完整藏文原文 · 德格版页 当前仅加载第 59 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་མ་ཡིན་པ་དང་། བརྗོད་དུ་མེད་པའི་དོན་ལ་འཇུག་ཅིང་། བརྗོད་པའི་དོན་མ་ཡིན་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། ཇི་ཙམ་མང་དུ་ཐོས་ཀྱང་དོན་ལ་མི་རྟོག་པས། །བྱིས་པ་ཐོས་དང་མི་ལྡན་རྟག་ཏུ་སྒྲུབ་ཆོས་ཉམས། །སྲིད་གསུམ་
D161.059.0104b01.01སྒྲ་སྐད་དབྱངས་དང་ཚིག་ལམ་གང་ཡོད་པ། །བྲག་ཅ་འདྲ་བར་དེ་ལས་དོན་ལྡན་སྒྲ་ཐོས་ནས། །དོན་ཉིད་རྟོགས་ཤིང་དགའ་མགུར་ཉེས་ཀུན་ཕྱིར་མི་འཇུག །ཆོས་ཉིད་འདི་ནི་དོན་མཆོག་ཡིན་ཏེ་བརྗོད་དུ་མེད། །འདི་ནི་དོན་དང་སྒྲ་སྐད་ཐོས་པར་གྱུར་པ་ལས། །འགྲོ་
D161.059.0104b02.01བ་རྣམས་སུ་འགྲོ་བར་བྱེད་ཅིང་འགྲོ་བར་འགྱུར། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་འཇིག་རྟེན་གྱི་ཚུལ་གྱིས་ཆོས་ལ་སྟོན་པ་རྣམས་ཡིན་ཏེ། བཞི་གང་ཞེ་ན། བྲེ་མོ་གཏམ་བྱེད་པ་རྣམས་ལ་ཆོས་སྟོན་པ་དང་། སྐྱེ་བོ་ཕལ་པོ་ཆེ་
D161.059.0104b03.01འདུས་པ་དག་ལ་འཆི་བ་རྗེས་སུ་དྲན་པ་དག་གཏོང་བ་ཆེན་པོ་དག་ལ་རྗེས་སུ་ཡི་རང་ཞིང་བྱང་ཆུབ་ཏུ་ཡོངས་སུ་བསྔོ་བ་དང་། འདུ་འཛི་ཐམས་ཅད་ལ་དབེན་པར་གཞོལ་བ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། གང་ཚེ་སྐྱེ་བོ་མང་པོའི་དབུས་སུ་
D161.059.0104b04.01སོན་གྱུར་པ། །དེར་ནི་མཁས་པས་ཆོས་ཀྱི་གཏམ་ལ་འཇུག་པར་བྱ། །སྐྱེ་བོ་མང་པོ་འདུས་པར་གྱུར་པའི་ཚོགས་རྣམས་ལ། །འཆི་བར་འགྱུར་བའི་འདུ་ཤེས་རྣམ་པར་བསྒོམ་པར་བྱ། །དེས་ནི་བག་ཡོད་གཞན་གྱི་གཏོང་བ་རྣམ་ལྔ་ཡི། །གཏོང་ལ་ཡི་རངས་བྱས་ནས་
D161.059.0104b05.01བྱང་ཆུབ་བསྔོ་བྱ་ཞིང་། །གང་ཚེ་འདུ་འཛི་དག་དང་ཕྲད་པར་གྱུར་པའི་ཚེ། །དེར་ནི་དབེན་པར་གཞོལ་བར་རབ་ཏུ་འདོད་པར་བྱ། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། སངས་རྒྱས་བཅོམ་ལྡན་འདས་རྣམས་ཀྱིས་གསུངས་པ་
D161.059.0104b06.01བཞིན་དུ་སྨྲ་བ་རྣམས་ཡིན་ཏེ། བཞི་གང་ཞེ་ན། བྱང་ཆུབ་ཀྱི་སེམས་མི་གཏོང་བ་དང་། ཐོས་པ་བསྒྲུབ་པ་སྙིང་པོར་བྱེད་པ་དང་། ཇི་སྐད་སྨྲས་པ་དེ་བཞིན་དུ་བྱེད་པ་དང་། རང་བཞིན་གྱིས་བདག་མེད་པ་ལ་འཇུག་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་
D161.059.0104b07.01