པར་རྟོག་པ་སྐྱེས་པར་གྱུར་ཏེ། བདག་ཅག་གིས་མཛའ་
D82.044.0061b04.01བཤེས་ལྟར་བཅོས་ཏེ། རང་རང་གི་དགྲ་བོ་རྣམས་ཀྱི་ཁྱིམ་དུ་ཞུགས་ལ་དེ་དག་སྲོག་དང་དབྲལ་བར་བྱའོ་སྙམ་དུ་བསམས་ཏེ། གཅིག་ལ་གཅིག་ཚིག་ཏུ་ནི་མ་སྨྲས་སོ། །རིགས་ཀྱི་བུ་དེ་ནས་སངས་རྒྱས་ཀྱི་མཐུས་སྲིད་པ་ཐ་མ་པའི་མི་ཉི་ཤུ་པོ་གང་དག་ཡིན་པ་དེ་དག་དང་།
D82.044.0061b05.01མི་དེ་དག་གི་དགྲ་བོ་གསོད་པ་པོའི་མི་ཉི་ཤུ་པོ་གང་དག་ཡིན་པ་དེ་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ག་ལ་བ་དེར་དོང་ངོ་། །རིགས་ཀྱི་བུ་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་
D82.044.0061b06.01མི་བཞི་བཅུ་པོ་དེ་དག་གདུལ་བའི་དབང་གི་ཕྱིར་དང་། སྐྱེ་བོ་ཕལ་པོ་ཆེ་གཞན་དག་ཀྱང་གདུལ་བའི་དབང་གི་ཕྱིར་གནས་བརྟན་མཽད་གལ་གྱི་བུ་ཆེན་པོ་ལ་བཀའ་སྩལ་པ། མཽད་གལ་གྱི་བུ་ཆེན་པོ་དེ་ངས་ཕྱོགས་འདི་ནས་སེང་ལྡེང་གི་ཚལ་པ་ཞིག་འབྱུང་བར་འགྱུར་ཏེ། དེས་དེ་
D82.044.0061b07.01