完整藏文原文 · 德格版页 当前仅加载第 44 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་ཉི་ཁྲི་ཉིས་སྟོང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་སྟེ། གང་གི་ཕྱིར་དེ་བཞིན་གཤེགས་པ་བྲམ་ཟེའི་གྲོང་ཤིང་སཱ་ལ་ཆེན་པོ་ཅན་དུ་བསོད་སྙོམས་ཀྱི་ཕྱིར་ཇི་ལྟར་ལྷུང་བཟེད་བཀྲུས་པས་ཞུགས་པ་བཞིན་དུ་བྱུང་བའི་རྒྱུ་
D82.044.0064b01.01ནི་དེ་ཡིན། རྐྱེན་ནི་དེ་ཡིན་ཏེ། དེ་ཡང་དེ་བཞིན་གཤེགས་པའི་ཐབས་ལ་མཁས་པ་ཡིན་ནོ། །ཅིའི་ཕྱིར་བྲམ་ཟེའི་བུ་མོ་དྲེགས་མས་ཤིང་གི་གཞོང་བུ་ལྟོ་བར་བཅིངས་ཏེ། དགེ་སྦྱོང་ཁྱོད་ཀྱིས་ཁོ་མོ་སྦྲུམ་པར་བྱས་ཀྱིས། ཁོ་མོ་ལ་ཟས་དང་གོས་བྱིན་
D82.044.0064b02.01ཅིག །ཅེས་དེ་བཞིན་གཤེགས་པ་ལ་སྐུར་པ་བཏབ་པར་གྱུར་ཅེ་ན། རིགས་ཀྱི་བུ་དེ་བཞིན་གཤེགས་པ་ལ་ནི་ལས་ཀྱི་སྒྲིབ་པ་ཅུང་ཟད་ཀྱང་མི་མངའ་སྟེ། དེ་བཞིན་གཤེགས་པས་བྲམ་ཟེའི་བུ་མོ་དྲེགས་མ་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་
D82.044.0064b03.01སྙེད་དུ་འཕང་བར་ཡང་སྤྱོད་མོད་ཀྱི། དེ་བཞིན་གཤེགས་པ་དེས་མཁྱེན་བཞིན་དུ་བཏང་སྙོམས་མཛད་ཅིང་། ཐབས་ལ་མཁས་པས་ལས་ཀྱི་བྱ་བ་ཀུན་ཏུ་བསྟན་པ་མཛད་དོ། །དེ་ཅིའི་ཕྱིར་ཞེ་ན། ཕྱི་མའི་དུས་ན་བསྟན་པ་འདི་ལ་རབ་ཏུ་བྱུང་བའི་དགེ་སློང་
D82.044.0064b04.01དག་འབྱུང་བར་འགྱུར་ཏེ། དེ་དག་ལ་ཡང་དག་པ་མ་ཡིན་པའི་སྐུར་བ་བཏབ་པས་དེ་དག་འགྱོད་པ་དང་། སེམས་ཞུམ་པར་འགྱུར་ཞིང་། དེ་དག་མངོན་པར་མི་དགའ་བ་དང་། ཉམས་པ་ལ་འཇུག་པར་འགྱུར་བས། དེ་དག་སྐུར་བ་བཏབ་པའི་ཚེ་ན་འདི་སྐད་
D82.044.0064b05.01དུ། དེ་བཞིན་གཤེགས་པ་དཀར་པོའི་ཆོས་ཐམས་ཅད་དང་ལྡན་པ་དེ་ཉིད་ཀྱིས་ཀྱང་སྐུར་བ་བརྙེས་པར་གྱུར་ན། བདག་ཅག་གིས་ལྟ་ཅིའི་ཕྱིར་མི་རྙེད་ཅེས་དེ་བཞིན་གཤེགས་པ་རྗེས་སུ་དྲན་པར་བྱེད་ཅིང་། དེ་དག་དེའི་ཚེ་ན་སྐུར་བ་དེ་ཟིལ་གྱིས་མནན་
D82.044.0064b06.01ནས་ཚངས་པར་སྤྱོད་པ་ཡོངས་སུ་དག་པ། ཡོངས་སུ་བྱང་བར་སྤྱོད་པར་འགྱུར་བ་དང་། ཉམས་པ་ལ་འཇུག་པར་མི་འགྱུར་བར་བྱ་བའི་ཕྱིར་རོ། །བྲམ་ཟེའི་བུ་མོ་དྲེགས་མ་ནི་རེ་ཤིག་སྡིག་པའི་ལས་ཀུན་ཏུ་རྒྱས་པ་དང་། རང་བཞིན་གྱིས་མ་དད་པ་མང་
D82.044.0064b07.01